ଅନ୍ତୋଃଦୟ ମୂଖ୍ୟମନ୍ତ୍ରୀ ଗୃହ ଯୋଜନା

ଶେରଗଡ: ଶେରଗଡ ବ୍ଲକ ପରିସରରେ ଅନ୍ତୋଃଦୟ ଗୃହ ଯୋଜନା ର ଶୁଭାରମ୍ଭ ହୋଈଯାଈଛି। ଓଡିଶା ସରକାରଙ୍କ ପଞ୍ଚାୟତିରାଜ ବିଭାଗ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମ କୁ ମାନ୍ୟବର ମୂଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀ ଭିଡିଓ କନଫରେନ୍ସି ମାଧ୍ୟମରେ ଉଦଘାଟନ କରିଥିଲେ। ଶେରଗଡ ବିଡ଼ିଓ ଦାୟିତ୍ୱ ରେ ଥିବା ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ସୁଧାଂଶୁ ଶେଖର ତରେଈ ଙ୍କ ତତ୍ବାବଧାନରେ ଆୟୋଜିତ କାର୍ଯ୍ୟକ୍ରମ ରେ ଶେରଗଡ ବ୍ଲକ ଅଧ୍ୟକ୍ଷ କୃଷ୍ଣଚନ୍ଦ୍ର ନାୟକ ଉପସ୍ଥିତ ରହି ଶେରଗଡ ବ୍ଲକର 128 ଜଣ ହିତାଧିକାରୀ ଙ୍କୁ ଅନ୍ତୋଃଦୟ ଗୃହ ଯୋଜନାରେ ସାମିଲ କରିବା ସହ କାର୍ଯ୍ୟ ଆରମ୍ଭ କରିବା ଲାଗି କାର୍ଯ୍ୟାଦେଶ ପ୍ରଦାନ କରିଥିଲେ। ସରକାରଙ୍କ ନିୟମ ଅନୁଯାୟୀ ଉକ୍ତ ଯୋଜନାରେ ପ୍ରତ୍ୟେକ ପଞ୍ଚାୟତ ରେ ଥିବା ବିଧବା, ଦିବ୍ୟାଙ୍ଗ,ଅନାଥ,ଅସହାୟ ଙ୍କୁ ଏହି ଯୋଜନାରେ ସାମିଲ କରାଯାଇଛି। ଅଧ୍ୟକ୍ଷ କୃଷ୍ଣଚନ୍ଦ୍ର ନାୟକ କାର୍ଯ୍ୟାଦେଶ ପାଈଥିବା ହିତାଧିକାରୀଙ୍କୁ ଯଥାଶୀଘ୍ର କାର୍ଯ୍ୟ ଆରମ୍ଭ କରି ଗୃହ କାର୍ଯ୍ୟ ସମୟ ସୀମା ମଧ୍ୟରେ ଶେଷ କରି ଏହି ଯୋଜନା ର ଫାଈଦା ନେବା ଲାଗି ପରାମର୍ଶ ଦେଈଥିଲେ। ଏହି କାର୍ଯ୍ୟକ୍ରମ ସମୟରେ ସିଡିପିଓ ମମତାଞ୍ଜଳି ପଣ୍ଡା, ଜିଲ୍ଲା ପରିଷଦ ସଭ୍ୟ ଚିତ୍ତ ରଞ୍ଜନ ପାଣିଗ୍ରାହୀ, ଜିଲ୍ଲା ପରିଷଦ ସଭ୍ୟା ଶ୍ରୀମତି ନିବେଦିତା ପ୍ରଧାନ, ଧବଳପୁର ମଣ୍ଡଳ ବିଜେପି ସଭାପତି ଜିତେନ୍ଦ୍ର ମହାରଣା, ଶେରଗଡ ମଣ୍ଡଳ ବିଜେପି ସଭାପତି ସଞ୍ଜୟ କୁମାର ଜେନା, ନରେନ୍ଦ୍ରପୁର ସରପଞ୍ଚ ଗୁରୁନାଥ ପୋଲେଈ ଙ୍କ ସହିତ ବହୁ ସରପଞ୍ଚ, ସମିତି ସଭ୍ୟ ଉପସ୍ଥିତ ଥିଲେ।