ଭୁବନେଶ୍ୱର: ବାଲେଶ୍ୱର ରାଜନୀତିରେ ଆଜି ଏକ ବଡ଼ ଧରଣର ପରିବର୍ତ୍ତନ ଦେଖିବାକୁ ମିଳିଛି। ଦୀର୍ଘ ଦିନର ବ୍ୟବଧାନ ପରେ ପୂର୍ବତନ ମନ୍ତ୍ରୀ ରଘୁନାଥ ମହାନ୍ତି ଏବଂ ପୂର୍ବତନ ବିଧାୟକ ଜୀବନ ପ୍ରଦୀପ ଦାଶ ନିଜର ପୁରୁଣା ଦଳ ବିଜେଡିକୁ ପ୍ରତ୍ୟାବର୍ତ୍ତନ କରିଛନ୍ତି। ଆଜି ଅପରାହ୍ନରେ ଶଙ୍ଖ ଭବନରୁ ଏକ ବିଶାଳ ଶୋଭାଯାତ୍ରାରେ ବାହାରି ସେମାନେ ନବୀନ ନିବାସରେ ପହଞ୍ଚିଥିଲେ ଏବଂ ସେଠାରେ ଦଳୀୟ ସୁପ୍ରିମୋଙ୍କ ଉପସ୍ଥିତିରେ ବିଜେଡିରେ ସାମିଲ ହୋଇଥିଲେ।
ରଘୁନାଥ ମହାନ୍ତି ବସ୍ତା ନିର୍ବାଚନ ମଣ୍ଡଳୀରୁ ୫ ଥର ବିଧାୟକ ରହିଥିବା ରଘୁନାଥ ମହାନ୍ତି ବିଜେଡି ସରକାରରେ ପଞ୍ଚାୟତିରାଜ ଓ ଆଇନ ଭଳି ଗୁରୁତ୍ୱପୂର୍ଣ୍ଣ ବିଭାଗର ମନ୍ତ୍ରୀ ଥିଲେ। ୨୦୧୯ ନିର୍ବାଚନ ପୂର୍ବରୁ ସେ ଦଳ ଛାଡି ବିଜେପିରେ ଯୋଗ ଦେଇଥିଲେ। ଜୀବନ ପ୍ରଦୀପ ଦାଶ ବାଲେଶ୍ୱର ସଦରର ପୂର୍ବତନ ବିଧାୟକ ଜୀବନ ପ୍ରଦୀପ ଦାଶଙ୍କୁ ୨୦୨୦ ମସିହାରେ ଦଳ ବିରୋଧୀ କାର୍ଯ୍ୟ ଅଭିଯୋଗରେ ବିଜେଡିରୁ ବହିଷ୍କାର କରାଯାଇଥିଲା। ପରେ ସେ ବିଜେପିରେ ଯୋଗ ଦେଇଥିଲେ।
ଏହି ଦୁଇ ବରିଷ୍ଠ ନେତାଙ୍କ ଘର ବାହୁଡ଼ା ଫଳରେ ବାଲେଶ୍ୱର ଜିଲ୍ଲାରେ ବିଜେଡି ସଂଗଠନ ଆହୁରି ମଜବୁତ ହେବ ବୋଲି ଆଶା କରାଯାଉଛି। ବିଶେଷ କରି ସେମାନଙ୍କର ବ୍ୟକ୍ତିଗତ ଭୋଟ୍ ବ୍ୟାଙ୍କ ଏବଂ ସାଂଗଠନିକ ଦକ୍ଷତା ଆଗାମୀ ଦିନରେ ଦଳ ପାଇଁ ବଡ଼ ସହାୟକ ହେବ।
Comments are closed.