ଏୟାରଟେଲ ପେମେଂଟସ ବ୍ୟାଙ୍କ ର ତ୍ରୈମାସିକ ରାଜସ୍ୱରେ ବୃଦ୍ଧି

ଭୁବନେଶ୍ୱର: ଏୟାରଟେଲ ପେମେଂଟ୍‌ସ ବ୍ୟାଙ୍କ ପକ୍ଷରୁ ଆଜି ସେପ୍ଟେମ୍ବର ୩୦ ତାରିଖ, ୨୦୨୫ରେ ଶେଷ ହୋଇଥିବା ୨ୟ ତ୍ରୈମାସିକ ପାଇଁ ଏହାର ଆର୍ଥିକ ଫଳାଫଳ ଘୋଷଣା କରାଯାଇଛି । ପ୍ରଥମ ଥର ପାଇଁ ବ୍ୟାଙ୍କର ତ୍ରୈମାସିକ ରାଜସ୍ୱ ୮୦୦ କୋଟି ଟଙ୍କା ଅତିକ୍ରମ କରିଛି ଯାହା ୧୯.୪%ର ଏକ ବାର୍ଷିକ ଅଭିବୃଦ୍ଧି ହାସଲ କରିଛି । ଏହି ତ୍ରୈମାସିକ ପାଇଁ ଇବିଆଇଟିଡ଼ିଏ ୮୯.୩ କୋଟି ଟଙ୍କା ରହିଛି ଯାହା ଗତବର୍ଷର ସମାନ ଅବଧି ତୁଳନାରେ ୧୭.୪% ଅଧିକ ରହିଛି । ୨ୟ ତ୍ରୈମାସିକରେ ବ୍ୟାଙ୍କର ଲାଭ ୧୧.୮ କୋଟି ଟଙ୍କାକୁ ବୃଦ୍ଧି ପାଇଛି । ଏହି ଅବଧିରେ ବ୍ୟାଙ୍କର ଆନୁଆଲାଇଜ୍‌ଡ ଗ୍ରସ ମର୍ଚ୍ଚାଣ୍ଡାଇଜ ଭାଲ୍ୟୁ (ଜିଏମଭି) ୪୫୬୦ ବିଲିୟନ ଟଙ୍କାରେ ପହଂଚିଛି, ଯାହା ବ୍ୟାଙ୍କର ସେଫ୍ ସେକେଣ୍ଡ ଆକାଉଂଟ, କାରବାର ପ୍ରସ୍ତାବ ଓ ଅନ୍ୟାନ୍ୟ ଉତ୍ପାଦ ଅଫରିଙ୍ଗ ଗୁଡିକର ବର୍ଦ୍ଧିତ ଗ୍ରହଣୀୟତାକୁ ପ୍ରତିଫଳନ କରୁଛି ।
ଏସମ୍ପର୍କରେ ଏୟାରଟେଲ ପେମେଂଟ୍‌ସ ବ୍ୟାଙ୍କର ଏମ୍‌ଡି ଓ ସିଇଓ, ଅନୁବ୍ରତ ବିଶ୍ୱାସ କହିଛନ୍ତିଯେ, “ଆମର ନିରନ୍ତର ଅଭିବୃଦ୍ଧି ଆମର ଡିଜିଟାଲ-ପ୍ରଥମ ମଡେଲର ଶକ୍ତି ଏବଂ ଆମ ଉପରେ ଗ୍ରାହକମାନେ ଦେଖାଇଥିବା ଗଭୀର ବିଶ୍ୱାସକୁ ପ୍ରତିଫଳନ କରୁଛି । ସେଫ୍ ସେକେଣ୍ଡ ଆକାଉଂଟ ଏକ ପ୍ରମୁଖ ଅଭିବୃଦ୍ଧି ପରିଚାଳକ ଭାବେ ଜାରି ରହିଛି, ଯାହା ଗ୍ରାହକଙ୍କୁ ସହଜ ଓ ଆତ୍ମବିଶ୍ୱାସର ସହିତ ସେମାନଙ୍କର ଦୈନନ୍ଦିନ ଡିଜିଟାଲ ଟ୍ରାଞ୍ଜାକ୍ସନଗୁଡିକୁ ପରିଚାଳନା କରିବା ପାଇଁ ସଶକ୍ତ କରୁଛି ।”
ବ୍ୟାଙ୍କ ଏହାର ସେଫ୍ ସେକେଣ୍ଡ ଆକାଉଂଟ ପ୍ରସ୍ତାବ ଉପରେ ମହତ୍ୱକୁ ଗଭୀର କରିବା ଜାରି ରଖିଛି ଏବଂ ସୁରକ୍ଷିତ, ବାଧାମୁକ୍ତ ଓ ଦୈନନ୍ଦିନ ଡିଜିଟାଲ ପେମେଂଟଗୁଡିକ ପାଇଁ ଡିଜାଇନ କରାଯାଇଥିବା ଭିନ୍ନ ଭିନ୍ନ ଉତ୍ପାଦଗୁଡିକୁ ହାଇଲାଇଟ କରିବା ପାଇଁ ଏହାର ପ୍ରଥମ ୩୬୦ ଡିଗ୍ରୀ ବ୍ରାଣ୍ଡ କ୍ୟାମ୍ପେନ ଲଂଚ କରିଥିଲା । ଏହି କ୍ୟାମ୍ପେନକୁ ଭଲ ଭାବରେ ଗ୍ରହଣ କରାଯାଇଛି ଯାହା ଡିଜିଟାଲ ଆକାଉଂଟ ଖୋଲିବା କ୍ଷେତ୍ରରେ ଦୃଢ ଆକର୍ଷଣକୁ ପରିଚାଳନା କରିଛି ଏବଂ ଗ୍ରାହକଙ୍କ ଦୈନିକ ବ୍ୟାଙ୍କିଙ୍ଗ ଆବଶ୍ୟକତା ପାଇଁ ଏକ ବିଶ୍ୱସନୀୟ ସହଯୋଗୀ ଭାବେ ବ୍ୟାଙ୍କର ସ୍ଥିତିକୁ ସୁଦୃଢ କରିଛି । ୨ୟ ତ୍ରୈମାସିକରେ ବ୍ୟାଙ୍କର କଷ୍ଟମର ବାଲାନ୍ସ ୩୯୮୭ କୋଟି ଟଙ୍କାକୁ ବୃଦ୍ଧି ପାଇଛି ଯାହା ବାର୍ଷିକ ୩୫% ବୃଦ୍ଧି ହୋଇଛି ।
ପ୍ରମୁଖ ମେଟ୍ରୋ ନେଟ୍‌ୱର୍କଗୁଡିକରେ ୪ ମିଲିୟନରୁ ଅଧିକ ଉପଭୋକ୍ତା ଏହାର କାର୍ଡ ବ୍ୟବହାର କରୁଥିବାବେଳେ ଏୟାରଟେଲ ପେମେଂଟସ ବ୍ୟାଙ୍କ ରୁପେ ଅନ-ଦ-ଗୋ ଏନସିଏମସି କାର୍ଡ ଇକୋସିଷ୍ଟମର ନେତୃତ୍ୱ ନେବା ଜାରି ରଖିଛି । ଏହା ଭାରତର ସର୍ବବୃହତ ଏନସିଏମସି ଅଧିଗ୍ରହଣକାରୀ ବ୍ୟାଙ୍କ, ଯାହା ଏହି ବର୍ଗରେ ମୋଟ ଟ୍ରାଞ୍ଜାକ୍ସନ ପରିମାଣର ପ୍ରାୟ ୬୫%ର ପ୍ରକ୍ରିୟାକରଣ କରୁଛି ।
୫ ଲକ୍ଷରୁ ଅଧିକ ସକ୍ରିୟ ବ୍ୟାଙ୍କିଙ୍ଗ ପଏଂଟର ଏକ ମଜବୁତ ନେଟ୍‌ୱର୍କ ସହିତ ବ୍ୟାଙ୍କର ଅଫ୍‌ଲାଇନ ଉପସ୍ଥିତି ଆହୁରି ଗଭୀର ହେବା ଜାରି ରଖିଛି, ଯାହାମଧ୍ୟରୁ ପ୍ରତ୍ୟେକ ୫ମ ଶାଖା ମହିଳା ବ୍ୟାଙ୍କିଙ୍ଗ ପ୍ରତିନିଧିଙ୍କ ଦ୍ୱାରା ପରିଚାଳିତ ହେଉଛି । ଏୟାରଟେଲ ପେମେଂଟ୍‌ସ ବ୍ୟାଙ୍କ ଆଜି ପ୍ରତି ୪ଟି ଗ୍ରାମରୁ ୩ଟିରେ ସେବା ପ୍ରଦାନ କରୁଛି, ଭାରତର ୫୦% ରେମିଟାନ୍ସ ଏବଂ ପ୍ରତି ୪ଟି ଆଧାର ସକ୍ଷମ ପେମେଂଟରୁ ଗୋଟିଏର ପ୍ରକ୍ରିୟାକରଣ କରୁଛି । ଏହା ନିକଟରେ ୧୦ରୁ ୧୭ ବର୍ଷ ୬ ମାସ ବୟସର ନାବାଳକଙ୍କ ପାଇଁ ସେଭିଙ୍ଗ୍‌ସ ଆକାଉଂଟର ଶୁଭାରମ୍ଭ କରିଛି, ଯାହା ଏହାର ସମାବେଶୀ ପୋର୍ଟଫୋଲିଓକୁ ଆହୁରି ସୁଦୃଢ କରିଛି ।