ଗୁଳି ବାଜିବା କାରଣରୁ ସଂକଟାପନ୍ନ ଅବସ୍ଥାରେ ହସ୍ପଟାଲରେ ଭର୍ତ୍ତି ହେଲେ କୁଖ୍ୟାତ ଆତଙ୍କବାଦୀ ଅମିର ହମଜା

ନିଷିଦ୍ଧ ଆତଙ୍କବାଦୀ ସଂଗଠନ ଲସ୍କର-ଏ-ତୈବା (LeT)ର ସହ-ପ୍ରତିଷ୍ଠାତା ଆମିର ହମଜା ଲାହୋରସ୍ଥିତ ତାଙ୍କ ବାସଭବନରେ ଏକ ଦୁର୍ଘଟଣାରେ ଗୁରୁତର ଆହତ ହୋଇଛନ୍ତି ଏବଂ ବର୍ତ୍ତମାନ ଏକ ହସ୍ପିଟାଲରେ ଚିକିତ୍ସାଧୀନ ଅଛନ୍ତି।

ଏହି ଘଟଣା ସହିତ ଜଡିତ ସୂତ୍ରଗୁଡ଼ିକ ନିଶ୍ଚିତ କରିଛନ୍ତି ଯେ ଲସ୍କର-ଏ-ତୈବାର ୧୭ ଜଣ ପ୍ରତିଷ୍ଠାତା ସଦସ୍ୟଙ୍କ ମଧ୍ୟରୁ ଅନ୍ୟତମ ସଦସ୍ୟ ହମଜା ତାଙ୍କ ଘର ଭିତରେ ଏକ ଦୁର୍ଘଟଣା ଯୋଗୁଁ ଆହତ ହୋଇଛନ୍ତି। ସୋସିଆଲ ମିଡିଆରେ ଅନେକ ରିପୋର୍ଟରେ କୁହାଯାଇଛି ଯେ ତାଙ୍କୁ ଗୁଳି ବାଜିଛି। ତଥାପି, ତଦନ୍ତରୁ ଜଣାପଡିଛି ଯେ ଏହି ଅନୁମାନ ମିଥ୍ୟା।

ଆମିର ହମଜା ଆଫଗାନ ମୁଜାହିଦ୍ଦିନର ଜଣେ ଆଗ ଧାଡିର ସଦସ୍ୟ ଏବଂ ତାଙ୍କୁ ଲସ୍କର-ଏ-ତୈବାର ଜଣେ ପ୍ରମୁଖ ଆଦର୍ଶବାଦୀ ଆଗ ଧାଡିର ସଦସ୍ୟ ଭାବରେ ଦୀର୍ଘ ସମୟ ଧରି ବିବେଚନା କରାଯାଇଛି। ସେ ସଂଗ୍ରାମୀ ଭାଷଣ ଏବଂ ଉଚ୍ଚ କୋଟୀର ଲେଖକ ପାଇଁ ଜଣାଶୁଣା ।, ସେ ଥରେ ଲସ୍କର-ଏ-ତୈବାର ଦ୍ୱାରା ପ୍ରକାଶିତ ପବ୍ଲିକେସତ୍ନର ସଂପାଦକ ମଧ୍ୟ ଥିଲେ ଏବଂ ୨୦୦୨ରେ କାଫିଲା ଦା’ୱାତ ଔର ଶାହାଦତ (ଧର୍ମ ପରିବର୍ତ୍ତନ ଏବଂ ସହିଦ ହେବାର କାରାଭାନ) ସମେତ ଅନେକ ପୁସ୍ତକ ଲେଖିଛନ୍ତି।

ଯୁକ୍ତରାଷ୍ଟ୍ରର ଅର୍ଥ ବିଭାଗ ଲସ୍କର-ଏ-ତୈବାକୁ ଏକ ଆତଙ୍କବାଦୀ ସଂଗଠନ ଭାବରେ ନାମିତ କରିଛି ଏବଂ ଆମିର ହମଜାକୁ ଏକ କୁଖ୍ୟାତ ଆତଙ୍କବାଦୀ ଭାବରେ ତାଲିକାଭୁକ୍ତ କରିଛି। ସେ ଏଲଇଟିର କେନ୍ଦ୍ରୀୟ କମିଟିରେ କାର୍ଯ୍ୟ କରିଥିବା ଏବଂ ଅଟକ ଆତଙ୍କବାଦୀଙ୍କ ମୁକ୍ତି ପାଇଁ ପାଣ୍ଠି ସଂଗ୍ରହ, ଆତଙ୍କବାଦୀ ତିଆରି କରିବା  ଏବଂ ଆଲୋଚନାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ବିଶ୍ୱାସ କରାଯାଏ।

୨୦୧୮ ମସିହାରେ, ପାକିସ୍ତାନୀ କର୍ତ୍ତୃପକ୍ଷଙ୍କ ଦ୍ୱାରା ଏଲଇଟି-ସମ୍ପର୍କିତ ଦାତବ୍ୟ ସଂଗଠନ ଜମାତ-ଉଦ-ଦାୱା ଏବଂ ଫଲାହ-ଏ-ଇନସାନିୟତ ଫାଉଣ୍ଡେସନ ଉପରେ ଆର୍ଥିକ କାର୍ଯ୍ୟାନୁଷ୍ଠାନ ପରେ, ହମଜା ନିଜକୁ ଲସ୍କରରୁ ଦୂରେଇ ରଖିଥିବା ଜଣାପଡ଼ୁଛି। ପରବର୍ତ୍ତୀ ସମୟରେ ସେ ଜମ୍ମୁ ଏବଂ କାଶ୍ମୀର ସମେତ ବିଭିନ୍ନ ସ୍ଥାନରେ ଆତଙ୍କବାଦୀ କାର୍ଯ୍ୟକଳାପ ଜାରି ରଖିବା ପାଇଁ ଜୈଶ-ଏ-ମନକାଫା ନାମକ ଏକ ବିଭାଜିତ ଗୋଷ୍ଠୀ ପ୍ରତିଷ୍ଠା କରିଥିଲେ।

ଭାରତୀୟ ଗଣମାଧ୍ୟମ ଅନୁସାରେ, ଏହି ଗୋଷ୍ଠୀ ପାକିସ୍ତାନ ଭିତରେ ମୁକ୍ତ ଭାବରେ କାର୍ଯ୍ୟ କରୁଛି ଏବଂ ହମଜା, ଲସ୍କର-ଏ-ତୈବା ନେତୃତ୍ୱ ସହିତ ଘନିଷ୍ଠ ସମ୍ପର୍କରେ ରହିଛି।