ନୂଆଦିଲ୍ଲୀ: ବୁଧବାର ଦିନ ଅରୁଣ ଜେଟଲୀ ଷ୍ଟାଡିୟମରେ ଖେଳାଯାଉଥିବା ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ୨୦୨୬ ର ତୃତୀୟ ମ୍ୟାଚରେ ଗୁଜରାଟ ଟାଇଟନ୍ସ (GT) ବିପକ୍ଷରେ ଦିଲ୍ଲୀ କ୍ୟାପିଟାଲ୍ସ (DC) ଟସ୍ ଜିଣି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଗୁଜରାଟ ପାଇଁ ଏକ ଖୁସି ଖବର ହେଉଛି, ମାଂସପେଶୀ ଜନିତ ସମସ୍ୟା କାରଣରୁ ପୂର୍ବ ମ୍ୟାଚ୍ ଖେଳିନଥିବା ଅଧିନାୟକ ଶୁଭମନ ଗିଲ୍ ଦଳକୁ ଫେରିଛନ୍ତି।
ଟସ୍ ଜିଣିବା ପରେ ଦିଲ୍ଲୀ ଅଧିନାୟକ ଅକ୍ଷର ପଟେଲ କହିଛନ୍ତି ଯେ, “ଆମେ ପ୍ରଥମେ ବୋଲିଂ କରିବୁ। ଗତ ଦୁଇଟି ମ୍ୟାଚରେ ଆମେ ଭଲ ରନ୍ ଚେସ୍ (ପିଛା) କରିଛୁ ଏବଂ ଏହା ଏକ ନୂଆ ପିଚ୍ ଅଟେ। ବର୍ଷା ହୋଇଥିବାରୁ ପିଚରେ କିଛି ଆର୍ଦ୍ରତା ରହିପାରେ। ତେଣୁ ପ୍ରଥମେ ବୋଲିଂ କରି ପିଚ୍ର ସ୍ଥିତି ଦେଖିବୁ, ସେମାନଙ୍କୁ କମ୍ ସ୍କୋରରେ ଅଟକାଇବୁ ଏବଂ ଲକ୍ଷ୍ୟ ହାସଲ କରିବୁ। ଆମେ ବିପକ୍ଷ ବ୍ୟାଟ୍ସମ୍ୟାନଙ୍କ ପାଇଁ ଏହାକୁ କଷ୍ଟକର କରିବାକୁ ଶ୍ରେଷ୍ଠ ବୋଲରଙ୍କ ସହ ପଡିଆକୁ ଓହ୍ଲାଇଛୁ। ଆମେ କୌଣସି ପରିବର୍ତ୍ତନ ନକରି ସମାନ ୧୧ ଜଣ ଖେଳାଳିଙ୍କ ସହ ଖେଳିବୁ।”
ଚଳିତ ଟୁର୍ଣ୍ଣାମେଣ୍ଟରେ ଦିଲ୍ଲୀ କ୍ୟାପିଟାଲ୍ସ ଚମତ୍କାର ଫର୍ମରେ ରହିଛି ଏବଂ ନିଜର ପ୍ରଥମ ଦୁଇଟି ଯାକ ମ୍ୟାଚ୍ ଜିଣିଛି। ସେମାନେ ଲକ୍ଷ୍ନୌ ସୁପର ଜିଆଣ୍ଟସ୍ ବିପକ୍ଷରେ ବିଜୟ ସହ ନିଜର ଆଇପିଏଲ୍ ୨୦୨୬ ଅଭିଯାନ ଆରମ୍ଭ କରିଥିଲେ ଏବଂ ଏହା ପରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ମଧ୍ୟ ଏକ ବଡ଼ ବିଜୟ ହାସଲ କରିଥିଲେ।
ଅନ୍ୟପକ୍ଷରେ ଗୁଜରାଟ ଟାଇଟନ୍ସ ଏପର୍ଯ୍ୟନ୍ତ ଟୁର୍ଣ୍ଣାମେଣ୍ଟରେ ଲୟ ପାଇବା ପାଇଁ ସଂଘର୍ଷ କରୁଛି। ଦଳ ନିଜର ପ୍ରଥମ ମ୍ୟାଚରେ ପଞ୍ଜାବ କିଙ୍ଗସ୍ ଠାରୁ ୩ ୱିକେଟରେ ଏବଂ ପରେ ରାଜସ୍ଥାନ ରୟାଲ୍ସ ଠାରୁ ଏକ ରୋମାଞ୍ଚକର ମୁକାବିଲାର ଶେଷ ଓଭରରେ ୬ ରନରେ ପରାଜୟର ସାମ୍ନା କରିଥିଲା। ଦିଲ୍ଲୀ ବିପକ୍ଷ ମ୍ୟାଚରେ ଦଳ ଚଳିତ ସିଜିନ୍ର ପ୍ରଥମ ପଏଣ୍ଟ ହାସଲ କରିବାକୁ ଲକ୍ଷ୍ୟ ରଖିବ।
DC ବନାମ GT ପ୍ଲେଇଙ୍ଗ୍-୧୧ (ଚୂଡ଼ାନ୍ତ ଏକାଦଶ):
ଦିଲ୍ଲୀ କ୍ୟାପିଟାଲ୍ସ (DC) ପ୍ଲେଇଙ୍ଗ୍-୧୧: * କେ.ଏଲ୍. ରାହୁଲ (ୱିକେଟକିପର)
ପଥୁମ୍ ନିଶାଙ୍କ
ନୀତିଶ ରାଣା
ବିପ୍ରାଜ ନିଗମ
ଅକ୍ଷର ପଟେଲ (ଅଧିନାୟକ)
ଡେଭିଡ୍ ମିଲର
ଟ୍ରିଷ୍ଟାନ୍ ଷ୍ଟବ୍ସ
କୁଲଦୀପ ଯାଦବ
ଲୁଙ୍ଗି ଏନଗିଡି
ଟି. ନଟରାଜନ
ମୁକେଶ କୁମାର
ଇମ୍ପାକ୍ଟ ସବ୍ସ (ପ୍ରଭାବଶାଳୀ ଖେଳାଳି): ଆଶୁତୋଷ ଶର୍ମା, ଆକିବ ନବି ଦାର୍, ସମୀର ରିଜଭୀ, ଦୁଷ୍ମନ୍ତ ଚାମିରା, କରୁଣ ନାୟର।
ଗୁଜରାଟ ଟାଇଟନ୍ସ (GT) ପ୍ଲେଇଙ୍ଗ୍-୧୧: * ଶୁଭମନ ଗିଲ୍ (ଅଧିନାୟକ)
ସାଇ ସୁଦର୍ଶନ
ଜୋସ୍ ବଟଲର (ୱିକେଟକିପର)
ୱାଶିଂଟନ୍ ସୁନ୍ଦର
ଗ୍ଲେନ୍ ଫିଲିପ୍ସ
ଶାହରୁଖ ଖାନ
ରାହୁଲ ତେୱାଟିଆ
ରଶିଦ ଖାନ
କାଗିସୋ ରବାଡା
ମହମ୍ମଦ ସିରାଜ
ଅଶୋକ ଶର୍ମା
ଇମ୍ପାକ୍ଟ ସବ୍ସ (ପ୍ରଭାବଶାଳୀ ଖେଳାଳି): ପ୍ରସିଦ୍ଧ କୃଷ୍ଣା, ଜାସନ୍ ହୋଲ୍ଡର, ମାନବ ସୁଥାର, ଜୟନ୍ତ ଯାଦବ, ଅନୁଜ ରାୱତ।
Comments are closed.