ଭୁବନେଶ୍ୱର: ଘରର ସୁଖ ଶାନ୍ତି ଓ ସମୃଦ୍ଧି ପାଇଁ ଲୋକମାନେ ବାସ୍ତୁ ଶାସ୍ତ୍ର ଏବଂ ଫେଙ୍ଗସୁଇ (Feng Shui) ଉପରେ ବିଶ୍ୱାସ କରନ୍ତି। ବିଶେଷକରି ଘରେ ‘ଲକି ବାମ୍ବୋ’ ବା ବାଉଁଶ ଗଛ ରଖିବା ଅତ୍ୟନ୍ତ ଶୁଭ ବୋଲି ମାନିଥାନ୍ତି। କିନ୍ତୁ ଆପଣ ଜାଣନ୍ତି କି, କେତୋଟି ବାଉଁଶ ଡାଳ ବା ଷ୍ଟକ୍ (Stalks) ଏକାଠି ରଖିଲେ କଣ ଫଳ ମିଳିଥାଏ?
ଫେଙ୍ଗସୁଇ ବିଶେଷଜ୍ଞଙ୍କ ଅନୁଯାୟୀ, ବାମ୍ବୋ ପ୍ଲାଣ୍ଟର ଡାଳ ସଂଖ୍ୟା ଭିନ୍ନ ଭିନ୍ନ ଫଳ ପ୍ରଦାନ କରିଥାଏ:
-
୩ଟି ଡାଳ: ଏହା ସବୁଠାରୁ ଲୋକପ୍ରିୟ। ତିନୋଟି ଡାଳକୁ ସୁଖ (Happiness), ସମ୍ପତ୍ତି (Wealth) ଏବଂ ଦୀର୍ଘାୟୁ (Long Life)ର ପ୍ରତୀକ ବୋଲି ମାନାଯାଏ। ତେଣୁ ଘରେ ୩ଟି ଡାଳ ଥିବା ବାମ୍ବୋ ରଖିବା ଅତ୍ୟନ୍ତ ଶୁଭ।
-
୫ଟି ଡାଳ: ଯଦି ଆପଣ ସ୍ୱାସ୍ଥ୍ୟଗତ ସମସ୍ୟା ଦେଇ ଗତି କରୁଛନ୍ତି, ତେବେ ୫ଟି ଡାଳ ଥିବା ବାମ୍ବୋ ରଖିବା ଲାଭଦାୟକ ହୋଇପାରେ।
-
୬ଟି ଡାଳ: ଧନ ଓ ସମୃଦ୍ଧି ଆକର୍ଷଣ କରିବା ପାଇଁ ୬ଟି ଡାଳ ରଖିବା ଭଲ ବୋଲି କୁହାଯାଏ।
-
୭ଟି ଡାଳ: ପରିବାରର ସମସ୍ତ ସଦସ୍ୟଙ୍କ ଉତ୍ତମ ସ୍ୱାସ୍ଥ୍ୟ ପାଇଁ ୭ଟି ଡାଳ ଶୁଭ ହୋଇଥାଏ।
-
୮ କିମ୍ବା ୯ଟି ଡାଳ: ଏହା ପ୍ରଚୁର ଧନ ଓ ସୌଭାଗ୍ୟର ସଙ୍କେତ।
ସତର୍କତା: ଭୁଲରେ ମଧ୍ୟ କେବେ ୪ଟି ଡାଳ ବିଶିଷ୍ଟ ବାମ୍ବୋ ପ୍ଲାଣ୍ଟ ଘରେ ରଖନ୍ତୁ ନାହିଁ। ଚୀନୀ ବାସ୍ତୁଶାସ୍ତ୍ର ଅନୁସାରେ ୪ ସଂଖ୍ୟା ମୃତ୍ୟୁ ସହ ଜଡ଼ିତ ଏବଂ ଏହା ନକାରାତ୍ମକ ଶକ୍ତି ଆଣିଥାଏ।
କେଉଁ ଦିଗରେ ରଖିବେ? ଏହି ଗଛକୁ ଘରର ପୂର୍ବ (East) କିମ୍ବା ଦକ୍ଷିଣ-ପୂର୍ବ (South-East) କୋଣରେ ରଖିଲେ ଅଧିକ ଶୁଭଫଳ ମିଳିଥାଏ।
Comments are closed.