Image Sources : One India
ଖବର

ସାମୁଦ୍ରିକ ବାତ୍ୟା ‘ଅମ୍ଫାନ’ର ପ୍ରଭାବ, ପଶ୍ଚିମବଙ୍ଗରେ ୧୨ ଜଣଙ୍କ ମୃତ୍ୟୁ

By SIbu Singh
Share It

ସାମୁଦ୍ରିକ ବାତ୍ୟା ‘ଅମ୍ଫାନ’ ଘଣ୍ଟା ପ୍ରତି ୧୯୦ କିମି ବେଗରେ ବୁଧବାର ଅପରାହ୍ନ ୨.୩୦ ସମୟରେ ପଶ୍ଚିମବଙ୍ଗ ଦୀଘା ଏବଂ ବାଂଲାଦେଶ ହଟିୟା ଦ୍ୱୀପ ମଝିରେ ଲ୍ୟାଣ୍ଡଫଲ କରିଛି । ଏହି ମହାବାତ୍ୟା ସ୍ଥଳଭାଗରେ ଲ୍ୟାଣ୍ଡଫଲ କରିବା ପରେ ଏହାର ପ୍ରଭାବରେ ଦୀର୍ଘ ୪ ଘଣ୍ଟା ଧରି ଲାଗିରହିଥିଲା ଏହା ସହ ୧୬୦ରୁ ୧୭୦ କିମି ବେଗରେ ପବନ ବହିବା ମଧ୍ୟ ଲଗି ରହିଥିଲା । ପଶ୍ଚିମବଙ୍ଗ ଏବଂ ଓଡିଶାରେ ଏହାର ପ୍ରଭାବରେ ୧୨ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି ।
ଅମ୍ଫାନ ପ୍ରଭାବରେ ପଶ୍ଚିମବଙ୍ଗର ବିଭିନ୍ନ ସ୍ଥାନରେ ଗଛ ଉପୁଡି ପଡିବା ସହ କେତେକ ସ୍ଥାନ ଜଳମଗ୍ନ ମଧ୍ୟ ହୋଇଯାଇଛି । ପାଣିପାଗ ବିଭାଗ ପକ୍ଷରୁ ମିଳିଥିବା ସୂଚନା ମୁତାବକ ଆଗାମୀ ୩ ଘଣ୍ଟା ମଧ୍ୟରେ ଏହି ସାମୁଦ୍ରିକ ବାତ୍ୟା ଦୁର୍ବଳ ହୋଇପାରେ ।

କୋଲକତା ଏୟାରପୋର୍ଟ ରୋଡରେ ଉପୁଡିପଡିଥିବା ଗଛ ଗୁଡିକୁ ଏନଡିଆରଏଫ ଦଳ ଦ୍ୱାରା କାଟିକି ସଫା କରାଯାଉଛି ।

ଏହି ଭୟଙ୍କର ସାମୁଦ୍ରିକ ବାତ୍ୟା ଅମ୍ଫାନ ଯୋଗୁଁ ପଶ୍ଚିମବଙ୍ଗରେ ୧୨ ଜଣଙ୍କ ମୃତ୍ୟୁ ଘଟିଛି । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ, ବୁଧବାର ରାତ୍ରି ପର୍ଯ୍ୟନ୍ତ ମିଳିଥିବା ସୂଚନା ମୁତାବକ ଏହି ଭୟଙ୍କର ମହାବାତ୍ୟା ଯୋଗୁଁ ୧୨ ଜଣଙ୍କ ମୃତ୍ୟୁ ଘଟିଛି । ଅନେକ ଅଞ୍ଚଳରେ ବ୍ୟାପକ କ୍ଷୟକ୍ଷତି ମଧ୍ୟ ଘଟିଛି । ଯୋଗାଯୋଗ ବ୍ୟବସ୍ଥା ବାଧାପ୍ରାପ୍ତ ଘଟିଛି । ସବୁଠାରୁ ଅଧିକ ପ୍ରଭାବିତ ଅଞ୍ଚଳମାନଙ୍କରେ ବର୍ତ୍ତମାନ ଯୋଗାଯୋଗ ସ୍ଥାପନ କରାଯାଇ ପାରୁ ନାହିଁ । ଏଥିପାଇଁ ବର୍ତ୍ତମାନ ପର୍ଯ୍ୟନ୍ତ କ୍ଷୟକ୍ଷତିର ସଠିକ ଆକଳନ ବର୍ତ୍ତମାନ ପର୍ଯ୍ୟନ୍ତ କରାଯାଇ ପାରୁ ନାହିଁ ।
ମମତା ବାନାର୍ଜୀ ଆହୁରୀ ମଧ୍ୟ କହିଛନ୍ତି ଯେ, ଆମେ ମହାମାରୀ କରୋନା ଅପେକ୍ଷା ସବୁଠାରୁ ଅଧିକ କ୍ଷତି ଏହି ସାମୁଦ୍ରିକ ବାତ୍ୟା ଅମ୍ଫାନରେ ସହିଛୁ ।
ଭାରତୀୟ ପାଣିପାଗ ପକ୍ଷରୁ ଦିଆଯାଇଥିବା ସୂଚନା ମୁତାବକ ସାମୁଦ୍ରିକ ବାତ୍ୟା ଅମ୍ଫାନ, ୧୮ ଘଣ୍ଟା ମଧ୍ୟରେ ଶ୍ରେଣୀ ୧ରୁ ଶ୍ରେଣୀ ୫ର ସୁପର ସାଇକ୍ଲୋନିକ ଷ୍ଟ୍ରମରେ ପରିଣତ ହୋଇଥିଲା । ଗତ ୨୦ ବର୍ଷ ମଧ୍ୟରେ ପୂର୍ବତଟରେ ଲ୍ୟାଣ୍ଡଫଲ କରିଥିବା ଏହା ହେଉଛି ଦ୍ୱିତୀୟ ଶକ୍ତିଶାଳୀ ମାହାବାତ୍ୟା । ଏହା ପୂର୍ବରୁ ୧୯୯୯ରେ ଓଡିଶାରେ ତାଣ୍ଡବଲୀଳା ରଚିଥିବା ମହାବାତ୍ୟା ସବୁଠାରୁ ଶକ୍ତିଶାଳୀ ମହାବାତ୍ୟା ଥିଲା । ଏଥିରେ ପ୍ରାୟ ୧୫୦୦୦ରୁ ଉର୍ଦ୍ଧ୍ୱ ଲୋକଙ୍କ ଜୀବନ ଯାଇଥିବାବେଳେ କେତେକ ନିଖୋଜ ମଧ୍ୟ ହୋଇଯାଇଥିଲେ ।


Share It
SIbu Singh
You might also like More from author

Comments are closed.