ବାପା ହେବାକୁ ଯାଉଛନ୍ତି ଟିମ ଇଣ୍ଡିଆର ରସିକିଆ ଅଲରାଉଣ୍ଡର ‘ହାର୍ଦିକ ପାଣ୍ଡ୍ୟା’
ନୂଆବର୍ଷ ଠିକ୍ ପୂର୍ବଦିନ ଅଚାନକ ନିଜ ନିର୍ବନ୍ଧ ଖବର ଦେଇ ପ୍ରଶଂସକଙ୍କୁ ଚକିତ କରିଦେଇଥିଲେ ଭାରତୀୟ ଦଳର ରସିକିଆ ଅଲରାଉଣ୍ଡର ହାର୍ଦିକ ପାଣ୍ଡ୍ୟା । ସର୍ବିୟ ଅଭିନେତ୍ରୀ ନତାଶା ଷ୍ଟଙ୍କୋଭିକଙ୍କ ସହ ନିର୍ବନ୍ଧ କରି ନେଇଥିବା ଖବର ପାଣ୍ଡ୍ୟା ସୋସିଆଲ ମିଡିଆରେ ପ୍ରକାଶ କରିବା ପରେ ତାଙ୍କ ମହିଳା ପ୍ରଶଂସକ ସବୁଠାରୁ ଅଧିକ ନିରାଶ ହୋଇଥିଲେ । ବର୍ତ୍ତମାନ ପୁଣିଥରେ ପାଣ୍ଡ୍ୟା, ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଦେଲା ଭଳି ଖବର ସାମନାକୁ ଆଣିଛନ୍ତି । ବିବାହ କରିବା ପୂର୍ବରୁ ନତାଶା ଗର୍ଭବତୀ ଥିବା ଏବଂ ସେ ଖୁବଶୀଘ୍ର ବାପା ହେବାକୁ ଯାଉଛନ୍ତି ବୋଲି ସୂଚନା ରବିବାର ସେ ନିଜ ଟ୍ୱିଟର ଓ ଇନଷ୍ଟାଗ୍ରାମ ଦେଇଛନ୍ତି ।
ନତାଶା ସହ ସହ ଏକ ଫଟୋକୁ ସୋସିଆଲ ମିଡିଆରେ ସେୟାର କରି ସେ ଏହି ସଂପର୍କରେ ସୂଚନା ଦେଇଛନ୍ତି । ଏଥିରେ ନତାଶାଙ୍କ ପେଟ ଉପରେ ପାଣ୍ଡ୍ୟା ହାତ ରଖିଥିବା ଦେଖିବାକୁ ମିଳିଛି । ସେ ଏହି ଫଟୋ ସେୟାର କରି କ୍ୟାପସନରେ ଲେଖିଛନ୍ତି ଯେ, “ନତାଶା ଓ ମୋର ଜୀବନ ଯାତ୍ରା ବହୁତ ସୁଖଃଦ ରିହିଛି । ଏବଂ ଏହା ଆହୁରୀ ସୁନ୍ଦର ହେବାକୁ ଯାଉଛି । ଆମେ ଦୁହେଁ ଖୁବ ଶୀଘ୍ର ଜଣେ ନୂଆ ଅତୀଥିଙ୍କୁ ସ୍ୱାଗତ କରିବାକୁ ଯାଉଛୁ । ଜୀବନର ଏହି ପର୍ଯ୍ୟାୟ ଆମ ପାଇଁ ବହୁତ ରୋମାଞ୍ଚିତ ଅଛି । ଆପଣଙ୍କ ଆର୍ଶୀବାଦ କାମନା କରୁଛୁ । ”
ମିଳିଥିବା ସୂଚନା ମୁତାବକ ନତାଶା ଓ ପାଣ୍ଡ୍ୟା ମାର୍ଚ୍ଚ ୨୪ ତାରଖରେ ଲକଡାଉନ ଆରମ୍ଭ ହେବା ପରଠାରୁ ଏକାଠି ରହି ଆସୁଛନ୍ତି ।
Comments are closed.