ଆଇସିସି ମହିଳା ଦିନିକିଆ ମାନ୍ୟତା, ଦ୍ୱିତୀୟ ସ୍ଥାନକୁ ଉଠିଲେ ଅଧିନାୟିକା ମିଥାଲି

ସଦ୍ୟ ଘୋଷିତ ଆଇସିସି ମହିଳା ଦିନିକିଆ ବ୍ୟାଟିଂ ମାନ୍ୟତା ତାଲିକାରେ ଭାରତୀୟ ଅଧିନାୟିକା ମିଥାଲି ରାଜ ଦ୍ୱିତୀୟ ସ୍ଥାନକୁ ଉନ୍ନୀତ ହୋଇଛନ୍ତି । ତାଙ୍କ ରେଟିଂ ପଏଣ୍ଟ ୭୭୮ ରହିଛି । ଓପନର ସ୍ମୃତି ମନ୍ଧନା (୭୧୦) ଷଷ୍ଠ ସ୍ଥାନ ବଜାୟ ରଖିଛନ୍ତି । ବୋଲିଂ ମାନ୍ୟତା ତାଲିକାରେ ଅଷ୍ଟ୍ରେଲିଆର ଜେସ ଜୋନାସେନ୍‌ (୭୬୦), ଭାରତର ଅଭିଜ୍ଞ ପେସ୍‌ ଝୁଲଣ ଗୋସ୍ୱାମୀ (୭୨୭) ଯଥାକ୍ରମେ ପ୍ରଥମ ଓ ଦ୍ୱିତୀୟ ସ୍ଥାନ ବଜାୟ ରଖିଛନ୍ତି।ଅଲରାଉଣ୍ଡର ତାଲିକାରେ ଭାରତର ଦୀପ୍ତି ଚତୁର୍ଥ ସ୍ଥାନକୁ ଉନ୍ନୀତ ହୋଇଛନ୍ତି ।