କ୍ୟାଟ୍ରିନାଙ୍କ ଲାଇଭ ଚ୍ୟାଟରେ କମେଣ୍ଟ କଲେ ଚହଲ, ଫଟୋ ଭାଇରାଲ

ଭାରତୀୟ ଦଳର ଲେଗ ସ୍ପିନର ୟୁଜବିନ୍ଦ୍ର ଚହଲ କ୍ରିକେଟ ମଇଦାନ ହେଉ କିମ୍ବା ବାହରେ ସେ ସର୍ବଦା ଚର୍ଚ୍ଚାରେ ରହି ଆସୁଛନ୍ତି । ସେ ଟିମ ଇଣ୍ଡିଆର ଡ୍ରେସିଙ୍ଗ ରୁମରେ ସବୁଠାରୁ ମଜାଳିଆ ଖେଳାଳୀ ମାନଙ୍କ ମଧ୍ୟରୁ ଅନ୍ୟତ୍ତମ । ଚହଲ ସବୁବେଳେ ସାଥୀ ଖେଳାଳୀଙ୍କ ସହ ମଜା-ମସ୍ତି କରୁଥିବାର ଦେଖିବାକୁ ମିଳେ । ସୋସିଆଲ ମିଡିଆରେ ସର୍ବଦା ଆକ୍ଟିଭ ରହୁଥିବା ଚହଲ ନିଜର ସାଥୀ କ୍ରିକେଟର ଏବଂ ଅନ୍ୟ କ୍ରିକେଟରଙ୍କ ପୋଷ୍ଟରେ କମେଣ୍ଟ କରୁଥିବାର ଦେଖିବାକୁ ମିଳେ । ବର୍ତ୍ତମାନ ସେ ପୁଣି ନିଜର ଏକ କମେଣ୍ଟକୁ ନେଇ ଚର୍ଚ୍ଚାର ପରିସରକୁ ଆସିଛନ୍ତି । ଏହି କମେଣ୍ଟ କୌଣସି ସାଥୀ ଖେଳାଳୀଙ୍କ ବଦଳରେ ସେ ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫଙ୍କ ଇନଷ୍ଟାଗ୍ରାମ ଲାଇଭ ଚ୍ୟାଟରେ କରିଛନ୍ତି ।
କ୍ୟାଟ୍ରିନା ଲାଇଭ ଇନଷ୍ଟାଗ୍ରାମ ଚ୍ୟାଟରେ ନିଜ ପ୍ରଶଂସକଙ୍କ ସହ କଥା ହେଉଥିଲେ । ଏହି ମଧ୍ୟରେ ଚହଲ ତାଙ୍କ ଲାଇଭ ଚ୍ୟାଟରେ ଆସିଲେ ଏବଂ କମେଣ୍ଟ କଲେ । ଚହଲଙ୍କର ଏହି କମେଣ୍ଟ ତୁରନ୍ତ ପ୍ରଶଂସକଙ୍କ ନଜରକୁ ଆସିଗଲା ଏବଂ ସେମାନେ ସଙ୍ଗେସଙ୍ଗେ ଏହାର ସ୍କ୍ରିନସଟ ସୋସିଆଲ ମିଡିଆରେ ଭାଇରଲ ହେବାରେ ଲାଗିଲା । କରୋନା ଭାଇରସ ପାଇଁ ଦେଶରେ ଉପୁଜିଥିବା ଲକ୍‌ଡାଉନ ପରିସ୍ଥିତି ଯୋଗୁଁ ଭାରତୀୟ ଦଳର କ୍ରିକେଟର ଏବଂ ବଲିଉଡ ହସ୍ତି ନିଜ ନିଜର ପ୍ରଶଂସକଙ୍କ ସହ ଯୋଡି ହୋଇ ରହିବା ପାଇଁ ସୋସିଆଲ ମିଡିଆର ବ୍ୟବହାର କରୁଛନ୍ତି ।
ପ୍ରକାଶ ଥାଉକି, ଅନେକ କ୍ରିକେଟର ଇନଷ୍ଟାଗ୍ରାମରେ ଲାଇଭ ଚ୍ୟାଟ କରି ସାରିଛନ୍ତି । ଏହା ପୂର୍ବରୁ ଚହଲ, ରୋହିତ ଏବଂ କୋହଲିଙ୍କ ଲାଇଭ ଚ୍ୟାଟରେ କମେଣ୍ଟ କରି ସାରିଛନ୍ତି । ବର୍ତ୍ତମାନ ସେ କ୍ୟାଟ୍ରିନାଙ୍କ ଲାଇଭ ଚ୍ୟାଟରେ କମେଣ୍ଟ କରିଛନ୍ତି ଯାହାକୁ ନେଇ ସେ ଚର୍ଚ୍ଚାର ପରିସରକୁ ଆସିଛନ୍ତି । ଚହଲ କ୍ୟାଟ୍ରିନାଙ୍କ ଲାଇଭ ଚ୍ୟାଟରେ କମେଣ୍ଟ କରି “ହାଏ କ୍ୟାଟ୍ରିନା ମ୍ୟାମ ଲେଖିଛନ୍ତି ।”