ସାଇ ଧନଶୀକାଙ୍କୁ ବିବାହ କରିବେ ଅଭିନେତା ବିଶାଲ

ନୂଆଦିଲ୍ଲୀ: ତାମିଲ ଅଭିନେତା ବିଶାଲ କୃଷ୍ଣ ରେଡ୍ଡୀ ତାଙ୍କ ବିବାହ ଘୋଷଣା କରିଛନ୍ତି। ୪୭ ବର୍ଷୀୟ ଏହି ଅଭିନେତା ତାଙ୍କଠାରୁ ୧୨ ବର୍ଷ ସାନ ଅଭିନେତ୍ରୀଙ୍କ ସହ ବିବାହ କରିବାକୁ ପ୍ରସ୍ତୁତ। ହଁ! ବିଶାଲ ୩୫ ବର୍ଷୀୟା ଅଭିନେତ୍ରୀ ସାଇ ଧନଶିକାଙ୍କ ସହ ବିବାହ କରିବାକୁ ଯାଉଛନ୍ତି। ଚେନ୍ନାଇରେ ସମ୍ପ୍ରତି ଆୟୋଜିତ ‘ୟୋଗି ଦା’ ଚଳଚ୍ଚିତ୍ରର ସାମ୍ବାଦିକ ସମ୍ମିଳନୀ ସମୟରେ ଉଭୟ ଆନୁଷ୍ଠାନିକ ଭାବରେ ସେମାନଙ୍କ ସମ୍ପର୍କ ଘୋଷଣା କରିଥିଲେ।

ଧନଶିକା କହିଛନ୍ତି ଯେ ସେମାନେ ଗତ 15 ବର୍ଷ ଧରି ପରସ୍ପରକୁ ଜାଣନ୍ତି। ‘ପ୍ରାରମ୍ଭରେ, ଆମେ ଆମର ପ୍ରେମ ସଂପର୍କକୁ  ସାମ୍ନାକୁ ଆଣିବାକୁ ଚାହୁଁଥିଲୁ, କିନ୍ତୁ ଯେତେବେଳେ ସକାଳେ ସେହି ରିପୋର୍ଟ ଭାଇରାଲ ହେଲା, ମୋତେ ଲାଗିଲା ଯେ ଏବେ ଲୁଚାଇବା ପାଇଁ କିଛି ବାକି ନାହିଁ। ଆମେ 29 ଅଗଷ୍ଟରେ ବିବାହ କରିବାକୁ ଯାଉଛୁ। ମୁଁ ବିଶାଲକୁ ବହୁତ ଦିନ ଧରି ଜାଣିଛି। ସେ ସବୁବେଳେ ମୋ ସହିତ ସମ୍ମାନର ସହିତ ବ୍ୟବହାର କରିଛନ୍ତି। ଯେତେବେଳେ ମୁଁ ଏକ କଷ୍ଟକର ସମୟ ଦେଇ ଗତି କରୁଥିଲି, ସେ ମୋ ଘରକୁ ଆସିଥିଲେ ଏବଂ ମୋତେ ସାହାଯ୍ୟ କରିଥିଲେ। ଅନ୍ୟ କୌଣସି ଅଭିନେତା ଏପରି କରନ୍ତି ନାହିଁ। ତାଙ୍କର ଏହି ଆଚରଣ ମୋ ପାଇଁ ବହୁତ ଅର୍ଥ ରଖେ,’ ଅଭିନେତ୍ରୀ କହିଛନ୍ତି।

ସମ୍ପର୍କ ବିଷୟରେ, ସେ ଆହୁରି କହିଛନ୍ତି ‘ସମ୍ପ୍ରତି ଆମର କଥାବାର୍ତ୍ତା ଏବଂ ପାରସ୍ପରିକ ସମ୍ପର୍କ ବୃଦ୍ଧି ପାଇଛି ଏବଂ ଆମେ ଅନୁଭବ କରିଛୁ ଯେ ଆମେ ପରସ୍ପର ପାଇଁ ତିଆରି। ଆମ ଉଭୟଙ୍କ ପାରସ୍ପରିକ ସମ୍ମତିରେ, ଆମେ ବିବାହ କରିବା ଉଚିତ ବୋଲି ନିଷ୍ପତ୍ତି ନିଆଯାଇଛି। ମୁଁ କେବଳ ତାଙ୍କୁ ଖୁସି ରଖିବାକୁ ଚାହେଁ। ବିଶାଲ, ମୁଁ ତୁମକୁ ଭଲ ପାଏ।’

ଏ ସମ୍ପର୍କରେ କଥା ହୋଇ ବିଶାଲ ଆହୁରି କହିଛନ୍ତି, ‘ମୋର ବିବାହ ସ୍ଥିର ହୋଇଛି। ମୁଁ ମୋର ଜୀବନସାଥୀ ପାଇଯାଇଛି। ଧନଶିକାଙ୍କ ବାପା ମଧ୍ୟ ଏଠାରେ ଉପସ୍ଥିତ ଅଛନ୍ତି, ତାଙ୍କ ଆଶୀର୍ବାଦରେ ମୁଁ ଧନଶିକାଙ୍କୁ ମୋର ଜୀବନସାଥୀ କରୁଛି। ସେ ଜଣେ ଭଲ ବ୍ୟକ୍ତି ଏବଂ ମୁଁ ବହୁତ ଖୁସି।’