ଭାରତ ପାଇଁ ଆଗେଇ ଆସିଲେ ଅଖତର

ଭାରତରେ ଦୈନିକ କରୋନା ସଂକ୍ରମଣ ସଂଖ୍ୟା ୩ ଲକ୍ଷ ୪୯ ହଜାର ଅତିକ୍ରମ କଲାଣି । ଯାହା ଗୋଟିଏ ଦିନରେ ରେକର୍ଡ ସଂକ୍ରମଣ । ଭାରତର ଏଭଳି ସମୟରେ ବିଶ୍ୱ ସମୁହର ସହାୟତାର ଆବଶ୍ୟକତା ରହିଛି ବୋଲି କହିଛନ୍ତି ପୂର୍ବତନ ପାକିସ୍ତାନୀ ପେସ୍‌ ତାରକା ସୋଏବ ଅଖତର । ତେଣୁ ସେ ପାକିସ୍ତାନ ସରକାର ଓ ନିଜ ପ୍ରଶଂସକଙ୍କୁ ସହାୟତା ପ୍ରଦାନ କରିବା ପାଇଁ ସୋସିଆଲ ମିଡିଆରେ ନିବେଦନ କରିଛନ୍ତି ।

India is really struggling with Covid-19. Global support needed. Health care system is crashing. Its a Pandemic, we are all in it together. Must become each other's support.
Full video: https://t.co/XmNp5oTBQ2#IndiaNeedsOxygen #COVID19 pic.twitter.com/vX1FCSlQjs

— Shoaib Akhtar (@shoaib100mph) April 23, 2021

ଟ୍ୱିଟରରେ ଏକ ଭିଡିଓ ପୋଷ୍ଟ୍‌ କରି ଅଖତର କହିଛନ୍ତି, ହିନ୍ଦୁସ୍ତାନ ଏବେ ବହୁ ଜଟିଳ ସ୍ଥିତିରେ ରହିଛି । ପ୍ରତିଦିନ ୪ ଲକ୍ଷ ସଂକ୍ରମିତ ହେଉଛନ୍ତି । ଏଭଳି ସ୍ଥିତିକୁ ମୁକାବିଲା କରିବା ଯେ କୌଣସି ସରକାର ପକ୍ଷେ କାଠିକର ବିଷୟ । ମୁଁ ମୋ ଦୃଦୟରୁ ଆମ ସରକାର ଏବଂ ମୋର ପ୍ରଶଂସକମାନଙ୍କୁ ନିବେଦନ କରୁଛି ଭାରତକୁ ଏ ସମୟରେ ସହାୟତାର ହାତ ବଢ଼ାନ୍ତୁ ।’