ଶ୍ରୀଲଙ୍କା ବିପକ୍ଷରେ ଟିମ୍ ଇଣ୍ଡିଆର ସମ୍ଭାବ୍ୟ ଏକାଦଶ ଦଳ

ଭାରତ ଓ ଶ୍ରୀଲଙ୍କା ମଧ୍ୟରେ ତୃତୀୟ ତଥା ଶେଷ ଟି-20 ମ୍ୟାଚ୍ (IND vs SL 3rd T20) ଆଜି (ଶନିବାର) ଅର୍ଥାତ ଜାନୁଆରୀ ୭ରେ ଖେଳା ଯିବ । ଏହି ଆଜି ରାଜକୋଟ ସ୍ଥିତ ସୌରାଷ୍ଟ୍ର କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ଖେଳାଯିବ । ପ୍ରଥମ ମ୍ୟାଚରେ ହାର୍ଦ୍ଦିକ ପାଣ୍ଡ୍ୟା (Hardik Pandy) ଙ୍କ ନେତୃତ୍ୱରେ ଭାରତ ଦୁଇ ରନରେ ରୋମାଞ୍ଚକର ବିଜୟ ହାସଲ କରିଥିଲା । ଅନ୍ୟପଟେ ଦ୍ୱିତୀୟ ମ୍ୟାଚ୍‌ରେ ଶ୍ରୀଲଙ୍କା ୧୬ ରନରେ ଜିତିଥିଲା । ଏଭଳି ପରିସ୍ଥିତିରେ ସିରିଜ୍ ଦୃଷ୍ଟିରୁ ଏହି ତୃତୀୟ ମ୍ୟାଚ୍ ନିର୍ଣ୍ଣାୟକ ହୋଇପଡ଼ିଛି । ଭାରତୀୟ ସମୟ ଅନୁଯାୟୀ, ତୃତୀୟ ଟି-20 ମ୍ୟାଚ୍ ଆଜି ସନ୍ଧ୍ୟା ୭ଟାରୁ ଆରମ୍ଭ ହେବ ।

ବ୍ୟାଟିଂରେ ଟପ୍ ଅର୍ଡର ଉଭୟ ମ୍ୟାଚ୍‌ରେ ଭଲ ଆରମ୍ଭ କରିବାରେ ବିଫଳ ହୋଇଥିଲା । ଲଗାତାର ଦ୍ୱିତୀୟ ଥର ପାଇଁ ଶୁଭମାନ ଗିଲ ବିଫଳ ହୋଇଛନ୍ତି ଓ ବର୍ତ୍ତମାନ ରାହୁଲ ତ୍ରିପାଠୀଙ୍କ ପରି ସେ କୌଣସି ସୁଯୋଗ ନଷ୍ଟ କରିବାକୁ ଚାହୁଁନାହାଁନ୍ତି । ରାହୁଲ ତ୍ରିପାଠୀ ମଧ୍ୟ ତାଙ୍କର ପ୍ରଥମ ମ୍ୟାଚ୍‌ରେ ଭଲ ପ୍ରଦର୍ଶନ କରିପାରିଲେ ନାହିଁ । ଏବେ ଏହା ଦେଖିବାକୁ ବାକି ରହିଲା ଯେ, ଋତୁରାଜ ଗାୟକବାଡଙ୍କୁ ଶେଷ ମ୍ୟାଚରେ ସୁଯୋଗ ମିଳୁଛି କି ନାହିଁ । ଟିମ୍ ଇଣ୍ଡିଆ ପାଇଁ ଭଲ କଥା ହେଉଛି ସୂର୍ଯ୍ୟକୁମାର ଯାଦବ ଓ ଅକ୍ସର ପଟେଲଙ୍କ ବ୍ୟାଟିଂ ଫର୍ମରେ ଅଛି । ଦ୍ୱିତୀୟ ଟି-20 ମ୍ୟାଚରେ ଦୁହେଁ ଏକ ଧମାକାଦାର ପ୍ରଦର୍ଶନ କରିଥିଲେ ।

ଦ୍ୱିତୀୟ ଟି -20 ମ୍ୟାଚ୍‌ରେ ଯୁବ ଦ୍ରୁତ ବୋଲରଙ୍କ ଖରାପ ପ୍ରଦର୍ଶନ ପରାଜୟର ମୁଖ୍ୟ କାରଣ ଥିଲା । ଆଘାତରୁ ସୁସ୍ଥ ହେବା ପରେ ଦଳକୁ ଫେରିଥିବା ବାମହାତୀ ଦ୍ରୁତ ବୋଲର ଅର୍ଶଦୀପ ସିଂ ତାଙ୍କ ଦୁଇ ଓଭରରେ ପାଞ୍ଚଟି ନୋ-ବଲ ପକାଇଥିଲେ । ଏଭଳି ପରିସ୍ଥିତିରେ କ୍ୟାପଟେନ ହାର୍ଦ୍ଦିକ ପାଣ୍ଡ୍ୟାଙ୍କୁ ସ୍ପିନରଙ୍କ ଉପରେ ନିର୍ଭର କରିବାକୁ ପଡୁଛି । ଆଜ୍ଞା ହଁ, ଉମ୍ରାନ୍ ମଲିକ୍ ନିଶ୍ଚିତ ଭାବରେ ପ୍ରଭାବିତ କରିଛନ୍ତି ।

ଶ୍ରୀଲଙ୍କା ବିପକ୍ଷ ପ୍ରଥମ ଟି-20 ମ୍ୟାଚରେ ଏପରି ହୋଇପାରେ ଭାରତର ଚୂଡ଼ାନ୍ତ ଏକାଦଶ

ଶୁଭମାନ ଗିଲ, ଇଶାନ କିଶନ (ୱିକେଟ୍ କିପର), ସୂର୍ଯ୍ୟକୁମାର ଯାଦବ (ଉପ-ଅଧିନାୟକ), ରାହୁଲ ତ୍ରିପାଠୀ, ହାର୍ଦ୍ଦିକ ପାଣ୍ଡ୍ୟା (ଅଧିନାୟକ), ଦୀପକ ହୁଡା, ୱାଶିଂଟନ୍ ସୁନ୍ଦର, ଅକ୍ସର ପଟେଲ, ହର୍ଷଲ ପଟେଲ, ଉମ୍ରାନ ମଲିକ ଏବଂ ଶିବମ ମାଭି ।