ପଡିଆ ମଝିରେ ପନ୍ଥଙ୍କୁ ଚାପୁଡା ମାରିଲେ ରୋହିତ, ଭିଡିଓ ଭାଇରାଲ
ଭାରତ ଇଂଲଣ୍ଡ ମଧ୍ୟରେ ଚେନ୍ନାଇରେ ଚାଲିଥିବା ଦ୍ୱିତୀୟ ଟେଷ୍ଟ ମ୍ୟାଚର ଦ୍ୱିତୀୟ ଦିନରେ ଏକ ମଜାଦାର ଘଟଣା ଦେଖିବାକୁ ମିଳିଛି। ଦ୍ୱିତୀୟ ଦିନରେ ଭାରତର ଇନିଂସ ୩୨୯ ରନରେ ଶେଷ ହୋଇଥିଲା। ଇଂଲଣ୍ଡ ଟିମ୍ ପ୍ରଥମ ଇନିଂସରେ ୧୩୪ ରନ କରିଥିଲା। ଭାରତୀୟ ସ୍ପିନର୍ସଙ୍କ ଆଗରେ ଇଂଲଣ୍ଡ ବ୍ୟାଟ୍ସମ୍ୟାନଙ୍କ ବ୍ୟାଟ୍ କିଛି ଖାସ ପ୍ରଦର୍ଶନ କରିପାରିନଥିଲା। ରବି ଚନ୍ଦ୍ରନ ଅଶ୍ୱିନ ୪୩ ରନ ଦେଇ ୫ ୱିକେଟ ନେଲେ। ଡେବ୍ୟୁ କରୁଥିବା ଅକ୍ଷର ପଟେଲ ୨ଟି ୱିକେଟ ନେଇଥିଲେ। ଇଂଲଣ୍ଡ ଖେଳାଳି ଆଉଟ୍ ହେଲାବେଳେ ଖୁସି ମନାଇବା ବେଳେ ରୋହିତ ଶର୍ମା ୱିକେଟକିପର ଋଷଭ ପନ୍ତଙ୍କୁ ଚାପୁଡ଼ା ମାରିଥିବା ନଜର ଆସିଥିଲା। ବୀରେନ୍ଦ୍ର ସେହୱାଗ ଏହାର ଭିଡିଓ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି।
View this post on Instagram
ଚେନ୍ନାଇ ଟେଷ୍ଟରେ ଋଷଭ ପନ୍ତ ବ୍ୟାଟିଂ ଛଡା ୱିକେଟ କିପିଙ୍ଗରେ ମଧ୍ୟ ବହୁତ ଭଲ ପ୍ରଦର୍ଶନ କରିଛନ୍ତି। ଦ୍ୱିତୀୟ ଇନିଂସରେ ସେ ୭୭ ବଲରେ ୭ଟି ଚୌକ ଓ ୩ଟି ଛକ୍କା ମାରି ୫୮ ରନ କରିଥିଲେ। ଟେଷ୍ଟ ମ୍ୟାଚରେ ଋଷଭ ପନ୍ତଙ୍କ ଏହା ଲଗାତାର ଚତୁର୍ଥ ଅର୍ଦ୍ଧଶତକ। ପ୍ରଥମ ଇନିଂସରେ ୮୮ ବଲରେ ୯୧ ରନ୍ କରିଥିଲେ। ଏହା ପୂର୍ବରୁ ଅଷ୍ଟ୍ରେଲିଆରେ ସିଡନୀ ଟେଷ୍ଟରେ ସେ ୯୭ ଓ ବ୍ରିସବେନରେ ୮୯ ରନ୍ କରିଥିଲେ। ଋଷଭ ପନ୍ତ ୱିକେଟ୍ କିପିଙ୍ଗରେ ମଧ୍ୟ କମାଲ କରିଛନ୍ତି। ସେ ଓଲି ପୋପ୍ ଓ ଜ୍ୟାକ୍ ଲିଚଙ୍କ କ୍ୟାଚ୍ ଧରିଥିଲେ। ଋଷଭ ପନ୍ତ ଏବେ ଯାଏଁ ୧୮ଟି ଟେଷ୍ଟ ମ୍ୟାଚରେ ଦୁଇଟି ଶତକ ଓ ୬ଟି ଅର୍ଦ୍ଧଶତକ କରି ୧୨୫୬ ରନ୍ କରିଛନ୍ତି। ତାଙ୍କ ରନ୍ ରେଟ୍ ହାରାହାରି ୪୫ ଏବଂ ଷ୍ଟ୍ରାଇକ୍ ରେଟ୍ ୭୦ରୁ ଉପରକୁ ଅଛି। ଋଷଭ ପନ୍ତ ୩୪ ଇନିଂସରେ ୩୬ଟି ଛକ୍କା ମାରିଛନ୍ତି।
Comments are closed.