ଶ୍ରୀମତୀ ସଙ୍ଗୀତା ଜିନ୍ଦଲ ବ୍ରିଟିଶ୍ ଏସିଆନ୍ ଟ୍ରଷ୍ଟରେ ଭାରତୀୟ ଉପଦେଷ୍ଟା ପରିଷଦ ସଦସ୍ୟା ଭାବେ ସାମିଲ

ଭୁବନେଶ୍ୱର: ଜେଏସଡବ୍ଲୁ ଫାଉଣ୍ଡେସନର ଅଧ୍ୟକ୍ଷା ଶ୍ରୀମତୀ ସଙ୍ଗୀତା ଜିନ୍ଦଲ ବ୍ରିଟିଶ୍ ଏସିଆନ୍ ଟ୍ରଷ୍ଟରେ ଭାରତୀୟ ଉପଦେଷ୍ଟା ପରିଷଦ ସଦସ୍ୟା ଭାବେ ସାମିଲ ହୋଇଛି । ଏହି ଭୂମିକାରେ ସେ ଭାରତର ବ୍ରିଟିଶ୍ ଏସିଆନ୍ ଟ୍ରଷ୍ଟ ସହ ସହଯୋଗିତା ସ୍ଥାପନ କରି ଅଭିନବ ଦାତବ୍ୟ ଓ ସିଏସ୍‌ଆର୍ କାର୍ଯ୍ୟକ୍ରମ ଜରିଆରେ ସକାରାତ୍ମକ ପରିବର୍ତନ ଆଣିବାକୁ ଉଦ୍ୟମ କରିବେ । ଟ୍ରଷ୍ଟର ଭାରତୀୟ ଉପଦେଷ୍ଟା ପରିଷଦ ସଦସ୍ୟ ଭାବେ ଚୟନ କରାଯାଇଥିବା କ୍ୟାଡରର ଏକ ଅଂଶ ହେଉଛନ୍ତି ଶ୍ରୀମତୀ ସଙ୍ଗୀତା ଜିନ୍ଦଲ ।
ଦକ୍ଷିଣ ଏସିଆ ସମୁଦାୟ ଏବଂ ଘରୋଇ କ୍ଷେତ୍ର ସହ ମିଶି ବ୍ରିଟିଶ ଏସିଆନ୍ ଟ୍ରଷ୍ଟ ଭାରତରେ ଉପେକ୍ଷୀତ ବର୍ଗର ଲୋକମାନଙ୍କ ପାଇଁ ଫଳାଫଲ ଭିତିକ କାର୍ଯ୍ୟକ୍ରମ ଉପରେ କାର୍ଯ୍ୟ କରୁଛି । ସୋସିଆ ଫାଇନାନ୍ସିଂ ଉପରେ ଏହାର ଦୃଢ଼ ପରିଚୟ ରହଛି । ଗତ ଛଅ ବର୍ଷରେ ଟ୍ରଷ୍ଟ ପକ୍ଷରୁ ଭାରତର ସର୍ବବୃହତ ବିକାଶ ପ୍ରଭାବ ବଣ୍ଡକୁ ଶିକ୍ଷା, ଦକ୍ଷତା ବିକାଶ ଓ ନିୟୋଜନ କ୍ଷେତ୍ରରେ ଗଠନ ଓ କାର୍ଯ୍ୟକାରୀ କରାଯାଇଛି ।
ବ୍ରିଟିଶ ଏସିଆନ ଟ୍ରଷ୍ଟର ଭାରତ ଉପଦେଷ୍ଟା ପରିଷଦ ସଦସ୍ୟା ଶ୍ରୀମତୀ ସଙ୍ଗୀତା ଜିନ୍ଦଲ କହିଛନ୍ତ ଯେ, “୨୦୩୦ ସୁଦ୍ଧା ଭାରତର ୭ ଟ୍ରିଲିୟନ ଡଲାର ଅର୍ଥନୀତିରେ ପରିଣତ ହେବାକୁ ଯାଉଥିବା ବେଳେ ଏହି ଯାତ୍ରା ବିଶେଷ କରି ମହିଳା ଓ ଶିଶୁମାନଙ୍କ ପାଇଁ ଗୁଣାତ୍ମକ ଶିକ୍ଷା, ସ୍ୱାସ୍ଥ୍ୟସେବା, ଦକ୍ଷତା ଏବଂ ନିଯୁକ୍ତି ସୁଯୋଗର ସମାନ ଉପଲବ୍ଧତା ସୁନିଶ୍ଚିତ କରିବା ପାଇଁ ଆହ୍ୱାନ ସୃଷ୍ଟି କରିଛି । ଏଥିପାଇଁ ଆମ ଦେଶର ବିକାଶ ପ୍ରାଥମିକତା ଏବଂ ଏହାର ଜୈବ ବିବିଧତାର ସୁରକ୍ଷା ମଧ୍ୟରେ ଏକ ଉତମ ସନ୍ତୁଳନ ରକ୍ଷା କରିବା ଆବଶ୍ୟକ । ଏହି ବିକାଶମୂଳକ ଉଦ୍ଦେଶ୍ୟ ପୂରଣ କରିବାରେ ସାମାଜିକ ଅର୍ଥ ଯୋଗାଣ ଏକ ଉତ୍ପ୍ରେରକ ଭୂମିକା ଗ୍ରହଣ କରିବ । ଏ ଦିଗରେ ଅର୍ଥପୂର୍ଣ୍ଣ ଅବଦାନ ଦେବାକୁ ମୁଁ ଆଶା ରଖିଛି ।’’
ବ୍ରିଟିଶ ଏସିଆନ ଟ୍ରଷ୍ଟର କାର୍ଯ୍ୟନିର୍ବାହୀ ନିର୍ଦେଶିକା ଭରତ ବିଶ୍ୱେଶ୍ୱରୀ କହିଛନ୍ତି ଯେ, “ଶ୍ରୀମତୀ ସଙ୍ଗୀତା ଜିନ୍ଦଲ ଆମ ଭାରତ ଉପଦେଷ୍ଟା ପରିଷଦରେ ଯୋଗ ଦେଇ ଆମେ ଗର୍ବ ଅନୁଭବ କରୁଛୁ । ସେ ମହିଳା ସଶକ୍ତୀକରଣ ପାଇଁ ଅଭିନବ ଚିନ୍ତାଧାରାର ଜଣେ ଦୃଢ଼ ସମର୍ଥକ, ଯାହା ଆମର ଦକ୍ଷତା ପ୍ରଭାବ ବଣ୍ଡର ସମର୍ଥନ ମାଧ୍ୟମରେ ପ୍ରଦର୍ଶିତ ହୋଇଛି । ଶ୍ରୀମତୀ ଜିନ୍ଦଲଙ୍କ ବୁଦ୍ଧିମତା ଓ ଅଭିଜ୍ଞତା ଶିକ୍ଷା, ଜୀବିକା ଏବଂ ଲିଙ୍ଗ କ୍ଷେତ୍ରରେ ଆମର ପଦକ୍ଷେପକୁ ଆଗକୁ ବଢ଼ାଇବାରେ ମୂଲ୍ୟବାନ ହେବ ଯାହାର ଲକ୍ଷ୍ୟ ହେଉଛି ଏକ ବିକଶିତ ଭାରତ ଗଠନରେ ସହାୟକ ହେବ ।’’
ଦକ୍ଷତା ପ୍ରଭାବ ବଣ୍ଡ ବିକାଶ କରିବା ଲାଗି ପୂର୍ବରୁ ଜେଏସଡବ୍ଲୁ ଫାଉଣ୍ଡେସନ ଓ ବ୍ରିଟିଶ ଏସିଆନ ଟ୍ରଷ୍ଟ ମଧ୍ୟରେ ସହଯୋଗିତା ସ୍ଥାପନ ହୋଇଥିଲା । ଭାରତରେ ଯୁବବର୍ଗଙ୍କ ମଧ୍ୟରେ ନିଯୁକ୍ତି ହାସଲ କ୍ଷମତା ଓ ନିଯୁକ୍ତିକୁ ବଜାୟ ରଖିବାରେ ରହିଥିବା ସମସ୍ୟାର ମୁକାବିଲା କରିବା ପାଇଁ ହୋଇଥିବା ସହଯୋଗିତାର ଏକ ଅଂଶ ହେଉଛି ଜେଏସ୍‌ଡବ୍ଲୁ ଫାଉଣ୍ଡେସନ । ଦକ୍ଷତା ବିକାଶ ବଣ୍ଡର ଜଣେ ଦୃଢ଼ ସମର୍ଥକ ଓ ପ୍ରଚାରକ ହେଉଛନ୍ତି ଶ୍ରୀମତୀ ସଙ୍ଗୀତା ଜିନ୍ଦଲ ।