ଆଇସି-୮୧୪ ଅପହରଣ ମାଷ୍ଟରମାଇଣ୍ଡ ତଥା ଜୈଶ ଆତଙ୍କବାଦୀ ଅବଦୁଲ ରଉଫ ଆଝାର ଭାରତର ଅପରେସନ ସିନ୍ଦୁରରେ ନିହତ

ନୂଆଦିଲ୍ଲୀ: ପାକିସ୍ତାନର ପଞ୍ଜାବ ଓ ପିଓକେରେ ଥିବା ଆତଙ୍କବାଦୀ ଲଞ୍ଚପ୍ୟାଡ୍ ଉପରେ ଭାରତୀୟ ସଶସ୍ତ୍ର ବାହିନୀର କ୍ଷେପଣାସ୍ତ୍ର ଆକ୍ରମଣରେ ଆଇସି-୮୧୪ ଏୟାର ଇଣ୍ଡିଆ ବିମାନ ଅପହରଣର ମାଷ୍ଟରମାଇଣ୍ଡ ତଥା ଆତଙ୍କବାଦୀ ଅବ୍ଦୁଲ୍ ରୌଫ୍ ଆଝାର ‘ଅପରେସନ୍ ସିନ୍ଦୂର’ ଅଧୀନରେ ନିହତ ହୋଇଛି।

ଆଝାର ତାଙ୍କ ଭାଇ ଏବଂ ଅନ୍ୟ ଜଣେ ଜଳ ଆତଙ୍କବାଦୀ ମାସୁଦ ଆଝାରଙ୍କ ଦ୍ୱାରା ପ୍ରତିଷ୍ଠିତ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର ସର୍ବୋଚ୍ଚ କମାଣ୍ଡର ଥିଲା। ଜମ୍ମୁ-କଶ୍ମୀରରେ ଆତଙ୍କବାଦୀ କାର୍ଯ୍ୟକଳାପରେ ତାଙ୍କର ଭୂମିକା ପାଇଁ ସେ ଭାରତର ମୋଷ୍ଟ ୱାଣ୍ଟେଡ୍ ଆତଙ୍କବାଦୀଙ୍କ ମଧ୍ୟରୁ ଅନ୍ୟତମ ଥିଲେ।

ପାକିସ୍ତାନର ବାହାଓ୍ଵାଲପୁରସ୍ଥିତ ଜୈଶ-ଇ-ମହମ୍ମଦର ମୁଖ୍ୟାଳୟ ଉପରେ ଭାରତୀୟ ଆକ୍ରମଣରେ ମାସୁଦ ଆଝାରଙ୍କ ପରିବାରର ୧୦ ଜଣ ସଦସ୍ୟ ନିହତ ହୋଇଥିବା ବେଳେ ଆଝାର ମଧ୍ୟ ବୁଧବାର ପର୍ଯ୍ୟନ୍ତ ଗୁରୁତର ଆହତ ହୋଇଛନ୍ତି। ପରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି।

ପାକିସ୍ତାନର ପଞ୍ଜାବ ପ୍ରଦେଶରେ ଭାରତୀୟ ସଶସ୍ତ୍ର ବାହିନୀ ବାହାୱଲପୁର ଏବଂ ମୁରିଦ୍କେରେ ଆକ୍ରମଣ କରି ବର୍ଷ ବର୍ଷ ଧରି ରକ୍ତପାତ ଏବଂ ଭାରତୀୟ ମାଟିରେ ଆକ୍ରମଣ ପାଇଁ ଦାୟୀ ଥିବା ଦୁଇଟି ଆତଙ୍କବାଦୀ ସଂଗଠନ ଜୈସ୍ ଏବଂ ଲସ୍କରର ମୁଖ୍ୟାଳୟକୁ ଟାର୍ଗେଟ କରି ଧ୍ୱଂସ କରିଛି।

ରୌଫ ଆଝାରଙ୍କ ବିଷୟରେ: ଦୁର୍ଦ୍ଦାନ୍ତ ଆତଙ୍କବାଦୀ ତଥା ଜୈଶ କମାଣ୍ଡର ଅବ୍ଦୁଲ ରୌଫ ଆଝାର ଜଣେ ପାକିସ୍ତାନୀ ଦେଓବନ୍ଦୀ ଜିହାଦୀ ଧର୍ମଗୁରୁ ଏବଂ ଆତଙ୍କବାଦୀ ଥିଲେ ଯିଏ କି ଜୈଶ-ଏ-ମହମ୍ମଦର ସର୍ବୋଚ୍ଚ କମାଣ୍ଡର ଭାବରେ କାର୍ଯ୍ୟ କରିଥିଲେ । ସେ ୨୧ ଏପ୍ରିଲ ୨୦୦୭ରେ ଏହି ଗୋଷ୍ଠୀର ନେତୃତ୍ୱ ଗ୍ରହଣ କରିଥିଲେ ଏବଂ ଦେଶ ବିରୋଧରେ ଆକ୍ରମଣ କରିବାର ତାଙ୍କର ଦୀର୍ଘ ଇତିହାସ ହେତୁ ଭାରତର ଅନ୍ୟତମ ମୋଷ୍ଟ ୱାଣ୍ଟେଡ ବ୍ୟକ୍ତି ଥିଲେ ।

ମାତ୍ର ୨୪ ବର୍ଷ ବୟସରେ ରୌଫ ଆଝାର ୧୯ମସିହାରେ ଇଣ୍ଡିଆନ୍ ଏୟାରଲାଇନ୍ସବିମାନ ଆଇସି-୮୧୪ ଅପହରଣ ଘଟଣାର ମାଷ୍ଟରମାଇଣ୍ଡ ଥିଲେ, ଯାହା ଶେଷରେ ତାଙ୍କ ବଡ଼ ଭାଇ ଜୈସ-ଇ-ମହମ୍ମଦର ପ୍ରତିଷ୍ଠାତା ମୌଲାନା ମାସୁଦ ଆଝାରଙ୍କୁ ମୁକ୍ତ କରିଥିଲା। ସେବେଠାରୁ ଜମ୍ମୁ-କଶ୍ମୀର ବିଧାନସଭା ଓ ଭାରତୀୟ ସଂସଦ ଉପରେ ୨୦୦୧ ରେ ହୋଇଥିବା ଫିଦାଇନ୍ ଆକ୍ରମଣ, ୨୦୧୬ ପଠାନକୋଟ ଏୟାରବେସ୍ ଆକ୍ରମଣ ଏବଂ ନାଗରୋଟା ଏବଂ କଠୁଆରେ ସେନା ଶିବିର ଉପରେ ଆକ୍ରମଣ ସମେତ ଭାରତରେ ଏହି ସଙ୍ଗଠନର ପ୍ରତ୍ୟେକ ବଡ଼ ଆକ୍ରମଣ ପଛରେ ସେ ରହିଛନ୍ତି। ୨୦୧୯ ପୁଲଓ୍ଵାମା ଆତ୍ମଘାତୀ ବିସ୍ଫୋରଣରେ ୪୦ ଜଣ ସିଆରପିଏଫ୍ ଯବାନ ସହିଦ ହେବା ଘଟଣାରେ ମଧ୍ୟ ତାଙ୍କର ସମ୍ପୃକ୍ତି ଥିଲା।

ଭାରତୀୟ ଗୁଇନ୍ଦା ଏଜେନ୍ସି ଏବଂ ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ) ରିପୋର୍ଟ କରିଛନ୍ତି ଯେ ଆଝାର ଜୈଶ-ଏ-ମହମ୍ମଦ ପାଇଁ ପ୍ରାୟ ସମସ୍ତ ପରିଚାଳନାଗତ ନିଷ୍ପତ୍ତି ନେଉଥିଲେ, ବିଶେଷକରି ତାଙ୍କ ଅସୁସ୍ଥ ଭାଇଙ୍କ ଅନୁପସ୍ଥିତିରେ। ପାକିସ୍ତାନର ତତ୍କାଳୀନ ରାଷ୍ଟ୍ରପତି ପରଭେଜ ମୁଶାରଫଙ୍କ ଜୀବନ ଉପରେ ପ୍ରୟାସ ପରେ ଜୈସ୍-ଇ-ମହମ୍ମଦ ଭୂତଳ ହୋଇଯାଇଥିବା ବେଳେ ରୌଫ ଆଝାର ଆଫଗାନିସ୍ତାନ ଗସ୍ତ କରି ତାଲିବାନ ସହ ସମନ୍ୱୟ ରକ୍ଷା କରି ଏହି ସଂଗଠନର ପୁନର୍ଗଠନରେ କେନ୍ଦ୍ରୀୟ ଭୂମିକା ଗ୍ରହଣ କରିଥିଲେ।