ଭୁବନେଶ୍ଵର,୧୩/୦୩: ଦେଶର କୋଟି କୋଟି ଚାଷୀଙ୍କ ପାଇଁ ଆଜି ଏକ ବଡ଼ ଦିନ। କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି (PM Kisan) ଯୋଜନାର ୨୨ତମ କିସ୍ତି ଆଜି ଜାରି କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ଯୋଗ୍ୟ କୃଷକମାନଙ୍କ ବ୍ୟାଙ୍କ ଖାତାକୁ ସିଧାସଳଖ ୨୦୦୦ ଟଙ୍କା ଲେଖାଏଁ ଟ୍ରାନ୍ସଫର କରିଛନ୍ତି। ମିଳିଥିବା ସୂଚନା ଅନୁଯାୟୀ, ଏଥର ୯ କୋଟିରୁ ଅଧିକ ଚାଷୀ ପରିବାର ଏହି ଯୋଜନାର ଲାଭ ପାଇଛନ୍ତି।
ବାର୍ଷିକ ମିଳିଥାଏ ୬ ହଜାର ଟଙ୍କା କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ଆର୍ଥିକ ସହାୟତା ପ୍ରଦାନ କରିବା ଏହି ଯୋଜନାର ମୁଖ୍ୟ ଉଦ୍ଦେଶ୍ୟ, ଯାହାଦ୍ୱାରା ସେମାନେ ନିଜର କୃଷି ଓ ଘରୋଇ ଆବଶ୍ୟକତା ପୂରଣ କରିପାରିବେ। ଏହି ଯୋଜନା ଅଧୀନରେ ଚାଷୀଙ୍କୁ ବର୍ଷକୁ ମୋଟ ୬୦୦୦ ଟଙ୍କା ପ୍ରଦାନ କରାଯାଇଥାଏ, ଯାହା ତିନୋଟି ଅଲଗା ଅଲଗା କିସ୍ତିରେ (୨୦୦୦ ଟଙ୍କା ଲେଖାଏଁ) ସିଧାସଳଖ ସେମାନଙ୍କ ବ୍ୟାଙ୍କ ଖାତାକୁ ପଠାଯାଇଥାଏ।
ଯଦି କୌଣସି କାରଣରୁ ଆପଣଙ୍କ ଖାତାକୁ ଏଥର ଟଙ୍କା ଆସିନାହିଁ, ତେବେ ବ୍ୟସ୍ତ ନହୋଇ ଆପଣ ସିଧାସଳଖ ଯୋଜନାର ହେଲ୍ପଲାଇନ୍ ନମ୍ବରରେ ଯୋଗାଯୋଗ କରିପାରିବେ। ଚାଷୀମାନେ ୧୫୫୨୬୧ କିମ୍ବା ୦୧୧-୨୪୩୦୦୬୦୬ ନମ୍ବରରେ କଲ୍ କରି ନିଜର ସମସ୍ୟା ଜଣାଇପାରିବେ। ଏହି ହେଲ୍ପଲାଇନ୍ ସେବା କାର୍ଯ୍ୟ ଦିବସଗୁଡ଼ିକରେ ସକାଳ ୯:୩୦ ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଉପଲବ୍ଧ ରହିଥାଏ।
Comments are closed.