ଆଇପିଏଲ୍ରୁ ବାଦ୍ ପଡିଲେ ଜାଡେଜା
ଚେନ୍ନାଇ ସୁପରକିଙ୍ଗ୍ସର ପ୍ରମୁଖ ସଦସ୍ୟ ରବିନ୍ଦ୍ର ଜାଡେଜା ଚଳିତ ଆଇପିଏଲ୍ର ବାକି ଭାଗରୁ ବାଦ ପଡ଼ିଛନ୍ତି । ୪ ତାରିଖରେ ଅନୁଷ୍ଠିତ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷ ମ୍ୟାଚ୍ ବେଳେ ଜାଡେଜା ଆହତ ହୋଇଥିଲେ । ଏକ କ୍ୟାଚ୍ ଧରିବାକୁ ପ୍ରୟାସ କରୁଥିବାବେଳେ ତାଙ୍କ ପଞ୍ଜରାରେ ଆଘାତ ଲାଗିଥିଲା । ୮ ତାରିଖରେ ଅନୁଷ୍ଠିତ ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ୍ରେ ଜାଡେଜା ଖେଳି ନଥିଲେ । ୨୦୧୨ରେ ସୁପରକିଙ୍ଗ୍ସ ଜାଡେଜାଙ୍କୁ କିଣିଥିଲା । ସେବେଠୁ ଜାଡେଜା ଦ୍ୱିତୀୟ ଥର ପାଇଁ କୌଣସି ମ୍ୟାଚ୍ ଖେଳୁ ନାହାନ୍ତି । ପୂର୍ବରୁ ୨୦୧୯ରେ ଅନୁଷ୍ଠିତ ମୁମ୍ବାଇ ଇଣ୍ଡିଆନ୍ସ ବିପକ୍ଷ ଏକ ମ୍ୟାଚ୍ ପୂର୍ବରୁ ଜାଡେଜା ଅସୁସ୍ଥ ହୋଇ ପଡ଼ିଥିଲେ ।
ଆହତ ଜାଡେଜାଙ୍କୁ ଆଗାମୀ ମ୍ୟାଚ୍ ଗୁଡ଼ିକରୁ ବାଦ ଦିଆଯାଇଛି । ସୁପରକିଙ୍ଗ୍ସ ୧୧ଟି ଲିଗ୍ ମ୍ୟାଚ୍ ଖେଳି ସାରିଛି । ଆଉ ୩ଟି ମ୍ୟାଚ୍ ବାକି ରହିଛି । ଏବେବି ସୁପରକିଙ୍ଗ୍ସ ନିକଟରେ ପ୍ଲେ-ଅଫ୍ ସୁଯୋଗ ରହିଛି । ସୁପରକିଙ୍ଗ୍ସ ପ୍ଲେ-ଅଫ୍ରେ ପ୍ରବେଶ କରିବାରେ ସଫଳ ହେଲେ ଜାଡେଜାଙ୍କ ଅନୁପସ୍ଥିତି ଅନୁଭବ କରିବ ।
Comments are closed.