ଭୁବନେଶ୍ୱର : ନ୍ୟାଶନାଲ ଷ୍ଟକ ଏକ୍ସଚେଞ୍ଜ (NSE) ପକ୍ଷରୁ ସଂସ୍ଥାର ମିଳିତ ମୂଲ୍ୟବୋଧ ଓ ଜାତୀୟ ନୀତିକୁ ପ୍ରତିଫଳନ କରିଥିବା ଏକ ସ୍ୱତନ୍ତ୍ର କାର୍ଯ୍ୟକ୍ରମ ସହିତ ମୁମ୍ବାଇସ୍ଥିତ ଏହାର ମୁଖ୍ୟ କାର୍ଯ୍ୟାଳୟରେ ଭାରତର ୭୭ତମ ଗଣତନ୍ତ୍ର ଦିବସ ପାଳନ କରାଯାଇଛି । ଏହି ସମାରୋହ ଏନଏସଇର ନେତୃବୃନ୍ଦ, କର୍ମଚାରୀ ଓ ସେମାନଙ୍କ ପରିବାର ସଦସ୍ୟଙ୍କୁ ଏକାଠି କରିଥିଲା । ଦେଶର ପ୍ରମୁଖ ଏକ୍ସଚେଞ୍ଜରେ ଏହି କାର୍ଯ୍ୟକ୍ରମ ଏନଏସଇ କ୍ଲିୟରିଂ ଲିମିଟେଡର ପରିଚାଳନା ନିର୍ଦ୍ଦେଶକ ଓ ସିଇଓ ଶ୍ରୀ ବିକ୍ରମ କୋଠାରି ଏବଂ ଏନଏସଇର ମୁଖ୍ୟ ମାନବ ସମ୍ବଳ ଅଧିକାରୀ ଶ୍ରୀ ଶରଦ ଧକାଟେଙ୍କ ଉପସ୍ଥିତିରେ ଆୟୋଜିତ ହୋଇଥିଲା ଏବଂ କର୍ମଚାରୀମାନେ ଏକତା, ଅଖଣ୍ଡତା ଓ ବିବିଧତାର ସିଦ୍ଧାନ୍ତକୁ ସ୍ୱୀକୃତି ଦେବା ପାଇଁ ଏକାଠି ହୋଇଥିଲେ । ଏହି ଅବସର ଗର୍ବ, ଦେଶପ୍ରେମ ଓ ଏକତାର ଏକ ଭାବନା ଦ୍ୱାରା ଚିହ୍ନିତ ହୋଇଥିଲା । ଗଣତନ୍ତ୍ର ଦିବସ ସନ୍ଧ୍ୟାରେ ଏନଏସଇ ମୁଖ୍ୟ କାର୍ଯ୍ୟାଳୟଗୁଡିକୁ ଭାରତୀୟ ଜାତୀୟ ପତାକାର ରଙ୍ଗ ଯଥା ନାରଙ୍ଗି, ଧଳା ଓ ସବୁଜରେ ଆଲୋକିତ କରାଯାଇଥିଲା । ନ୍ୟାଶନାଲ ଷ୍ଟକ ଏକ୍ସଚେଞ୍ଜ ଅଫ ଇଣ୍ଡିଆ ଲିମିଟେଡ ଜାତୀୟସ୍ତରୀୟ ପହଂଚ ସହିତ ଏକ ଆଧୁନିକ, ସ୍ୱୟଂଚାଳିତ ଟ୍ରେଡିଂ ପ୍ଲାଟଫର୍ମର ପରିଚାଳନା କରୁଛି ଏବଂ ସ୍ୱଚ୍ଛତା, ଦକ୍ଷତା ଓ ନିବେଶକ ସୁରକ୍ଷା ମାଧ୍ୟମରେ ଭାରତର ପୁଞ୍ଜି ବଜାରଗୁଡିକର ବିକାଶ କ୍ଷେତ୍ରରେ ପ୍ରମୁଖ ଭୂମିକା ଗ୍ରହଣ କରୁଛି ।
Comments are closed.