କାରଖାନା କର୍ମଚାରୀଙ୍କ ପୁଅ, କିପରି ହେଲେ ବିଶ୍ୱ ଚାମ୍ପିଅନ୍; ପଢ଼ନ୍ତୁ ଲିଓନେଲ ମେସିଙ୍କ ସଂଘର୍ଷମୟ କାହାଣୀ

ଲିଓନେଲ ମେସି (Lionel Messi) ଙ୍କ ସବୁଠୁ ବଡ଼ ସ୍ୱପ୍ନ ସାକାର ହୋଇଛି । ଫିଫା ବିଶ୍ୱକପ ୨୦୨୨ର ଫାଇନାଲ (FIFA World Cup Final 2022) ରେ ଫ୍ରାନ୍ସକୁ ପରାସ୍ତ କରି ଆର୍ଜେଣ୍ଟିନା ତୃତୀୟ ଥର ପାଇଁ ବିଶ୍ୱକପ (FIFA World Cup Champion Argentina) ଜିତିଛି । ଏହି ଚମତ୍କାରର ଲେଖକ ହେଉଛନ୍ତି ଲିଓନେଲ ମେସି, ଯିଏ ନିଜ ଦମରେ ନିଜ ଦଳକୁ ଚାମ୍ପିୟନ କରାଇଛନ୍ତି । ଆଉ ୩୬ ବର୍ଷ ପରେ ଆର୍ଜେଣ୍ଟିନାର ସ୍ୱପ୍ନକୁ ପୂରଣ କରିଛନ୍ତି । ଦକ୍ଷିଣ ଆମେରିକାର ଦକ୍ଷିଣ ଭାଗରେ ପ୍ରାୟ ୫ କୋଟି ଜନସଂଖ୍ୟା ବିଶିଷ୍ଟ ଏକ ଦେଶ ଆର୍ଜେଣ୍ଟିନା ଆଜି ଖୁସିରେ ନାଚୁଛି । ଫୁଟବଲ ହେଉଛି ବିଶ୍ୱର ସର୍ବାଧିକ ଦେଖାଯାଉଥିବା ଖେଳ, ଯାହାର ବିଶ୍ୱକପ ଜିତି ଆର୍ଜେଣ୍ଟିନା ଇତିହାସ ସୃଷ୍ଟି କରିଛି । ଆର୍ଜେଣ୍ଟିନାର ପ୍ରତ୍ୟେକ ନାଗରିକ ଜଣେ ବ୍ୟକ୍ତିଙ୍କ ସହ ଛିଡ଼ା ହୋଇଛି ଯିଏ ନିଜ ସ୍ୱପ୍ନକୁ ପୁନଃ ଜିଇଛନ୍ତି, ଯିଏ ଦୁନିଆରେ ସେହି ଦେଶର ସବୁଠାରୁ ବଡ଼ ଆଇକନ୍ ଓ ଯିଏ ଦେଶକୁ ନୂତନ ଆଶା ଦେଇଛି । ସେହି ବ୍ୟକ୍ତି ଜଣଙ୍କର ନାମ ହେଉଛି ଲିଓନେଲ ମେସି ।

ଯଦି ଆପଣ ଆର୍ଜେଣ୍ଟିନାର ଇତିହାସକୁ ଦେଖନ୍ତି, ତେବେ ଏହି ଦେଶ ସର୍ବଦା ରାଜନୈତିକ ଓ ଅର୍ଥନୈତିକ ଅସୁବିଧା ସହ ସଂଘର୍ଷ କରିଆସୁଛି । ୧୯୮୩ ମସିହାରେ ଆର୍ଜେଣ୍ଟିନାରେ ସଠିକ୍ ଭାବେ ଗଣତନ୍ତ୍ର ଆସିଥିଲା, ଏହା ପୂର୍ବରୁ ପ୍ରାୟ ୬ ଥର ସରକାର ଗଠନ ହୋଇଥିଲା, କିନ୍ତୁ ସେନା କ୍ଷମତା ପରିବର୍ତ୍ତନ କରି ନିଜ ଦଖଲକୁ ନେଇଥିଲା । ୧୯୮୩ରେ ଆର୍ଜେଣ୍ଟିନାକୁ ଗଣତନ୍ତ୍ର ଆସିଥିଲା, ଯାହା ବର୍ତ୍ତମାନ ଯାଏ ଅକ୍ଷୁର୍ଣ୍ଣ ରହିଛି । ୧୯୮୩ ପରେ ଯେତେବେଳେ ଆର୍ଜେଣ୍ଟିନା ପୁରୁଣା କ୍ଷତକୁ ଭୁଲି ଆଗକୁ ବଢୁଥିଲା, ଏହାର କିଛି ସମୟ ପରେ ଜୁନ୍ ୨୪, ୧୯୮୭ରେ ଏଠାରେ ଏକ ଶିଶୁ ଜନ୍ମ ହୋଇଥିଲେ । ରୋଜାରିଓରେ ଏକ ମଧ୍ୟବିତ୍ତ ପରିବାରରେ ଜନ୍ମ ହୋଇଥିବା ଲିଓନେଲ ଆଣ୍ଡ୍ରେସ୍ ମେସି (Lionel Andrés Messi) ଅର୍ଥାତ ଲିଓନେଲ ମେସି । ଯାହାଙ୍କୁ ବିଶ୍ୱ ବର୍ତ୍ତମାନର ଶ୍ରେଷ୍ଠ ଫୁଟବଲର୍ ବୋଲି କହିଥାଏ । ମଧ୍ୟବିତ୍ତ ପରିବାରରୁ ଆସିଥିବା ମେସି କିପରି ଫୁଟବଲ ଜଗତରେ ନିଜର ପରିଚୟ ସୃଷ୍ଟି କଲେ, ଏହାର ଏକ କାହାଣୀ ଅଛି । ଏହି କାହାଣୀରେ ହଜିଯିବାର ସମୟ ଆସିଯାଇଛି…

ଲିଓନେଲ ମେସିଙ୍କ ବାପା ଏକ କାରଖାନାରେ କାମ କରୁଥିଲେ । ଅନ୍ୟପଟେ ତାଙ୍କ ମା’ ସଫେଇର କାମ କରୁଥିଲେ । ତେବେ ଘରେ ଫୁଟବଲର ପରିବେଶ ଥିଲା କାରଣ ବାପା ମଧ୍ୟ ଏକ କ୍ଲବରେ ପ୍ରଶିକ୍ଷଣ ଦେଉଥିଲେ । ଏଭଳି ପରିସ୍ଥିତିରେ ଲିଓନେଲ ମେସି ନିଜେ ୫ ବର୍ଷ ବୟସରେ ଏକ କ୍ଲବରେ ଯୋଗ ଦେଇଥିଲେ, ଯେଉଁଠାରେ ସେ ଏହି ଖେଳର ବେସିକ ଶିକ୍ଷା ଲାଭ କରିପାରିଥିଲେ । ୮ ବର୍ଷ ବୟସରେ ମେସି ତାଙ୍କ କ୍ଲବ ବଦଳାଇ ନ୍ୟୁଏଲ୍ ଓଲ୍ଡ ବାୟଜ୍ କ୍ଲବରେ ଯୋଗ ଦେଇଥିଲେ । କିନ୍ତୁ କିଛି ସମୟ ପରେ ଏପରି ଘଟଣା ଘଟିଗଲା, ଯାହା ଯୋଗୁଁ ସମସ୍ତେ ଆଶ୍ଚର୍ଯ୍ୟ ହୋଇଗଲେ ।

୧୧ ବର୍ଷ ବୟସରେ ଲିଓନେଲ ମେସି ଗ୍ରୋଥ୍ ହରମୋନ୍ ଅଭାବ ନାମକ ଏକ ରୋଗରେ ଆକ୍ରାନ୍ତ ହୋଇଥିଲେ । ଯଦି ଏହି ରୋଗ ମେସିଙ୍କୁ ପ୍ରଭାବିତ କରିଥାନ୍ତା, ତେବେ ବୋଧହୁଏ ବିଶ୍ୱ ଏକ ମହାନ ଫୁଟବଲରଙ୍କୁ ଦେଖି ପାରି ନଥାନ୍ତା । ଏହି ରୋଗରେ ଯେକୌଣସି ବ୍ୟକ୍ତିର ବିକାଶ ବନ୍ଦ ହୋଇଯାଏ । ୧୧ ବର୍ଷ ବୟସରେ ଯଦି ମେସି ଏହାର ଅଧୀନରେ ଆସିଥାନ୍ତେ, ତେବେ ସେ ଏକ ଛୋଟ ଆକାରର ବ୍ୟକ୍ତି ହୋଇଥାନ୍ତେ । ଏହାସହ ପରିବାର ପାଖରେ ଏତେ ଅର୍ଥ ନ ଥିଲା ଯେ ଏହାର ଖର୍ଚ୍ଚ ଉଠାଇ ହେବ ।

ଏହା ମଝିରେ ଜଣେ ଫୁଟବଲର୍ ଭାବରେ ଲିଓନେଲ ମେସିଙ୍କ ଅଭିବୃଦ୍ଧି ଜାରି ରହିଥିଲା । ରିଭର ପ୍ଲେଟ୍ ମେସିଙ୍କୁ ତାଙ୍କ ସହିତ ରଖିବା ବିଷୟରେ କହିଥିଲେ । କିନ୍ତୁ ସେ ମେସିଙ୍କ ଔଷଧର ଖର୍ଚ୍ଚ ଉଠାଇ ପାରି ନଥାନ୍ତା, ଏହି ସମୟରେ ମେସିଙ୍କ ଭାଗ୍ୟ ବଦଳିଗଲା । ଫୁଟବଲ କ୍ଲବ ବାର୍ସିଲୋନା ସେହି ସମୟରେ ଛୋଟ ପିଲାମାନଙ୍କ ଉପରେ ନଜର ରଖିଥିଲା, ଯେଉଁମାନେ ଫୁଟବଲରେ ଚମତ୍କାର ପ୍ରଦର୍ଶନ କରୁଥିଲେ । ଟ୍ୟାଲେଣ୍ଟ ହଣ୍ଟ ଅଧୀନରେ ଏହା ଛୋଟ ସହର, ବିଦ୍ୟାଳୟ, କଲେଜ ଏବଂ ବିଭିନ୍ନ କ୍ଲବରେ ଏପରି କରାଯାଇଥାଏ ।

ବାର୍ସିଲୋନା ଫୁଟବଲ କ୍ଲବର କ୍ରୀଡା ନିର୍ଦ୍ଦେଶକ କାର୍ଲସ୍ ରଜାକ ଲିଓନେଲ ମେସିଙ୍କ ବିଷୟରେ ଜାଣିବାକୁ ପାଇଲେ । କ୍ଲବ ତାଙ୍କୁ ସାଇନ୍ କରିନେଇଥିଲା । ଏହା ସହିତ ଔଷଧ ଓ ରୋଗର ଚିକିତ୍ସା ପାଇଁ ସମ୍ପୂର୍ଣ୍ଣ ଖର୍ଚ୍ଚ ଦେବା କଥା କୁହାଯାଇଥିଲା । ଏକମାତ୍ର ସର୍ତ୍ତ ଥିଲା ଯେ ମେସିଙ୍କୁ ଆର୍ଜେଣ୍ଟିନା ଛାଡି ବାର୍ସିଲୋନାକୁ ସ୍ଥାନାନ୍ତର ହେବାକୁ ପଡିବ । ପରିବାର ଏଥିରେ ରାଜି ହେଲେ ଓ ଏହିପରି ଲିଓନେଲ ମେସିଙ୍କ ପ୍ରୋଫେଶନାଲ ଫୁଟବଲ କ୍ୟାରିୟର ଆରମ୍ଭ ହେଲା ।