ମହାଦେବ ଫେମ ଅଭିନେତା ମୋହିତ ରାଇନା କରୋନାରେ ଆକ୍ରାନ୍ତ

ଦେଶରେ କରୋନା ସଂକ୍ରମଣ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଅନେକ ବଲିଉଡ ଏବଂ ଟିଭି ଷ୍ଟାରମାନେ ମଧ୍ୟ ଏହି ଭାଇରସ୍ କବଳିତ ହୋଇଛନ୍ତି । ବର୍ତ୍ତମାନ ଟିଭି ସିରିଏଲ ‘ଦେବୋଁ କେ ଦେବ ମହାଦେବ’ର ଅଭିନେତା ମୋହିତ ରାଇନା କରୋନା ସଂକ୍ରମିତ ହୋଇଛନ୍ତି । ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ସେ ତାଙ୍କ ଇନଷ୍ଟାଗ୍ରାମରେ ହସ୍ପିଟାଲରୁ ଏକ ଫଟୋ ସେୟାର କରିଛନ୍ତି ଯେଉଁଥିରେ ତାଙ୍କ ହାତରେ ଡ୍ରିପ୍ ଲଗାହୋଇଥିବା ଦେଖାଯାଇଛି ।

ମୋହିତ ରାଇନା ଲେଖିଛନ୍ତି ଯେ ‘ଯେତେବେଳେ ମୁଁ ବାହାରେ ଏବଂ ଭିତରକୁ ଦେଖେ ମୁଁ ସମସ୍ତଙ୍କ ପାଇଁ ପ୍ରାର୍ଥନା କରେ । ମୋ ବାପା ସର୍ବଦା କୁହନ୍ତି ଯେ ପ୍ରାର୍ଥନା ଯାଦୁ ପରି କାମ କରେ । ମୁଁ ଆପଣ ସମସ୍ତଙ୍କୁ ଅନୁରୋଧ କରୁଛି ଯେ ସୁରକ୍ଷିତ ରୁହନ୍ତୁ ଏବଂ ମାନବିକତା ପାଇଁ ପ୍ରାର୍ଥନା କରନ୍ତୁ । ଗତ ସପ୍ତାହରେ କୋଭିଡ ଟେଷ୍ଟ ପଜିଟିଭ୍ ପରେ ମୁଁ ଡାକ୍ତରଙ୍କ ସୁରକ୍ଷିତ ହାତରେ ଅଛି, ଯେଉଁଠାରେ ମୁଁ ଗତ ମାସରୁ ରହିଆସିଛି ।

ମୋହିତଙ୍କ ଏହି ପୋଷ୍ଟରେ ଅନେକ ଷ୍ଟାର ତାଙ୍କ ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରିଛନ୍ତି । ଦିଆ ମିର୍ଜା ଲେଖିଛନ୍ତି, ଶୀଘ୍ର ସୁସ୍ଥ ହୋଇଯାଅ । ଅନେକ ଭଲପାଇବା ଏବଂ ଶୀଘ୍ର ଭଲହେବା ପାଇଁ ପ୍ରାର୍ଥନା । ‘ ମୋହିତଙ୍କ ଜଣେ ଫ୍ୟାନ୍ସ ଲେଖିଛନ୍ତି – “ଶୀଘ୍ର ଭଲ ହୁଅ ଭାଇ, ମହାଦେବଙ୍କ ଆଶୀର୍ବାଦ ଆପଣଙ୍କ ଉପରେ ହେଉ ।” ଆଉ ଜଣେ ଲେଖିଛନ୍ତି ଯେ ମୁଁ ସମସ୍ତଙ୍କୁ ପଚାରୁଥିଲି। କାରଣ ସେଟରେ କିଛି ଲୋକ କୋଭିଡ ପଜିଟିଭ୍ ଥିଲେ କିନ୍ତୁ ସମସ୍ତେ କହିଥିଲେ ଯେ ମୋହିତ ଭଲ ଅଛନ୍ତି କିନ୍ତୁ ତୁମେ ଭଲ ନାହଁ । ଶୀଘ୍ର ଭଲ ହୋଇଯାଅ ।’

ମୋହିତ ରାଇନାଙ୍କୁ ଶେଷ ଥର ପାଇଁ ୱେବ୍ ସିରିଜ୍ ‘ଏ ଭାଇରାଲ୍ ୱେଡିଂ’ରେ ଦେଖିବାକୁ ମିଳିଥିଲା । ଏହା ବ୍ୟତୀତ ତାଙ୍କ ଫିଲ୍ମ ‘ମିସେସ୍ ସିରିଏଲ କିଲର’ ନେଟଫ୍ଲିକ୍ସରେ ୨୦୨୦ ରେ ରିଲିଜ୍ ହୋଇଥିଲା । ତାଙ୍କର ଆଗାମୀ ଫିଲ୍ମ ହେଉଛି ‘ଶିଦ୍ଦତ’ ।