ଗୋଆରେ ବିଜେପି ପାଇଁ ଅଡୁଆ ସାଜିଲେ ପାରିକରଙ୍କ ପୁଅ, ଏହି ଆସନରେ ଅଛନ୍ତି ଆଗରେ

ଗୋଆ ବିଧାନସଭାର ସମସ୍ତ ୪୦ଟି ଆସନର ଫଳାଫଳ ଅଳ୍ପ କିଛି ସମୟ ଭିତରେ ଆସିଯିବ। ସକାଳ ୮ଟାରୁ ଆରମ୍ଭ ହୋଇଥିବା ଭୋଟ ଗଣତିରେ ବିଜେପି ୧୮ଟି ଆସନ ଓ କଂଗ୍ରେସ ୧୭ଟି ଆସନରେ ଆଗରେ ଚାଲିଛି। ମୋଟ ଭାବରେ ସେଠାରେ ଏବେ ଜୋରଦାର ଟକ୍କର ଦେଖିବାକୁ ମିଳିଛି। ସେଭଳି ଗୋଆର ପୂର୍ବତନ ମୁଖ୍ୟମନ୍ତ୍ରୀ ମନୋହର ପାରିକରଙ୍କ ପୁଅ ଉତ୍ପଲ ପାରିକର ପୋଷ୍ଟଲ ବାଲେଟର ଗଣତିରେ ଆଗରେ ଅଛନ୍ତି।

ବିଜେପି ଉପରେ ଅସନ୍ତୁଷ୍ଟ ଥିବା ଉତ୍ପଲ ପାରିକର ନିର୍ଦ୍ଦଳୀୟ ପ୍ରାର୍ଥୀ ଭାବରେ ପାଣାଜୀରୁ ଲଢୁଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଓ ବିଜେପିର ସ୍ବଗର୍ତ ନେତା ମନୋହର ପାରିକରଙ୍କ ପୁଅ ଉତ୍ପଲ ପାରିକର ଏହି ଆସନରୁ ବିଜେପିକୁ ଟିକେଟ ମାଗିଥିଲେ, କିନ୍ତୁ ବିଜେପି ତାଙ୍କୁ ଟିକେଟ ଦେଇନଥିଲା। ଏହାପରେ ଉତ୍ପଲ ପାଣାଜୀ ଆସନରୁ ନିର୍ଦ୍ଦଳୀୟ ନିର୍ବାଚନ ଲଢିଥିଲେ, ଯାହାକୁ ନେଇ ବେଶ୍ ଚର୍ଚ୍ଚା ହୋଇଥିଲା। ବିଜେପି ପ୍ରାର୍ଥୀ ଅତାନାସିୟୋ ମୋନସେରାତେ ଓ କଂଗ୍ରେସର ଏଲିଭସ୍ ଗୋମସ୍ ଆଗରେ ଅଛନ୍ତି।