ବଲିଉଡରେ ଡେବ୍ୟୁ ଚର୍ଚ୍ଚାକୁ ନେଇ କିଛି ଏପରି କହିଲେ ମହେଶ ବାବୁ

ଆଜିକାଲି ସାଉଥ୍ ଇଣ୍ଡଷ୍ଟ୍ରିର ଷ୍ଟାର୍ ଗୋଟିଏ ପରେ ଗୋଟିଏ ବଲିଉଡ ମୁହାଁ ହେଉଛନ୍ତି। ‘ପୁଷ୍ପା’ ହିଟ୍ ହେବା ପରେ ଅଲୁ ଅର୍ଜୁନ ସଞ୍ଜୟ ଲିଲା ଭନସାଲୀଙ୍କ ଫିଲ୍ମ ସହିତ ହିନ୍ଦୀ ସିନେମାରେ ଡେବ୍ୟୁ କରିପାରନ୍ତି। ଅନ୍ୟପକ୍ଷେ ବିଜୟ ଦେବରାକୋଣ୍ଡା ଧର୍ମ ପ୍ରଡକ୍ସନ୍ସର ଫିଲ୍ମ ‘ଲିଗର୍’ରେ ନଜର ଆସିବେ। ଏସବୁ ମଧ୍ୟରେ ବର୍ତ୍ତମାନ ସାଉଥ ଇଣ୍ଡଷ୍ଟ୍ରିର ସୁପରଷ୍ଟାର ମହେଶ ବାବୁ ବଲିଉଡରେ ଡେବ୍ୟୁ କରିବା ଉପରେ ନିଜର ପ୍ରତିକ୍ରିୟା ଦେଇଛନ୍ତି। ମହେଶ ବାବୁ ହିନ୍ଦୀ ସିନେମାରେ ଏଣ୍ଟ୍ରି କରିବାକୁ ସମ୍ପୂର୍ଣ୍ଣ ଭାବେ ମନା କରି ଦେଇଛନ୍ତି। ସୂଚନା ଅନୁଯାୟୀ, ମହେଶ ବାବୁ ହାଇଦ୍ରାବାଦରେ ଏକ କାର୍ଯ୍ୟକ୍ରମରେ ଯୋଗ ଦେଇଛନ୍ତି। ଏହି ସମୟରେ ସାମ୍ବାଦିକମାନେ ଅଭିନେତାଙ୍କୁ ତାଙ୍କର ଆଗାମୀ ପ୍ରୋଜେକ୍ଟ ବିଷୟରେ ପ୍ରଶ୍ନ କରିଛନ୍ତି। ଯେତେବେଳେ ଜଣେ ସାମ୍ବାଦିକ ମହେଶ ବାବୁଙ୍କୁ ବଲିଉଡରେ ଏଣ୍ଟ୍ରି ବିଷୟରେ ପଚାରିଛନ୍ତି, ସେ ହିନ୍ଦୀ ଫିଲ୍ମରେ କାମ କରିବାକୁ ମନା କରିଦେଇଛନ୍ତି। ଅଭିନେତା କହିଛନ୍ତି, “ହିନ୍ଦୀ ଫିଲ୍ମ କରିବାର କୌଣସି ଆବଶ୍ୟକତା ନାହିଁ କାରଣ ତେଲୁଗୁ ଫିଲ୍ମ ବି ମଧ୍ୟ ସାରା ଦେଶରେ ଦେଖାଯାଉଛି। ମୋତେ ହିନ୍ଦୀ ଫିଲ୍ମରେ ଅଭିନୟ କରିବାର ଆବଶ୍ୟକତା ନାହିଁ । ଏହା ବ୍ୟତୀତ ସେ ତେଲୁଗୁ ଫିଲ୍ମ କରିବାକୁ କମିଟେଡ୍ ବୋଲି କହିଛନ୍ତି।
ଅତୀତରେ, ଖବର ଆସିଥିଲା ​​ଯେ ମହେଶ ବାବୁ ହଲିଉଡରେ ପାଦ ଦେବାକୁ ଯାଉଛନ୍ତି, କିନ୍ତୁ ଏହି କାର୍ଯ୍ୟକ୍ରମରେ ମହେଶ ବାବୁ ଏହି ରିପୋର୍ଟଗୁଡିକ ଉପରେ ମଧ୍ୟ ନିଜର ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି ମୁଁ କୌଣସି ହଲିଉଡ ପ୍ରୋଜେକ୍ଟ ବିଷୟରେ ଜାଣି ନାହିଁ କିମ୍ବା କୌଣସି ପ୍ରୋଜେକ୍ଟର ଅଂଶ ନୁହେଁ। ମହେଶ ବାବୁଙ୍କ ଏହି ବିବୃତ୍ତି ବର୍ତ୍ତମାନ ସମସ୍ତ ଗୁଜବକୁ ସମାପ୍ତ କରିଛି।