ବଡିସେମିଙ୍ଗର ଶିକାର ହେଲେ ବାହୁବଳୀ ଷ୍ଟାର, ସପୋର୍ଟରେ ବାହାରିଲେ ଫ୍ୟାନ୍ସ

ସୋସିଆଲ ମିଡିଆରେ ଅଭିନେତା କିମ୍ବା ଅଭିନେତ୍ରୀଙ୍କୁ ବଡି ସେମ୍ କରାଯିବା ପ୍ରାୟତଃ ଦେଖାଯାଏ । ନିକଟରେ ଏହାର ସଦ୍ୟତମ ଉଦାହରଣ ପାଲଟିଛନ୍ତି ସାଉଥ୍ ସୁପରଷ୍ଟାର ପ୍ରଭାସ, ଯାହାଙ୍କ ଫଟୋ ଦେଖି ଫ୍ୟାନ୍ସ ଆଶ୍ଚର୍ଯ୍ୟ ହୋଇଯାଇଛନ୍ତି । ଡ୍ୟାନ୍ସ ରିହର୍ସାଲରୁ ଫେରୁଥିବା ବେଳେ ପ୍ରଭାସଙ୍କ ଏକ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେବାରେ ଲାଗିଛି ।

ଏହି ଫଟୋରେ ପ୍ରଭାସଙ୍କୁ ଅତି ସିମ୍ପଲ୍ ଭାବରେ ଦେଖିବାକୁ ମିଳିଛି ​​। ସେ ବିନା ମେକଅପରେ ଏବଂ ତାଙ୍କ ଓଜନ ଅଧିକ ବଢିଯାଇଥିବା ଦେଖାଯାଇଛି । ବର୍ତ୍ତମାନ କିଛି ୟୁଜର୍ ସୋସିଆଲ ମିଡିଆରେ ପ୍ରଭାସଙ୍କୁ ଖୁବ୍ ଟ୍ରୋଲ କରୁଛନ୍ତି ।

କେହି ୟୁଜର୍ ପ୍ରଭାସଙ୍କୁ ବିନା ମେକଅପ୍ ରେ କ୍ଷୀରବାଲା ଅଙ୍କଲ୍ ପରି ଦେଖାଯାଉଛନ୍ତି କହୁଥିବାବେଳେ ଆଉ କେହି ତାଙ୍କୁ ପାୱଭାଜି ବିକ୍ରି କରୁଥିବା ଭଳି ଦେଖାଯାଉଛନ୍ତି ବୋଲି କହୁଛନ୍ତି । ଅନେକ ୟୁଜର୍ ଦୁଃଖ ପ୍ରକାଶ କରୁଛନ୍ତି ଯେ ପ୍ରଭାସଙ୍କର କ’ଣ ହୋଇଛି ଯେ ସେ ଏପରି ଦେଖାଯାଉଛନ୍ତି ।

ବାହୁବଲୀ ଫିଲ୍ମରେ ତାଙ୍କର ଷ୍ଟ୍ରଙ୍ଗ୍ ବଡି ଏବଂ ଲୁକ୍ସକୁ ବହୁତ ପ୍ରଶଂସା କରାଯାଇଥିଲା । କିନ୍ତୁ ଏପରି କିଛି ୟୁଜର୍ ପ୍ରଭାସଙ୍କୁ ବିନା ମେକଅପ୍ ରେ ଦେଖି ତାଙ୍କୁ ଟ୍ରୋଲ କରିବା ଆରମ୍ଭ କରିଛନ୍ତି । ପ୍ରଶଂସକ ସେମାନଙ୍କର ପ୍ରିୟ ଷ୍ଟାରଙ୍କୁ ସବୁବେଳେ ସୁନ୍ଦର ଏବଂ ୟଙ୍ଗ୍ ଦେଖିବାକୁ ପସନ୍ଦ କରନ୍ତି । ତେଣୁ ପ୍ରଭାସଙ୍କୁ ଏପରି ଦେଖି ତାଙ୍କ ଫ୍ୟାନ୍ସ ନିରାଶ ହୋଇଯାଇଛନ୍ତି ।