ଖେଚୁଡି ଖାଇବାକୁ ଭଲ ପାଉଥିଲେ ଜାଣନ୍ତୁ କଣ ରହିଛି ଏହାର ହିତକାରୀ ଗୁଣ

ଚାଉଳ, ଡାଲି ଏବଂ ପରିବା ଦ୍ୱାରା ପ୍ରସ୍ତୁତ ହେଉଥିବା ଖେଚୁଡି ଖାଇବା ପାଇଁ ଯେପରି ସ୍ୱାଦିଷ୍ଟ ହୋଇଥାଏ ସେହିପରି ପ୍ରସ୍ତୁତ କରିବାରେ ମଧ୍ୟ ଖୁବ ସହଜ । ଆୟୁର୍ବେଦ ଡାଏଟରେ ଖେଡୁଚିର ଏକ ପ୍ରାଧ୍ୟାନ୍ୟତା ରହିଛି । ଖେଚୁଡି ବିଭିନ୍ନ ପ୍ରକାରର ପୋଷକ ତତ୍ତ୍ୱ, ଭିଟାମିନ ସିବ,ବି କମ୍ପ୍ଲେକ୍ସ ଏବଂ ପ୍ରୋଟିନରେ ଭରପୁର । ଖେଚୁଡିରେ ହଳଦି, ବିଭିନ୍ନ ମସଲା ଏବଂ ସବୁଜ ପନିପାରିବା ରହିଥାଏ ଯାହାକି ଏକ ସମ୍ପୂର୍ଣ୍ଣ ପୋଷକ ତତ୍ତ୍ୱ ର ମିଶ୍ରଣ । ବର୍ତ୍ତମାନ ଖେଚୁଡିକୁ ବିଭିନ୍ନ ଫ୍ଲେଭରରେ ବିଭିନ୍ନ ସ୍ୱାଦରେ ପ୍ରସ୍ତୁତ କରାଯାଉଛି । ଆସନ୍ତୁ ଜାଣିବା କଣ ରହିଛି ଏହାର ଉପକାରିତା ସମ୍ପର୍କରେ –
୧. ପୋଷକ ତତ୍ତ୍ୱ ର ଏକ ମିଲ – ଖେଚୁଡି ସମସ୍ତ ପ୍ରକାରର ଭିଟାମିନ, ପ୍ରୋଟିନ, ଫାଇବର, ମାଗ୍ନେସିୟମ, କ୍ୟାଲସିୟମର ମାତ୍ରା ଭରପୁର ପରିମାଣରେ ରହିଛି । ଗୋଟିଏ ତାଟିଆ ଖେଚୁଡି ଶରୀରରେ ସମସ୍ତ ପ୍ରକାରର ପୋଷକ ତତ୍ତ୍ୱକୁ ପୂରଣ କରିପାରିବ ।
୨. ହଜମ କ୍ରିୟାରେ ସହାୟକ – ଖେଚୁଡିରେ ଡାଲି ପନିପରିବା ମସଲାଜାତୀୟ ଉତ୍ପାଦ ରହୁଥିବାରୁ ଏହା ହଜମ କ୍ରିୟାରେ ସାହାଯ୍ୟ କରିଥାଏ । ଏହା ଫାଇବରର ଏକ ଉତ୍ତମ ସ୍ରୋତ ହୋଇଥିବାରୁ ଏହା ହଜମ କ୍ରିୟାକୁ ସକ୍ରିୟ କରାଇଥାଏ ।
୩. ରୋଗ ପ୍ରତିରୋଧକ ଶକ୍ତିର ବୃଦ୍ଧି – ଏହା ଆଣ୍ଟି-ଇନଫ୍ଲାମେଟାରୀ ହୋଇଥିବାରୁ ରୋଗ ପ୍ରତିରେଧକ ଶକ୍ତି ବୃଦ୍ଧି କରିଥାଏ । ଏଥିରେ ଥିବା ସମସ୍ତ ପ୍ରକାରର ପୋଷକ ତତ୍ତ୍ୱ ଶରୀରରେ ଆଣ୍ଟି-ବ୍ୟକ୍ଟୋରିଆଲ ପରି କାର୍ଯ୍ୟ କରିଥାଏ ଏବଂ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ । ଯେକୌଣସି ରୋଗୀ ଶୀଘ୍ର ରିକୋଭରି ପାଇଁ ନିୟମିତ ଖେଚୁଡିର ସେବନ କରିପାରିବେ ।
୪. ରକ୍ତ ଶର୍କରାକୁ କମ କରିଥାଏ – ଖେଚୁଡିରେ ଭାତ ଏବଂ ଡାଲିର ମିଶ୍ରଣ ରହିଥିବାରୁ ଏହା ଶରୀରରେ ରକ୍ତ ଶର୍କରାର ମାତ୍ରାକୁ କମ କରିଥାଏ । ଭାତରେ ଥିବା କାର୍ବୋହାଇଡ୍ରେଟର ମାତ୍ରାକୁ କମ କରିଥାଏ ତେଣୁ ଡାଇବେଟିସ ରୋଗୀମାନେ ଏହାକୁ ନିଶ୍ଚିନ୍ତରେ ଖାଇପାରିବେ ।
୫. ଏହା ଓଜନ ହ୍ରାସରେ ସହାୟକ ହୋଇଥାଏ – ପ୍ରତିଦିନ ଖେଚୁଡିର ସେବନ ଦ୍ୱାରା ଶରୀରରେ ଏହା ଡିଟକ୍ସିଫିକେସନ କରିଥାଏ । ଏହା ଫାଇବର ଏବଂ ଆଣ୍ଟି-ଇନଫ୍ଲାମେଟାରୀ ହୋଇଥିବାରୁ ଏହା ଶରୀରରୁ ଫ୍ୟାଟକୁ କମ କରିଥାଏ ।
୬. ଶିଶୁମାନଙ୍କ ପାଇଁ ଖେଚୁଡି ଏକ ପ୍ରକାରର ଖୁବ ଉପକାରୀ ଏବଂ ସ୍ୱାଦିଷ୍ଟ ଖାଦ୍ୟ । ଏହା ଗ୍ଲୁଟେନ ଫ୍ରି ହୋଇଥିବାରୁ ଶିଶୁମାନଙ୍କ ସ୍ୱାସ୍ଥ୍ୟ ପାଇଁ ଖୁବ ଉପକାରୀ ।