ଜାତିଆଣ ମନ୍ତବ୍ୟ ଅଭିଯୋଗରେ ଅଭିନେତ୍ରୀ ମିରା ମିଥୁନ ଗିରଫ

ବିଗ ବସକୁ ଛୋଟ ପରଦାର ସବୁଠୁ ବିବାଦୀୟ ରିୟଲିଟି ଟିଭି ଶୋ’ କୁହାଯାଏ। ଖାଲି ସେତିକି ନୁହେଁ, ଏହି ଶୋ’ରେ ଭାଗ ନେଇଥିବା ପ୍ରତିଯୋଗୀମାନେ ମଧ୍ୟ କୌଣସି ନା କୌଣସି କାରଣରୁ ଚର୍ଚ୍ଚାରେ ରୁହନ୍ତି। ଏମିତି କିଛି ଦେଖିବାକୁ ମିଳିଛି ଅଭିନେତ୍ରୀ ମୀରା ମିଥୁନଙ୍କ କ୍ଷେତ୍ରରେ। ତାମିଲନାଡୁ ପୁଲିସର ସାଇବର ୱିଙ୍ଗ୍ ନିକଟରେ ମଡେଲ୍- ଅଭିନେତ୍ରୀ ମାରୀ ମିଥୁନଙ୍କୁ ଗିରଫ କରିଛି। ସୂଚନା ଅନୁସାରେ, ତାଙ୍କ ଉପରେ ସୋସିଆଲ ମିଡିଆ ମାଧ୍ୟମରେ ଏକ ଭିଡିଓ ପୋଷ୍ଟ କରିବା ଅଭିଯୋଗ ଅଛ. ଯେଉଁଥିରେ ସେ ଏସସି(ଅନୁସୂଚିତ ଜାତି)କୁ ଅପଶବ୍ଦ କହିବା ଅଭିଯୋଗ ଲାଗିଛି। ମାମଲା ରୁଜୁ ପରେ ତାଙ୍କୁ ଗିରଫ କରାଯାଇଥିବା ସୂଚନା ମିଳିଛି।
ରିପୋର୍ଟ ଅନୁସାରେ, ଏକ ଟକ୍ ଶୋ’ରେ ଆଲୋଚନା କରିବା ସମୟରେ ମୀରା କହିଥିଲେ ଯେ, ସେ ସାଧାରଣତଃ ଅନୁସୂଚିତ ଜନଜାତିଙ୍କ ସମ୍ପର୍କରେ କୌଣସି କଥା କୁହନ୍ତି ନାହିଁ। ଅଭିଯୋଗକାରୀଙ୍କ ଅନୁସାରେ ମୀରା ଫିଲ୍ମ ଜଗତର ଫିଲ୍ମ ମେକର୍ସଙ୍କ ସମ୍ପର୍କରେ ଭୁଲ୍ କଥା କହିଥିଲେ। ମୀରା ମିଥୁନ ରିୟଲିଟି ଟିଭି ଶୋ ବିଗ୍ ବସ ତାମିଲର ପାର୍ଟ ରହିସାରିଛନ୍ତି। ସେ କେତେକ ଫିଲ୍ମରେ ମଧ୍ୟ ନଜର ଆସିଛନ୍ତି।