ଷ୍ଟାଡିୟମରେ ପୁଣି ଦମଦାର୍ ଡ୍ୟାନ୍ସ କଲେ କୋହଲି, ଭିଡିଓ ଭାଇରାଲ

ଫ୍ୟାନ୍ସଙ୍କ ଇଚ୍ଛା ପୂରଣ କଲେ କୋହଲି । ଷ୍ଟାଡିୟମରେ ନାଚିଲେ । ପ୍ରଶଂସକ ବି ଖୁସ୍ । ଏପରି ଦୃଶ୍ୟ ଦେଖିବାକୁ ମିଳିଛି ଓ୍ୱାଙ୍ଖଡେ ଟେଷ୍ଟରେ । ନାଚ କରି ଫ୍ୟାନ୍ସଙ୍କ ଆଶା ପୂରଣ କଲେ କିଙ୍ଗ୍ ବିରାଟ୍ ।

ମୁମ୍ବାଇ ଟେଷ୍ଟର ତୃତୀୟ ଦିନରେ ଏପରି କିଛି ଦେଖିବାକୁ ମିଳିଥିଲା । ଏହା ସେତେବେଳେ ହୋଇଥିଲା ଯେତେବେଳେ ନ୍ୟୁଜିଲାଣ୍ଡ ଟିମ୍ ଦ୍ୱିତୀୟ ଇନିଂସରେ ବ୍ୟାଟିଂ କରୁଥିଲା । ବିରାଟ ସ୍ଲିପରେ ଫିଲ୍ଡିଂ କରୁଥିଲେ । ବିରାଟଙ୍କୁ ଦେଖି ଟିମ୍ ଇଣ୍ଡିଆର ପ୍ରଶଂସକମାନେ ବଲିଉଡ୍ ଫିଲ୍ମ ରାମ ଲକ୍ଷ୍ମଣର ଗୀତ ଓ୍ୱାନ୍ ଟୁ କା ଫୋର ଗାଇବାକୁ ଲାଗିଥିଲେ । ଏହାସହ କୋହଲିଙ୍କୁ ଡ୍ୟାନ୍ସ କରିବାକୁ ଅନୁରୋଧ କରିଥିଲେ । କୋହଲି ମଧ୍ୟ ପ୍ରଶଂସକଙ୍କୁ ନିରାଶ କରିନଥିଲେ । ସେ ବି ଧୁମ୍ ନାଚିଥିଲେ ।

Crowd asks kohli to dance and he goes 1,2 ka 4…. 4,2 ka 1 ……#ViratKohli #INDvzNZ #INDvNZ pic.twitter.com/3xa0shq3gb

— Dhrumil Buch (@dhrumilbuch) December 5, 2021

କୋହଲିଙ୍କ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ପ୍ରଶଂସକମାନେ କୋହଲିଙ୍କ ଡ୍ୟାନ୍ସର ପ୍ରଶଂସା ମଧ୍ୟ କରୁଛନ୍ତି ।

ସୂଚନାଯୋଗ୍ୟ, ମୁମ୍ବାଇ ଟେଷ୍ଟରେ ଭାରତ ନ୍ୟୁଜିଲାଣ୍ଡକୁ ୩୭୨ ରନରେ ପରାସ୍ତ କରିଥିଲା । ଏହାସହ ସିରିଜକୁ ମଧ୍ୟ ୧-୦ରେ ଜିତି ନେଇଥିଲା ।