କାଚା ବାଦାମ ଗୀତରେ ଠୁମକା ଲଗାଇଲେ ପୋଲିସକର୍ମୀ, ଭିଡିଓ ଭାଇରାଲ୍
ପୋଲିସକୁ ଚୋରମାନଙ୍କୁ ଧରିବା କିମ୍ବା ଗୁଣ୍ଡାମାନଙ୍କୁ ଶିକ୍ଷା ଦେଉଥିବାର ଦେଖିଥିବେ। ବେଳେବେଳେ କିଛି ପୋଲିସକୁ ଗୀତ ଗାଇଥିବାର ବି ଦେଖିଥିବେ। କିନ୍ତୁ ଆପଣ କେବେ ପୋଲିସକୁ ୟୁନିଫର୍ମରେ ନାଚୁଥିବାର ଦେଖିଛନ୍ତି କି? ତାହା ପୁଣି ‘କାଚା ବାଦାମ’ ଗୀତରେ। ‘କାଚା ବାଦାମ’ ଗୀତର ନିଶା ଗତ କିଛି ଦିନ ହେବ ଲୋକଙ୍କ ମୁଣ୍ଡରେ ଚଢିଛି। ଲୋକମାନେ ଏହି ଗୀତରେ ରିଲ୍ ଭିଡିଓ ପ୍ରସ୍ତୁତ କରୁଛନ୍ତି ଏବଂ ଏହାକୁ ଇନଷ୍ଟାଗ୍ରାମରେ ସେୟାର କରୁଛନ୍ତି।
ବର୍ତ୍ତମାନ ପାଞ୍ଚ ଜଣ ପୋଲିସ କର୍ମିଙ୍କ ଭିତରେ ଏହି ଗୀତର କ୍ରେଜ୍ ଦେଖିବାକୁ ମିଳିଛି। ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓରେ ଜଣେ ମହିଳା ପୋଲିସ୍ ସମେତ ପାଞ୍ଚଜଣ ପୁରୁଷ ପୋଲିସ୍ ‘କାଚା ବାଦାମ’ ଗୀତରେ ଠୁମକା ଲଗାଉଥିବାର ନଜର ଆସିଛନ୍ତି। ଏହି ଭିଡିଓ ଦେଖି ଆପଣ ହସି ହସି ଗଡି ଯିବେ।
View this post on Instagram
ଭାଇରାଲ ଭିଡିଓରେ ଦେଖାଯାଇଛି, ପାଞ୍ଚ ଜଣ ପୋଲିସ ଏକାଠି ଲାଇନରେ ଛିଡା ହୋଇଛନ୍ତି। ଏଥିରେ ମହିଳା ପୋଲିସ୍ ଜଣଙ୍କ ମଝିରେ ଛିଡା ହୋଇଥିବା ଦେଖାଯାଇଛନ୍ତି। ତା’ପରେ ସମସ୍ତେ ଏକାଠି କାଚା ବାଦାମ ଗୀତରେ ନାଚିଛନ୍ତି। ଭିଡିଓରେ ଆପଣ ଦେଖିପାରିବେ ପାଞ୍ଚଜଣ ପୋଲିସ୍ ମଧ୍ୟରୁ କେବଳ ମହିଳା ପୋଲିସ୍ ସଠିକ୍ ଉପାୟରେ ଡ୍ୟାନ୍ସ ମୁଭ୍ସ କରିବାରେ ସକ୍ଷମ ହୋଇଥିବାବେଳେ ଅନ୍ୟ ଚାରିଜଣ ପୋଲିସ୍ କେବଳ ତାଙ୍କ ଅଣ୍ଟା ହଲାଉଛନ୍ତି।
ଏହି ମଜାଳିଆ ଭିଡିଓ ଇନଷ୍ଟାଗ୍ରାମରେ preetigoswami555 ନାମକ ଏକ ଆକାଉଣ୍ଟରେ ସେୟାର କରାଯାଇଛି । ଭିଡିଓଟି ବର୍ତ୍ତମାନ ପର୍ଯ୍ୟନ୍ତ ୧୦ ଲକ୍ଷରୁ ଅଧିକ ଭ୍ୟୁ ପାଇଛି। ଏହା ସହିତ, ୨୫ ହଜାରରୁ ଅଧିକ ଲୋକ ଏହି ଭିଡିଓକୁ ଲାଇକ୍ କରିଛନ୍ତି।
Comments are closed.