ତାମିଲି ଗୀତରେ ଡ୍ୟାନ୍ସ କଲେ ପିଟରସନ, ଭିଡିଓକୁ ସେୟାର କଲେ ଏୟାର ରେହମାନ
ଡେଭିଡ ୱାର୍ନରଙ୍କ ପରେ ଏବେ ଇଂଲଣ୍ଡ ଦଳର ପୂର୍ବତ୍ତନ ଅଧିନାୟକ କେଭିନ ପିଟରସନଙ୍କୁ ଟିକ୍ଟକ ନିଶା ଚଢିବା ଆରମ୍ଭ ହେଲାଣି । ପିଟରସନ ନିଜ ଟିକ୍ଟକ ଭିଡିଓରେ ଏୟାର ରେହମାନଙ୍କ ତାମିଲି ଗୀତିରେ ଡାନ୍ସ କରୁଥିବାର ଦେଖିବାକୁ ମିଳିଛି । ପିଟରସନଙ୍କ ଏହି ଭିଡିଓକୁ ଏୟାର ରେହମାନ ନିଜ ଇନଷ୍ଟାଗ୍ରାମ ଆଇଡିରେ ସେୟାର କରିଛନ୍ତି । କରୋନା ଭାଇରସ ଯୋଗୁଁ ସମସ୍ତ ସ୍ପୋର୍ଟ୍ସ ଇଭେଣ୍ଟକୁ ସ୍ଥଗିତ କରାଇ ଦିଆଯାଇଛି । ଲକ୍ଡାଉନରେ କ୍ରିକେଟର, ପୂର୍ବତ୍ତନ କ୍ରିକେଟର ଏବଂ କମେଣ୍ଟଟର ନିଜ ନିଜର ପରିବାର ସହ ସମୟ ବିତାଉଛନ୍ତି । ଏହି ମଧ୍ୟରେ ଅନେକ କ୍ରିକେଟର ଟିକ୍ଟକରେ କିଛି ମଜାଦାର ଭିଡିଓ କରି ସମୟ ଅତିବାହିତ କରୁଥିବାର ଦେଖିବାକୁ ମଧ୍ୟ ମିଳୁଛି । ୟୁଜବିନ୍ଦ୍ର ଚହଲ, ମହମ୍ମଦ ଶାମୀ, ଡେଭିଡ ୱାର୍ନର ଏବଂ ଆରୋନ ଫିଞ୍ଚଙ୍କ ପରେ କେଭିନ ପିଟରସନ ମଧ୍ୟ ଟିକ୍ଟକର ନିଶା ଚଢିବା ଆରମ୍ଭ ହେଲାଣି ।
କେଭିନ ପିଟରସନ ଏୟାର ରେହମାନଙ୍କ ତାମିଲି ସଂଗୀତ ‘ଓଟାଗାଥା କଟିକୋ’ରେ କିଛି ଡ୍ୟାନ୍ସ ଷ୍ଟେପ କରିଥିଲେ । ପିଟରସନଙ୍କ ଏହି ଟିକ୍ଟକ ଭିଡିଓ ଏୟାର ରେହମାନଙ୍କୁ ଖୁବ ପସନ୍ଦ ଆସିଥିଲା ଏବଂ ସେ ଏହି ଭିଡିଓକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଥିଲେ ।
ଏହି ସମୟରେ ବିଦେଶୀ କ୍ରିକେଟରଙ୍କ ମଧ୍ୟରେ ଟଲିଉଡର କ୍ରେଜ ଅନେକ ଥିବାର ଦେଖିବାକୁ ମିଳିଛି । ଏହା ପୂର୍ବରୁ ୱାର୍ନର ତାମିଲି ଏବଂ ତେଲୁଗୁ ଗୀତିରେ ଡ୍ୟାନ୍ସ ଷ୍ଟେପ କରୁଥିବାର ଦେଖିବାକୁ ମିଳି ସାରିଛି ।
Comments are closed.