କରୋନାରେ ଆକ୍ରାନ୍ତ ହେଲେ ଅଭିନେତ୍ରୀ ଜେନିଫର ୱିଙ୍ଗେଟ

ଦେଶରେ କରୋନା ଭାଇରସର ମାମଲା କମ୍ ହେଉଥିବାରୁ ଲୋକମାନେ ଶାନ୍ତିରେ ନିଶ୍ୱାସ ମାରୁଥିଲେ, କିନ୍ତୁ ପୁଣି ଥରେ ନୂଆ ମାମଲା ବଢିବାରେ ଲାଗିଛି । କରୋନାରେ ଅନେକ ସେଲିବ୍ରେଟ୍ ସଂକ୍ରମିତ ହୋଇଥିଲେ, ସେମାନଙ୍କ ମଧ୍ୟରୁ କେତେକ ଏହି ମହାମାରୀକୁ ପରାସ୍ତ କରିଥିବାବେଳେ ଆଉ କେତେକ ଜୀବନ ଯୁଦ୍ଧରେ ହାରି ଯାଇଥିଲେ । ଏହି ସମୟରେ ଟିଭି ଅଭିନେତ୍ରୀ ଜେନିଫର ୱିଙ୍ଗେଟ୍ ମଧ୍ୟ କରୋନା ସଂକ୍ରମିତ ହୋଇଛନ୍ତି। ଯାହା ପରେ ସେ ନିଜକୁ କ୍ୱାରେଣ୍ଟାଇନ୍ କରିନେଇଛନ୍ତି । ସୂଚନା ଅନୁଯାୟୀ, ଜେନିଫର୍ ‘କୋଡ୍ ଏମ୍’ ୱେବ୍ ସିରିଜ୍ ପାଇଁ ସୁଟିଂ ଆରମ୍ଭ କରିବାକୁ ଯାଉଥିଲେ। ସୁଟିଂ ଆରମ୍ଭ କରିବା ପୂର୍ବରୁ ଅଭିନେତ୍ରୀ କରୋନା ଟେଷ୍ଟ କରିଥିଲେ ଯାହା ସକରାତ୍ମକ ହୋଇଛି । ରିପୋର୍ଟ ସକାରାତ୍ମକ ହେବା ପରେ ଜେନିଫର୍ ନିଜକୁ କ୍ୱାରେଣ୍ଟାଇନ୍ କରିଛନ୍ତି ଏବଂ ସମ୍ପୂର୍ଣ୍ଣ ସତର୍କତା ଅବଲମ୍ବନ କରୁଛନ୍ତି। ‘କୋଡ୍ ଏମ୍’ ୱେବ୍ ସିରିଜ୍ ରେ ଜେନିଫର୍ ମେଜର ମୋନିକା ମେହରା ଭୂମିକାରେ ଅଭିନୟ କରିଥିଲେ । ଏଥି ସହିତ ଏହାର ଦ୍ୱିତୀୟ ସିଜିନର ସୁଟିଂ ଆରମ୍ଭ ହେବାକୁ ଯାଉଛି। ଏହି ସିରିଜରେ ଜେନିଫରଙ୍କ ବ୍ୟତୀତ ରଜତ କପୁର, ସୀମା ବିଶ୍ୱାସ୍, ତନୁଜ ବିରୱାନି, ମଧୁରିମା ରାୟଙ୍କ ଭଳି ଷ୍ଟାର୍ ମଧ୍ୟ ସାମିଲ ହୋଇଛନ୍ତି।