କ୍ୟାନସରରେ ଆଖି ବୁଜିଲେ ବଲିଉଡ ଅଭିନେତ୍ରୀ ଦିବ୍ୟା ଚୌକସେ

ବଲିଉଡ ପାଇଁ ୨୦୨୦ମସିହା ଅତ୍ୟନ୍ତ ​ଦୁଃଖଦାୟକ ରହିଛି। ବଡ଼ ବଡ଼ ଦିଗ୍ଗଜ କଳାକାରଙ୍କ ପରେ ଏବେ ଅଭିନେତ୍ରୀ,ମଡେଲ୍ ଏବଂ ଗାୟିକା ଦିବ୍ୟା ଚୌକସେଙ୍କ ପରଲୋକ ହୋଇଯାଇଛି। ସେ ଦୀର୍ଘ ଦିନରୁ କ୍ୟାନସର ସହ ଲଢ଼ୁଥିଲେ। ଦିବ୍ୟାଙ୍କ କଜିନ୍ ସୌମ୍ୟା ଅମୀଶ ବର୍ମା ଫେସବୁକ୍ ପୋଷ୍ଟ ଜରିଆରେ ଏହାର ସୂଚନା ଦେଇଥିଲେ। ଏହା ପୂର୍ବରୁ ଦିବ୍ୟା ମଧ୍ୟ ୧୮ଘଣ୍ଟା ପୂର୍ବରୁ ନିଜ ଇନଷ୍ଟାଗ୍ରାମ୍ ଷ୍ଟୋରିରେ ଏକ ମ୍ୟାସେଜ ଲେଖିଥିଲେ। ଦିବ୍ୟା ନିଜ ଶେଷ ମ୍ୟାସେଜରେ ଲେଖିଥିଲେ- ଯାହା ସେ କହିବାକୁ ଚାହୁଁଛନ୍ତି ଏଥିପାଇଁ ଶବ୍ଦ ଯଥେଷ୍ଟ ନୁହେଁ। ବହୁତ ଶବ୍ଦ ଥିଲେ ମଧ୍ୟ କମ୍ ପଡ଼ିଯିବ। ତାଙ୍କୁ ଗାୟବ ହେବା ମାସେ ବିତିଗଲାଣି। ଏହି ସମୟରେ ସେ ସମସ୍ତଙ୍କୁ କହିବାକୁ ଚାହୁଁଛନ୍ତି ଯେ ସେ ନିଜ ମୃତ୍ୟୁ ଶଯ୍ୟାରେ ଅଛନ୍ତି। ସେ ମଜବୁତ ଅଛନ୍ତି। ସେହି ଜୀବନ ପାଇଁ ସେଉଁଥିରେ ସଂଘର୍ଷ ନାହିଁ। ଦୟା କରି କୌଣସି ପ୍ରଶ୍ନ କରନ୍ତୁ ନାହିଁ। କେବଳ ଭଗବାନ ଜାଣିଛନ୍ତି ଯେ ଆପଣ ତାଙ୍କ ପାଇଁ କେତେ ମୂଲ୍ୟବାନ।
ଦିବ୍ୟା ୨୦୧୧ମସିହାରେ ମିସ୍ ୟୁନିଭର୍ସର କଣ୍ଟେଷ୍ଟେଣ୍ଟ ରହି ସାରିଛନ୍ତି। ୨୦୧୬ମସିହାରେ ସେ ଫିଲ୍ମ ‘ହେ ଅପନା ଦିଲ ତୋ ଆଓ୍ବାରା’ ସହ ବଲିଉଡରେ ଡେବ୍ୟୁ କରିଥିଲେ। ୨୦୧୮ମସିହାରେ ଦିବ୍ୟା ପଟିୟାଲେ ଦି କୁଇନ୍ ଗୀତ ସହ ସିଙ୍ଗିଂ ଡେବ୍ୟୁ କରିଥିଲେ। ଦିବ୍ୟାଙ୍କ ପରଲୋକ ଖବର ଶୁଣି ତାଙ୍କ ସହ କାମ କରିଥିବା ଅଭିନେତାମାନେ ଶ୍ରଦ୍ଧାଞ୍ଜଳୀ ଦେଇଛନ୍ତି। ଯେଉଁଥିରେ ସାହିଲ ଅହମଦ,ଅଞ୍ଜୁମ୍ ଫାକିହ,ନିହାରିକା ରାୟଜାଦା ଆଦି ରହିଛନ୍ତି।