ଭାରତୀୟ ଜନତା ପାର୍ଟି (ବିଜେପି)ର ୪୬ତମ ସ୍ଥାପନା ଦିବସ ରବିବାର ରାଜ୍ୟ ବିଜେପି କାର୍ଯ୍ୟାଳୟରେ ପାଳିତ ହୋଇଯାଇଛି। ଏହି ଅବସରରେ ରାଜ୍ୟ ବିଜେପି ସଭାପତି ମନମୋହନ ସାମଲ କହିଛନ୍ତି, ଆଜିର ଦିନଟି ଆମ ପାଇଁ ଗର୍ବର ଦିନ । ଏହି ଦିନ ଆମକୁ ଆମର ମୂ୍ଯଯବୋଧ, ନୀତି, ଦୃ ସଂକଳ୍ପକୁ ପୁନଃସ୍ମରଣ କରାଏ । ସଂଗଠନର ଶକ୍ତି ଓ ସମର୍ପଣ ଭାବକୁ ସ୍ମରଣ କରି ଭବିଷ୍ୟତ ପିଢ଼ି ପାଇଁ ନୂତନ ଶକ୍ତି ଓ ଶପଥ ନେବାର ସମୟ । ସେ ଆହୁରି କହିଛନ୍ତି, ରାଷ୍ଟ୍ରବାଦୀ ବିଚାରକୁ ଆଧାର କରି ୧୯୮୦ ମସିହାରେ ଗଠନ ହୋଇଥିବା ଭାରତୀୟ ଜନତା ପାର୍ଟି ଆଜି ୪୬ ତମ ପତଷ୍ଠା ଦିବସ ପାଳନ କରୁଛି । ୧୯୮୦ ମସିହାରେ ଦେଶରେ ଯେତେବେଳେ ରାଜନୈତିକ ଅସ୍ଥିରତା ସୃଷ୍ଟି ହୋଇଥିଲା, ସେତବେବେଳ ଦେଶର ରାଜନୈତିକ ବିକଳ୍ପ ଭାବେ ଭାରତୀୟ ଜନସଂଘର ନୀତି, ଆଦର୍ଶ, ବିଚାରଧାରା ଏବଂ ରାଷ୍ଟ୍ରୀୟ ସ୍ବୟଂସେବକ ସଂଘର ତ୍ୟାଗ, ତପସ୍ୟା ଓ ସାଧନାରୁ ଭାରତୀୟ ଜନତା ପାର୍ଟି ଆରମ୍ଭ ହୋଇଥିଲା। ଅଟଳବିହାରୀ ବାଜପେୟୀ ପ୍ରମୁଖଙ୍କ ନେତୃତ୍ୱରେ ଆରମ୍ଭ ହୋଇଥିବା ଏହି ଦଳ ୧୯୮୪ ମସିହା ସାଧାରଣ ର୍ନିବାଚନରେ ମାତ୍ର୨ ଜଣ ସାଂସଦ ର୍ନିବାଚିତ ହୋଇଥିଲେ । ୪୬ ବର୍ଷର ସଂଘର୍ଷ ଯାତ୍ରା ପରେ ଆଜି ଭାରତୀୟ ଜନତା ପାଟିର୍ର୍ ବିଶ୍ୱର ସବୁଠାରୁ ବ ରାଜନୈତିକ ଦଳ ଭାବେ ଉଭା ହୋଇଛି। ୨୧ଟି ରାଜ୍ୟରେ ବିଜେପି ଏବେ ଶାସନ କ୍ଷମତାରେ ରହିଛି । କାଶ୍ମୀରରୁ କନ୍ୟା କୁମାରୀ ଏବଂ ଗୁଜୁରାଟର କଚ୍ଛଠାରୁ ଆରମ୍ଭ କରି ଆସାମର ଦିବ୍ରୁଗଡ଼ ପର୍ଯ୍ୟନ୍ତ ଏହି ଦଳ ପରିବ୍ୟାପ୍ତ ହୋଇଛି ବୋଲି ସାମଲ କହିଛନ୍ତି । ମୁଖ୍ୟମନ୍ତ୍ରୀ ମୋହନଚରଣ ମାଝୀ ଏହି ଅବସରରେ କହିଛନ୍ତି ଯେ, ପଣ୍ଡିତ ଦୀନଦୟାଲଜୀଙ୍କ ଅନ୍ତ୍ୟୋଦୟ ଆଦର୍ଶରେ ଅନୁପ୍ରାଣିତ ହୋଇ ସାଧାରଣ ଲୋକଙ୍କୁ ସମାଜର ମୁ୍ଯଯସ୍ରୋତରେ ପହଂଚାଇବାର ବଜ୍ର ଶପଥ ନେଇ ଗଢି ଉଠିଥିଲା ଭାରତୀୟ ଜନତା ପାର୍ଟି । ଲକ୍ଷ୍ୟ ଥିଲା ସମାଜର ତଳସ୍ତରରେ ରହୁଥିବା ଲୋକଙ୍କ ପାଖରେ ବିକାଶ ପହଂଚାଇବା । ରାଷ୍ଟ୍ରର ସେବା କରି, ତାର ଅଖଣ୍ଡତାକୁ ବଜାୟ ରଖିବା ସହ ନିରନ୍ତର ଭାବେ ସେବା କରିବା ଫଳରେ ଭାରତୀୟ ଜନତା ପାର୍ଟି ଓ ପ୍ରଦେଶ ଆଜି ତାର ସଂଗଠନକୁ ସୁଦୃ କରିପାରିଛି । ଆଜି ବିଜେପି ସରକାର ଚାଷୀ, ଶ୍ରମିକ, ମହିଳା, ଯୁବକ, ଗରିବ, ପଛୁଆବର୍ଗର ଲୋକଙ୍କ କାମ କରୁଛି ବୋଲି ମୁଖ୍ୟମନ୍ତ୍ରୀ ମାଝୀ କହିଛନ୍ତି ।
ଅନ୍ୟପଟେଭାରତବର୍ଷ ଆଜି ସଶକ୍ତ ଓ ସମୃଦ୍ଧ ରାଷ୍ଟ୍ର ଭାବେ ଗଢି ଉଠିବା ପାଇଁ ଅଟଳ ସଂକଳ୍ପବଦ୍ଧ ବୋଲି ରା୍ଯଯ ପ୍ରଭାରୀ ବିଜୟପାଲ ସିଂ ତୋମାର କହିଛନ୍ତି ।
ଆୟୋଜିତ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ରାଜ୍ୟ ସାଧାରଣ ସମ୍ପାଦକ(ସଂଗଠନ) ମାନସ ମହାନ୍ତି, ରାଜ୍ୟ ଉପସଭାପତି ବିରଞ୍ଚି ନାରାୟଣ ତ୍ରିପାଠୀ, ରାଜସଭା ସଦସ୍ୟ ସୁଜିତ୍ କୁମାର, ସାଂସଦ ବଳଭଦ୍ର ମାଝୀ, ଭୁବନେଶ୍ୱର ଜିଲ୍ଲା ସଭାପତି ନିରଞ୍ଜନ ମିଶ୍ର ପ୍ରମୁଖ ଉପସ୍ଥିତ ଥିଲେ ।
Comments are closed.