ନେତାନ୍ୟାହୁଙ୍କ ବିସ୍ଫୋରକ ବୟାନ, ଟ୍ରମ୍ପଙ୍କୁ ମାରିବାକୁ ଚାହୁଁଛି ଇରାନ

ଇରାନ ଏବଂ ଇସ୍ରାଏଲ ମଧ୍ୟରେ ଶତ୍ରୁତା ବୃଦ୍ଧି ପାଉଛି, ଏବଂ ଉତ୍ତେଜନା ମଧ୍ୟରେ, ଇସ୍ରାଏଲୀ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ କହିଛନ୍ତି ଯେ ଇରାନର ଶାସନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ସେମାନଙ୍କର “ପ୍ରଥମ ଶତ୍ରୁ” ଭାବରେ ଦେଖେ ଏବଂ ଦାବି କରି କହିଛନ୍ତି ଯେ ସେମାନେ ତାଙ୍କୁ ହତ୍ୟା କରିବାକୁ ଚାହୁଁଛନ୍ତି।

ଫକ୍ସ ନ୍ୟୁଜ୍ ସହିତ ଏକ ସାକ୍ଷାତକାରରେ ନେତାନ୍ୟାହୁ କହିଛନ୍ତି ଯେ ଟ୍ରମ୍ପ ଜଣେ “ନିର୍ଣ୍ଣାୟକ” ନେତା।

ସମ୍ବାଦ ସରବରାହ ସଂସ୍ଥା ANI ଅନୁଯାୟୀ, ଫକ୍ସ ନ୍ୟୁଜ ଇସ୍ରାଏଲୀ ପ୍ରଧାନମନ୍ତ୍ରୀଙ୍କୁ ଉଦ୍ଧୃତ କରି କହିଛି ଯେ, “ସେମାନେ ତାଙ୍କୁ ହତ୍ୟା କରିବାକୁ ଚାହୁଁଛନ୍ତି। ସେ ହେଉଛନ୍ତି ଶତ୍ରୁ ନମ୍ବର ୱାନ୍।”

ଇରାନ ସହିତ ଚାଲିଥିବା ଉତ୍ତେଜନା ମଧ୍ୟରେ, ଇସ୍ରାଏଲ ପ୍ରଧାନମନ୍ତ୍ରୀ ଏକ ବଡ଼ ଦାବି କରିଛନ୍ତି । ସେ କହିଛନ୍ତି, ଇରାନ ତାଙ୍କୁ ଏବଂ ଆମେରିକା ରାଷ୍ଟ୍ରପତିଙ୍କୁ ହତ୍ୟା କରିବାକୁ ଚେଷ୍ଟା କରିଛି । ଏହି ବୟାନ ଏପରି ଏକ ସମୟରେ ଆସିଛି ଯେତେବେଳେ ଇସ୍ରାଏଲ ଇରାନର ପରମାଣୁ ଏବଂ ସାମରିକ ଘାଟି ଉପରେ ବଡ଼ ଧରଣର ବିମାନ ଆକ୍ରମଣ କରିଛି । ଅନ୍ୟପଟେ ଇସ୍ରାଏଲୀ ସେନା କହିଛି, ଏହି ଆକ୍ରମଣ ଇରାନର ପରମାଣୁ କାର୍ଯ୍ୟକ୍ରମକୁ ବର୍ଷ ବର୍ଷ ପଛକୁ ଠେଲି ଦେଇଛି ।

‘ଇରାନ ଏବଂ ଇସ୍ରାଏଲ ମଧ୍ୟରେ ଆପୋଷ ସମାଧାନ ହେଉ’ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରବିବାର ଦିନ କରିଛନ୍ତି, ସେ ଇରାନ ଏବଂ ଇସ୍ରାଏଲ ମଧ୍ୟରେ ମଧ୍ୟସ୍ଥତା ଯୁଦ୍ଧ ସମସ୍ୟାର ସମାଧାନ କରିପାରିବେ ଯେପରି ସେ ଅନ୍ୟ ଶତ୍ରୁ ରାଷ୍ଟ୍ରମାନଙ୍କ ମଧ୍ୟରେ କରିଛନ୍ତି । ଟ୍ରମ୍ପ ପୁଣି ଥରେ ଭାରତ-ପାକିସ୍ତାନର ଉଦାହରଣ ଦେଇଛନ୍ତି । ସେ ପୁଣି ଦାବି କରିଛନ୍ତି ଗତ ମାସରେ ଭାରତ ଏବଂ ପାକିସ୍ତାନ ମଧ୍ୟରେ ମଧ୍ୟସ୍ଥତା କରି ବିବାଦକୁ ବନ୍ଦ କରିଥିଲେ ।