ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ପାଇଁ ଗମ୍ଭୀର ଚୟନ କଲେ ଭାରତର ପ୍ଲେଇଙ୍ଗ ଏକାଦଶ

ଭାରତ ଏବଂ ଇଂଲଣ୍ଡ ମଧ୍ୟରେ ୪ଟି ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଫେବୃଆରୀ ୫ରୁ ଆରମ୍ଭ ହେବ । ଏହି ମ୍ୟାଚ ଚେନ୍ନାଇରେ ଖେଳାଯିବ । ଏହି ସିରିଜ ସହିତ ଭାରତରେ କୋଭିଡ-୧୯ ମହାମାରୀ ସମୟରେ ଆନ୍ତର୍ଜାତିକ ଖେଳ ପ୍ରତ୍ୟାବର୍ତ୍ତନ କରିବାକୁ ଯାଉଛି । ସିରିଜର ପ୍ରଥମ ଦୁଇଟି ମ୍ୟାଚ ଚେନ୍ନାଇରେ ଖେଳାଯିବାକୁ ଥିବାବେଳେ ଅନ୍ୟପଟେ ଷ୍ଟାଡିୟମଟି ଦର୍ଶକ ଶୂନ୍ୟ ରହିବ ବୋଲି ନିର୍ଣ୍ଣୟ ନିଆଯାଇଛି । ଦୁଇଟି ଦଳ ଏବଂ ଏମାନଙ୍କ ସହ ଜଡିତ ଥିବା ସମସ୍ତ ସଦସ୍ୟ ଜୈବ ବଳୟ ମଧ୍ୟରେ ରହିବେ । ଖେଳାଯିବାକୁ ଥିବା ପ୍ରଥମ ମ୍ୟାଚ ପାଇଁ ଦଳରେ କେଉଁମାନେ ପ୍ଲେଇଙ୍ଗ ଏକାଦଶରେ ରହିବେ ତାହାକୁ ନେଇ ଗୌତମ ଗମ୍ଭୀର ନିଜର ରାୟ ରଖିଛନ୍ତି । ଗମ୍ଭୀର ଚେନ୍ନାଇରେ ଖେଳାଯିବାକୁ ଥିବା ପ୍ରଥମ ମ୍ୟାଚ ପାଇଁ ପ୍ଲେଇଙ୍ଗ ଏକାଦଶର ଚୟନ କରିଛନ୍ତି ।

Gautam Gambhir Picked his India's XI for the First Tests against England:-

1. Rohit Sharma.
2. Shubman Gill.
3. Che Pujara.
4. Virat Kohli (C).
5. Ajinkya Rahane.
6. Rishabh Pant (WK).
7. Axar Patel.
8. Ravi Ashwin.
9. Kuldeep Yadav.
10. Jasprit Bumrah.
11. Mohammad Siraj.

— CricketMAN2 (@man4_cricket) January 27, 2021

ଏହି ସିରିଜ ସହିତ ଭାରତୀୟ ଦଳର ଅଧିନାୟକ ବିରାଟ କୋହଲି ଦଳକୁ ପୁଣିଥରେ ପ୍ରତ୍ୟାବର୍ତ୍ତନ କରୁଛନ୍ତି, ଯିଏକି ଅଷ୍ଟ୍ରେଲିଆ ଗସ୍ତ ସମୟରେ ନିଜର ପ୍ରଥମ ମ୍ୟାଚ ପରେ ସ୍ୱଦେଶ ପ୍ରତ୍ୟାବର୍ତ୍ତନ କରିଥିଲେ । ବିରାଟ ଚେନ୍ନାଇରେ ପହଞ୍ଚି ସାରିଛନ୍ତି ଏବଂ ସେ ବର୍ତ୍ତମାନ କ୍ୱାରେଣ୍ଟାଇନ ସମୟ ଅତିବାହିତ କରୁଛନ୍ତି । ରୋହିତ ଏବଂ ଶୁଭମନ ଓପନିଙ୍ଗ କରିବା ପାଇଁ ଗମ୍ଭୀର ମତ ଦେଇଥିବାବେଳେ ଅନ୍ୟପଟେ ଗିଲ ଅଷ୍ଟ୍ରେଲିଆ ଗସ୍ତରେ ଟେଷ୍ଟରେ ପଦାର୍ପଣ କରିଥିଲେ ଓ ସେ ନିଜର ପ୍ରଦର୍ଶନରେ ସମସ୍ତଙ୍କୁ ଖୁବ ପ୍ରଭାବିତ କରିଥିଲେ ।
ତେବେ ଗମ୍ଭୀରଙ୍କ ମତରେ ପ୍ଲେଇଙ୍ଗ ଏକାଦଶ ପାଇଁ ଭାରତୀୟ ଦଳର ଖେଳାଳୀମାନେ ହେଲେ ରୋହିତ ଶର୍ମା, ଶୁଭମନ ଗିଲ, ଚେତେଶ୍ୱର ପୂଜାରା, ବିରାଟ କୋହଲି, ଅଜିଙ୍କେ ରାହାଣେ, ରିଷଭ ପନ୍ଥ, ଅକସର ପଟେଲ, ରବି ଅଶ୍ୱିନୀ, କୁଲଦୀପ ଯାଦବ, ଜଶପ୍ରୀତ ବୁମରା , ମହମ୍ମଦ ସିରାଜ । ଗମ୍ଭୀରଙ୍କ ଏହି ପ୍ଲେଇଙ୍ଗ ଏକାଦଶରେ ହାର୍ଦ୍ଦିକ ପାଣ୍ଡିଆ, ମୟଙ୍କ ଅଗ୍ରୱାଲ, ୱାଶିଙ୍ଗଟନ ସୁନ୍ଦର, ଇଶାନ୍ତ ଶର୍ମା ଏବଂ ଶର୍ଦ୍ଧାଲ ଠାକୁରଙ୍କୁ ସ୍ଥାନ ମିଳି ନାହିଁ ।