ଆରପାରିରେ ବଲିଉଡର ଲୋକପ୍ରିୟ ଗାୟକ ‘ୱାଜିଦ ଖାନ’

ବର୍ଷ ୨୦୨୦ ସାରା ବିଶ୍ୱ ସହ ବଲିଉଡ ପାଇଁ ମଧ୍ୟ କାଳ ବୋଲି ପ୍ରମାଣିତ ହୋଇଛି । ବଲିଉଡର ଲୋକପ୍ରିୟ ଗାୟକ ତଥା ଗାୟକ ସାଜିଦ ଖାନଙ୍କ ଭାଇ ‘ୱାଜିଦ ଖାନ’ଙ୍କ ପରଲୋକ ଘଟିଛି । ପ୍ରଥମେ ଇଫ୍ରାନ ଖାନ, ପୁଣି ଋଷି କପୁର ଏବଂ ବର୍ତ୍ତମାନ ଲୋକପ୍ରିୟ ଗାୟକ ୱାଜିଦ ଖାନ ଦୁନିଆ ଛାଡି ଚାଲିଯାଇଛନ୍ତି । ୱାଜିଦଙ୍କ ନିଧନ ପରେ ବଲିଉଡରେ ବର୍ତ୍ତମାନ ଶୋକାକୁଳ ପରିବେଶ ଖେଳିଯାଇଛି । ମିଳିଥିବା ସୂଚନା, ଗତ କାଲି ବିଳମ୍ବିତ ରାତିରେ ମୁମ୍ବାଇର ଏକ ଘରୋଇ ହସ୍ପିଟାଲରେ ତାଙ୍କର ମୃତ୍ୟୁ ଘଟିଥିବାବେଳେ ମୃତ୍ୟୁ ବେଳକୁ ତାଙ୍କର ୪୩ ବର୍ଷ ହୋଇଥିବା ।
ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ କରୋନା ଯୋଗୁଁ ତାଙ୍କର ମୃତ୍ୟୁ ହୋଇଥାଇ ପାରେ ବୋଲି ସନ୍ଦେହ କରାଯାଉଛି । ଗତ କିଛି ଦିନ ତଳେ ଅସୁସ୍ଥ ଅନୁଭବ କରିବା ହେତୁ ସେ ହସ୍ପିଟାଲ ଯାଇଥିଲେ । ୱାଜିଦଙ୍କ ମୃତ୍ୟୁକୁ ନେଇ ଔପଚାରିକ କୌଣସି ଘୋଷଣା କରାଯାଇ ନାହିଁ ।