‘ଦି କାଶ୍ମୀର ଫାଇଲ୍ସ’ ପରେ ଏବେ ‘ଲଣ୍ଡନ୍ ଫାଇଲ୍ସ’ ରିଲିଜ୍ ପାଇଁ ପ୍ରସ୍ତୁତ

କାଶ୍ମୀର ପଣ୍ଡିତଙ୍କ ଉପରେ ହୋଇଥିବା ଅତ୍ୟାଚାରକୁ ନେଇ ଫିଲ୍ମ ‘କାଶ୍ମୀର ଫାଇଲ୍ସ’। ବଡ଼ ପରଦାରେ କମାଲ ଦେଖାଇବା ପରେ ବର୍ତ୍ତମାନ ଓଟିଟିରେ ଆଉ ଏକ ରୋମାଞ୍ଚକର ଏବଂ ସସ୍‌ପେନ୍ସରେ ଭରା ୱେବ୍ ସିରିଜ୍ ‘ଲଣ୍ଡନ ଫାଇଲ୍ସ’ ରିଲିଜ୍ ପାଇଁ ପ୍ରସ୍ତୁତ । ‘ଲଣ୍ଡନ ଫାଇଲ୍ସ’ ଏକ ଇନଭେଷ୍ଟିଗେଟିଭ୍ ୱେବ୍ ସିରିଜ୍। ଯେଉଁଥିରେ ବଲିଉଡ ଅଭିନେତା ଅର୍ଜୁନ ରାମପାଲ ମୁଖ୍ୟ ଭୂମିକାରେ ନଜର ଆସିବେ। ଯିଏକି ଜଣେ ଗୁପ୍ତଚର ହୋଇ ଗୋଟିଏ ପରେ ଗୋଟିଏ ରହସ୍ୟର ପର୍ଦ୍ଦାଫାଶ କରିବେ। ୱେବ୍ ସିରିଜ୍ ଲଣ୍ଡନ ଫାଇଲ୍ସରେ ଅର୍ଜୁନ ରାମପାଲଙ୍କୁ ଜଣେ ଗୁପ୍ତଚର ଓମ ସିଂଙ୍କ ଭୂମିକାରେ ଦେଖିବାକୁ ମିଳିବ। ଯିଏକି ନିଜ ବ୍ୟକ୍ତିଗତ ଅସୁବିଧା ସହ ସଂଗ୍ରାମ କରୁଥିବାବେଳେ ବୃତ୍ତିଗତ ଜୀବନରେ ଏକ ହତ୍ୟା ଘଟଣାର ଅନୁସନ୍ଧାନ କରୁଛନ୍ତି। ଏହି ସିରିଜରେ, ଓମ୍ ଅର୍ଥାତ୍ ଅର୍ଜୁନ ରାଜନୈତିକ ବିଭାଜିତ ଲଣ୍ଡନରେ ନିଖୋଜ ବ୍ୟକ୍ତିଙ୍କ ମାମଲା ଗ୍ରହଣ କରିଛନ୍ତି ଏବଂ ଏହି ସମୟ ମଧ୍ୟରେ ସେ ମିଡିଆ ମୋଗଲ ଅମର ରାୟଙ୍କ ନିଖୋଜ ଝିଅର ମାମଲା ନେବାକୁ ବାଧ୍ୟ ହୋଇଛନ୍ତି। ଓମ୍ ଏହି ଘଟଣାର ଅନୁସନ୍ଧାନ ଆରମ୍ଭ କଲାବେଳେ ଏକ ଗଭୀର ରହସ୍ୟ ସାମ୍ନାକୁ ଆସିଛି। ଏହିପରି, ଏହି ସିରିଜ୍ ଅନେକ ଲୁକ୍କାୟିତ ରହସ୍ୟର ଖୁଲାସା କରିବାକୁ ପ୍ରସ୍ତୁତ ହୋଇଛି।
ପୁରବ କୋହଲିଙ୍କ ଦ୍ୱାରା ନିର୍ମିତ ‘ଲଣ୍ଡନ ଫାଇଲ୍ସ’ ସିରିଜ୍ ଦର୍ଶକଙ୍କୁ ଡ୍ରାମା ଏବଂ ସସପେନ୍ସ ସହିତ ମନୋରଞ୍ଜନ କରିବାକୁ ପ୍ରସ୍ତୁତ । ଏଥିରେ ଅର୍ଜୁନ ରାମପାଲ, ସପନା ପାବୀ, ମେଧା ରାଣା, ଗୋପାଲ ଦତ୍ତ, ସାଗର ଆର୍ଯ୍ୟ ଏବଂ ଇଭା ଜେନ ୱିଲିସ୍ ଗୁରୁତ୍ୱପୂର୍ଣ୍ଣ ଭୂମିକାରେ ଆସିବେ। ସଚିନ୍ ପାଠକଙ୍କ ନିର୍ଦ୍ଦେଶିତ ଏବଂ ଜାର୍ ପିକ୍ଚର୍ସ ଦ୍ୱାରା ନିର୍ମିତ ୱେବ୍ ସିରିଜ୍ ଲଣ୍ଡନ ଫାଇଲ୍ସ OTT ପ୍ଲାଟଫର୍ମ ଭୁଟରେ ରିଲିଜ୍ କରିବ। ଏହି ସିରିଜ୍ ଏପ୍ରିଲ ୨୧, ୨୦୨୨ ରେ ରିଲିଜ୍ ହେବ। ଏହି ସିରିଜରେ ୬ ଟି ଏପିସୋଡ୍ ଅଛି।