ଅଫ୍ଲାଇନରେ ହେବ ବୋର୍ଡ ପରୀକ୍ଷା: ଏପ୍ରିଲ ୨୬ରୁ ସିବିଏସ୍ଇ ଦଶମ ଓ ଦ୍ୱାଦଶ ପରୀକ୍ଷା ଦେବେ ଛାତ୍ରଛାତ୍ରୀ
ସିବିଏସ୍ଇ ଦଶମ ଏବଂ ଦ୍ୱାଦଶ ଶ୍ରେଣୀର ଛାତ୍ରଛାତ୍ରୀଙ୍କର ଏପ୍ରିଲ ୨୬ରୁ ଟର୍ମ-୨ ବୋର୍ଡ ପରୀକ୍ଷା କରାଯିବ ବୋଲି ମଙ୍ଗଳବାର ସିବିଏସ୍ଇ କର୍ତ୍ତୃପକ୍ଷ ଘୋଷଣା କରିଛନ୍ତି । ଏହି ପରୀକ୍ଷା ଅଫ୍ଲାଇନରେ ହେବ । କରୋନା ମହାମାରୀ ସ୍ଥିତିକୁ ଦୃଷ୍ଟିରେ ରଖି ବିଶେଷଜ୍ଞଙ୍କ ପରାମର୍ଶକ୍ରମେ ଏହି ନିଷ୍ପତ୍ତି ନିଆଯାଇଛି ବୋଲି ସିବିଏସ୍ଇ ପରୀକ୍ଷା ନିୟନ୍ତ୍ରକ ଡ. ଶନ୍ୟାମ ଭରଦ୍ୱାଜ କହିଛନ୍ତି । ପରୀକ୍ଷା ସୂଚୀପତ୍ର ସିବିଏସ୍ଇ ୱେବସାଇଟ୍ରେ ଅପଲୋଡ୍ କରାଯିବ ।
ସିବିଏସ୍ଇ ୱେବସାଇଟରେ ଉପଲବ୍ଧ ପ୍ରଶ୍ନ ପାର୍ଟନ ଭଳି ଟର୍ମ-୨ ବୋର୍ଡର ପ୍ରଶ୍ନ ପାର୍ଟନ ରହିବ । ଗତବର୍ଷ ନଭେମ୍ବର-ଡିସେମ୍ବରରେ ସିବିଏସ୍ଇ ଦଶମ ଓ ଦ୍ୱାଦଶ ବୋର୍ଡର ଟର୍ମ-୧ ପରୀକ୍ଷା ହୋଇଥିଲା । ବର୍ତ୍ତମାନ ସୁଦ୍ଧା ଟର୍ମ-୧ର ରେଜଲ୍ଟ ପ୍ରକାଶିତ ହୋଇନାହିଁ ।
Comments are closed.