ଭୁବନେଶ୍ୱର: ବେଙ୍ଗାଲୁରୁରେ ଏକ ଉତ୍କର୍ଷ କେନ୍ଦ୍ର ସ୍ଥାପନ କରିବା ଲାଗି ଜେଏସ୍ଡବ୍ଲୁ ଗ୍ରୁପ୍ ପକ୍ଷରୁ କର୍ଣ୍ଣାଟକର ଏମ୍ଏସ୍ ରମେୟା ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଏମ୍ଏସ୍ଆର୍ଆଇଟି) ଓ ସାରିକା ସ୍ମାର୍ଟେକ୍ ସହ ତ୍ରିପାକ୍ଷିକ ବୁଝାମଣାପତ୍ର ସ୍ୱାକ୍ଷର କରାଯାଇଛି । ଏହି ସହଯୋଗିତାର ଉଦ୍ଦେଶ୍ୟ ହେଉଛି ଏମ୍ଏସ୍ଆର୍ଆଇଟିର ବେଙ୍ଗାଲୁରୁ କ୍ୟାମ୍ପସରେ ସ୍ମାର୍ଟ ଗ୍ରିଡ୍ ପ୍ରଯୁକ୍ତି ପାଇଁ ଜେଏସଡବ୍ଲୁ ସେଂଟର ଅଫ୍ ଏକ୍ସଲେନ୍ସ (ଜେଏସ୍ଡବ୍ଲୁ-ସିଓଇ) ସ୍ଥାପନ କରିବା । ବୁଝାମଣା ଅନୁସାରେ ଜେଏସ୍ଡବ୍ଲୁ ଗ୍ରୁପ୍ ଏଥିପାଇଁ ଆର୍ଥିକ ଅନୁଦାନ ପ୍ରଦାନ କରିବ, ଏହି ଉତ୍କର୍ଷ କେନ୍ଦ୍ରକୁ ସ୍ଥାପନ କରିବାରେ ଏମ୍ଏସ୍ଆର୍ଆଇଟି ପ୍ରମୁଖ ଭୂମିକା ତୁଲାଇବ ଏବଂ ସାରିକା ସ୍ମାର୍ଟେକ୍ ଜ୍ଞାନ ସହଯୋଗୀ ଭାବେ କାର୍ଯ୍ୟ କରି ଏହି ଉତ୍କର୍ଷ କେନ୍ଦ୍ରର ସ୍ଥାପନା, ପରିଚାଳନା ଓ ରକ୍ଷଣାବେକ୍ଷଣରେ ସହାୟକ ହେବ ।
ଏମ୍ଓୟୁର ସମସ୍ତ ପକ୍ଷ ପରିଚାଳନା ଷ୍ଟାଫ୍, ଇଞ୍ଜିନିୟର ଓ ପ୍ରବନ୍ଧକ ପ୍ରଫେସନାଲମାନଙ୍କ ନିରନ୍ତର ଶିକ୍ଷା, ଦକ୍ଷତା ବିକାଶ ଓ ଜ୍ଞାନରେ ଉନ୍ନତି ଆଣିବା ଲାଗି ମିଳିତ ଭାବେ ସମାଜର ଦୃଢ଼ତାକୁ ବ୍ୟବହାର କରିବେ । ଜେଏସ୍ଡବ୍ଲୁ ସେଂଟର ଅଫ ଏକ୍ସଲେନ୍ସ ଜରିଆରେ ଶିକ୍ଷା, ତାଲିମ ଓ ବିକାଶ ପାଇଁ ଏହା ଦୃଢ଼ ପ୍ଲାଟଫର୍ମ ପ୍ରଦାନ କରିବ । ପରବର୍ତୀ ପିଢ଼ିର ଇଞ୍ଜିନିୟରିଂ ପ୍ରଫେସନାଲମାନଙ୍କୁ “ଲ୍ୟାବ୍ ଆଜ୍ ଏ ସର୍ଭିସ୍’ ଭାବେ ପ୍ରଦାନ କରିବ ଶିକ୍ଷଣ ଓ ତାଲିମ ମଡ୍ୟୁଲ୍ରେ ବ୍ୟାପକ ପରିବର୍ତନ ଆଣିବ ବୋଲି ଆଶା କରାଯାଉଛି । ଏହା ପରୀକ୍ଷଣ ଓ ପରାମର୍ଶ ସେବା ସହ ଷ୍ଟାର୍ଟଅପ୍ଗୁଡ଼ିକୁ ସହଯୋଗ କରିବ । ଏହା ବିଦ୍ୟୁତ ବ୍ୟବସ୍ଥା କ୍ଷେତ୍ରରେ ନିରନ୍ତର ଶିକ୍ଷା, ଦକ୍ଷତା ବିକାଶ ଏବଂ ଜ୍ଞାନରେ ଉନ୍ନତିକୁ ବଢ଼ାଇବ ।
ଏଆଇ, ଡିପ୍ ଲର୍ଣ୍ଣିଂ, ବିଗ୍ ଡାଟା, ବ୍ଲକଚେନ୍,ନେଟ୍ୱର୍କିଂ ଓ ଅଟୋମେସନ୍ର ବିକାଶ ସହ ବିଦ୍ୟୁତ ଓ ଶକ୍ତି ବ୍ୟବସ୍ଥାରେ ଅଭିନବ ପଦକ୍ଷେପର ଚାହିଦା ବଢ଼ିିଛି । ଏମ୍ଏସ୍ଆର୍ଆଇଟିରେ ଜେଏସ୍ଡବ୍ଲ ୁ ସେଂଟର ଅଫ୍ ଏକ୍ସଲେନ୍ସ ସ୍ମାର୍ଟ ଗ୍ରିଡ୍ କିମ୍ବା ନମନୀୟ ବିଦ୍ୟୁତ ବ୍ୟବସ୍ଥା ପାଇଁ ଉନ୍ନତ ଶିକ୍ଷାଦାନ,ଡିଜାଇନ୍, ବିକାଶ ଏବଂ କାର୍ଯ୍ୟକାରୀତା ଦକ୍ଷତା ଆବଶ୍ୟକତାର ପୂରଣ କରିବ ।
ସ୍ମାର୍ଟ ଗ୍ରିଡ୍ ପାୱାର ସିଷ୍ଟମ୍ ଉପରେ ଗୁରୁତ୍ୱାରୋପ କରି ଏମଏସଆରଆଇଟିର ଜେଏସଡବ୍ଲୁ ଉତ୍କର୍ଷ ଏକ୍ସଲେନ୍ସ ଇଞ୍ଜିନିୟରିଂ, ସ୍ନାତକ ଓ ବୈଷୟିକ କର୍ମଚାରୀମାନଙ୍କୁ ଉନ୍ନତ ଜ୍ଞାନ ଓ ତାଲିମ ପ୍ରଦାନ କରିବ ଏବଂ ଦକ୍ଷ ଶ୍ରମଶକ୍ତିରେ ଉନ୍ନତି ଆଣିବ ଓ ଉତ୍ପାଦନ କରିବ । ଶିଳ୍ପର ଆବଶ୍ୟକତା ପୂରଣ କରିବା ଲାଗି ଏହା ଶକ୍ତି କ୍ଷେତ୍ରରେ ପେସାଦାର ବିକାଶକୁ ସୁଦୃଢ଼ କରିବ । ଏହି ଉତ୍କର୍ଷ କେନ୍ଦ୍ର ଶକ୍ତି କ୍ଷେତ୍ରରେ ନବସୃଜନ, ଗବେଷଣ. ତାଲିମ ଓ ବିକାଶର ହବ୍ ଭାବେ କାର୍ଯ୍ୟ କରିବ ଯାହା ଶିଳ୍ପର ଅଭିବୃଦ୍ଧି ଓ ବିକାଶ ପ୍ରତି ଯୋଗଦାନ କରିବ ।
Comments are closed.