‘ତାଜମହଲ , କୁତୁବମୀନାରକୁ ଭାଙ୍ଗି ମନ୍ଦିର କରିବା ପାଇଁ ପ୍ରଧାନମନ୍ତ୍ରୀଙ୍କୁ ଅପିଲ କଲେ ବିଜେପି ବିଧାୟକ

NCERT ଦ୍ୱାଦଶ ଇତିହାସ ପାଠ୍ୟକ୍ରମରୁ ମୋଗଲ ଶାସନ ସମ୍ପର୍କିତ ବିଷୟକୁ ହଟାଯିବା ପ୍ରସଙ୍ଗକୁ ନେଇ ଆସିଛି ବିଜେପି ବିଧାୟକଙ୍କ ଅଜବ ମନ୍ତବ୍ୟ । ଆସାମର ବିଜେପି ବିଧାୟକ ରୂପଜ୍ୟୋତି କୁର୍ମୀ କହିଛନ୍ତି ଯେ, ‘ତାଜମହଲ ଆଦୌ ପ୍ରେମର ପ୍ରତୀକ ନୁହେଁ । ଯଦି ମମତାଜଙ୍କ ପ୍ରତି ଶାହାଜାହାନଙ୍କର ଅହେତୁକ ପ୍ରେମ ଥିଲା ତାହାଲେ ତାଙ୍କ ଦେହାନ୍ତ ପରେ ବି ଶାହାଜାହାନ୍ ୩ ଥର ବିବାହ କିପରି କରିପାରିଲେ? ତେଣୁ ମୋଗଲ ସମୟର ଏସବୁ ସ୍ଥାପତ୍ୟଗୁଡିକୁ ହଟାଇ ସେଠାରେ ହିନ୍ଦୁ ମନ୍ଦିର ଗଢାଯିବା ଉଚିତ’ ବୋଲି ପ୍ରଧାନମନ୍ତ୍ରୀ ମୋଦୀଙ୍କୁ ଅପିଲ କରିଛନ୍ତି ।

#WATCH | Taj Mahal is not the symbol of Love. Shah Jahan built Tajmahal in memory of his 4th wife Mumtaz. If he loved Mumtaz, then why he married three times more after the death of Mumtaz: Rupjyoti Kurmi, BJP (05.04) pic.twitter.com/raMN4obqdj

— ANI (@ANI) April 6, 2023

ବିଧାୟକ ରୂପଜ୍ୟୋତି ଅହୁରି ମଧ୍ୟ କହିଛନ୍ତି ଯେ, ବିଶ୍ୱର ଏହି ସପ୍ତାଶ୍ଚର୍ଯ୍ୟ ମୋଗଲ ଶାସକ ଶାହାଜାହାନ ନିଜ ସମ୍ପତ୍ତିରେ ନୁହେଁ ବରଂ ହିନ୍ଦୁ ରାଜପରିବାରର ସମ୍ପତ୍ତିରେ ନିର୍ମାଣ କରିଛନ୍ତି । ୧୫୨୬ରେ ମୋଗଲ ଭାରତ ଆସିଲେ ।ଏହାପରେ ତାଜମହଲ ବନାଇଲେ । ଶହାଜାହାନ୍ ହିନ୍ଦୁ ରାଜାଙ୍କ ଠାରୁ ପାଇଥିବା ଧନରେ ଏହାକୁ ନିର୍ମାଣ କରାଇଛନ୍ତି । ସେ ୭ଥର ବିବାହ କରିଥିଲେ । ମମତାଜ ତାଙ୍କର ଚତୁର୍ଥ ପତ୍ନୀ ଥିଲେ । ଯଦି ସେ ମମତାଜଙ୍କୁ ଏତେ ଭଲ ପାଉଥିଲେ , ତାଙ୍କ ସ୍ମୃତିରେ ତାଜମହଲ ନିର୍ମାଣ କଲେ ତାହାଲେ ତାଙ୍କ ମୃତ୍ୟୁ ପରେ ଆଉ ୩ଥର କାହିଁକି ବିବାହ କରୁଥିଲେ ତେଣୁ ଯେଉଁ ତାଜମହଲକୁ ପ୍ରେମର ପ୍ରତୀକ ବୋଲି କୁହାଯାଉଛି ତାହା ପ୍ରକୃତରେ ପ୍ରେମର ପ୍ରତୀକ ନୁହେଁ । ତେଣୁ ମୁଁ ପ୍ରଧାନମନ୍ତ୍ରୀଙ୍କୁ ଅପିଲ କରୁଛି ଯେ କୁତୁବମୀନାର ଓ ତାଜମହଲକୁ ତୁରନ୍ତ ଧ୍ୱଂସ କରାଯାଉ । ଏସବୁ ସ୍ଥାନରେ ସୁନ୍ଦର ହିନ୍ଦୁ ମନ୍ଦିର ନିର୍ମାଣ କରାଯାଉ । ଯଦି ଏପରି ହୁଏ ତେବେ ମୁଁ ମୋର ଦେଢ ମାସର ଦରମାକୁ ଦାନ କରିଦେବି’ ବୋଲି ଦୃଢୋକ୍ତି ପ୍ରକାଶ କରିଛନ୍ତି ବିଧାୟକ ରୂପଜ୍ୟୋତି କୁର୍ମୀ ।