୮୦,୦୦୦ରୁ ଅଧିକ ଯୁବାଙ୍କୁ ସଶକ୍ତ କରିଛନ୍ତି ଭୂମି ଏବଂ ରିଅଲମି

ଭୁବନେଶ୍ୱର : ଯୁବ ସଶକ୍ତିକରଣ ଏବଂ ସାମାଜିକ ପରିବର୍ତନ ପାଇଁ ସମର୍ପିତ ଭାରତର ଅନ୍ୟତମ ଅଗ୍ରଣୀ ଅଣଲାଭକାରୀ ଅନୁଷ୍ଠାନ ଭୂମି, ବିଭିନ୍ନ ଶିକ୍ଷାଗତ ଏବଂ ଗୋଷ୍ଠୀ ବିକାଶ କାର୍ଯ୍ୟକ୍ରମ ମାଧ୍ୟମରେ ଏହାର ପ୍ରଭାବ ବିସ୍ତାର କରିବା ପାଇଁ ଭାରତୀୟ ଯୁବକମାନଙ୍କ ମଧ୍ୟରେ ସବୁଠାରୁ ଲୋକପ୍ରିୟ ସ୍ମାର୍ଟଫୋନ୍ ବ୍ରାଣ୍ଡ ରିଅଲମି ସହିତ ସହଭାଗିତା କରିଛି। ଏହି ସହଭାଗୀତା ଜରିଆରେ ରିଅଲମି ଅଧିକରୁ ଅଧିକ ଯୁବଗୋଷ୍ଠୀଙ୍କୁ ଏକ ଉଜ୍ଜ୍ୱଳ, ଅଧିକ ଆଶାଜନକ ଭବିଷ୍ୟତ ଗଠନ କରିବା ପାଇଁ ଉପଯୁକ୍ତ କୌଶଳ, ସମ୍ବଳ ଏବଂ ସୁଯୋଗ ପ୍ରଦାନ କରି ସେମାନଙ୍କୁ ସଶକ୍ତ କରିବା ପାଇଁ ଲକ୍ଷ୍ୟ ରଖିଛି। ଏହି ପଦକ୍ଷେପ ଭୂମିକୁ ଏକ ବୃହତ ସମୁଦାୟ ନିକଟରେ ପହଂଚିବା ଏବଂ ସମର୍ଥନ କରିବାରେ ସକ୍ଷମ କରିବ ଏବଂ ସେମାନଙ୍କୁ ଏକ ସଫଳ ମାର୍ଗ ନିର୍ମାଣ କରିବା ପାଇଁ ଆବଶ୍ୟକ ଉପକରଣ ପ୍ରଦାନ କରିବ ।

ଭୂମି ଏହି ସହଭାଗିତା ମାଧ୍ୟମରେ ଭୂମି ଫେଲୋସିପ୍‌, ସାମାଜିକ ଏବଂ ଭାବନାତ୍ମକ ଶିକ୍ଷା (ଏସ୍‌ଇଏଲ୍‌) କାର୍ଯ୍ୟକ୍ରମ, ସ୍କୁଲ ଅଫ ଏକ୍ସିଲେନ୍ସି, ଇଗ୍ନାଇଟ ଆଶ୍ରୟସ୍ଥଳୀ ଏବଂ ଭୂମି କ୍ଲବ୍ ଭଳି ପ୍ରମୁଖ ପଦକ୍ଷେପକୁ ସୁଦୃଢ଼ କରିବ। ଏହି କାର୍ଯ୍ୟକ୍ରମଗୁଡ଼ିକ ଶିକ୍ଷା, ନେତୃତ୍ୱ ଏବଂ ନାଗରିକ ସଂପୃକ୍ତି ବୃଦ୍ଧି, ଉପରେ ଗୁରୁତ୍ୱାରୋପ କରି ଅବହେଳିତ ଯୁବକମାନଙ୍କ ର ସାମଗ୍ରିକ ବିକାଶ ସୁନିଶ୍ଚିତ କରିବା ଉପରେ ଧ୍ୟାନ ଦେବ । ରିଅଲମି ଯୁବକମାନଙ୍କୁ ସଠିକ ଉପକରଣ, ସମ୍ବଳ ଏବଂ ଜ୍ଞାନ ସହିତ ସଶକ୍ତ କରି ଏକ ଉଜ୍ଜ୍ୱଳ, ଅଧିକ ସମାବେଶୀ ଭବିଷ୍ୟତ ଗଠନ ଦିଗରେ କାର୍ଯ୍ୟ କରୁଛି । ଭୂମି ଫେଲୋସିପ୍ ହେଉଛି ଏକ ଅନନ୍ୟ, ଦୁଇ ବର୍ଷର ପେଡ କାର୍ଯ୍ୟକ୍ରମ ଯାହା ଯୁବ ପରିବର୍ତନକାରୀମାନଙ୍କୁ ନିମ୍ନ ଆୟକାରୀ ସମୁଦାୟରେ ଶିକ୍ଷାଗତ ଅସମାନତାକୁ ଦୂର କରିବା ପାଇଁ ସଶକ୍ତ କରୁଛି । ଅଳ୍ପ ସମ୍ବଳ ଥିବା ସରକାରୀ ବିଦ୍ୟାଳୟରେ ସହଯୋଗୀମାନେ ହାତ ମିଳାଇ କାମ କରନ୍ତି, ମୌଳିକ ଦକ୍ଷତା ଶିକ୍ଷା ଦିଅନ୍ତି, ଶିକ୍ଷକମାନଙ୍କୁ ସହାୟତା କରନ୍ତି, ଅଭିଭାବକମାନଙ୍କୁ ନିୟୋଜିତ କରନ୍ତି ଏବଂ ସାମଗ୍ରିକ ବିଦ୍ୟାଳୟ ପରିବର୍ତନରେ ସାହାଯ୍ୟ କରନ୍ତି । ୨୦୨୦ ମସିହାରୁ ଏହି କାର୍ଯ୍ୟକ୍ରମରେ ୨୧ ଜଣ ଅଧ୍ୟାପକ ନିୟୋଜିତ ହୋଇଥିବା ବେଳେ ୫୩୫୨ ଜଣ ଛାତ୍ରଛାତ୍ରୀ ପ୍ରଭାବିତ ହୋଇଛନ୍ତି।

ଭୂମିର କାର୍ଯ୍ୟନିର୍ବାହୀ ନିର୍ଦେଶକ ବୈଷ୍ଣବୀ ଶ୍ରୀନିବାସନ କହିଛନ୍ତି ଯେ, “ଭୂମିରେ ଆମେ ସ୍ଥାୟୀ ପରିବର୍ତନ ଆଣିବା ପାଇଁ ଶିକ୍ଷାର ଶକ୍ତିରେ ବିଶ୍ୱାସ କରୁ ଏବଂ ରିଅଲମି ସହିତ ଆମେ ଏହି ମିଶନକୁ ପରବର୍ତୀ ସ୍ତରକୁ ନେବାରେ ସକ୍ଷମ ହୋଇଛୁ । ରିଅଲମିର ସମର୍ଥନରେ ଆମେ କେବଳ ଆମର ପହଂଚ ବଢାଉନାହୁଁ ବରଂ ଆମର କାର୍ଯ୍ୟକ୍ରମରେ ଅବିଶ୍ୱସନୀୟ ଗତି ମଧ୍ୟ ଯୋଡିଛୁ । ଆମେ ସମସ୍ତେ ମିଳିମିଶି ଦେଶର ପିଲା ଓ ଯୁବକମାନଙ୍କ ପାଇଁ ଶିଖିବା, ବଢିବା ଏବଂ ନେତୃତ୍ୱ ନେବା ପାଇଁ ଅର୍ଥପୂର୍ଣ୍ଣ ସୁଯୋଗ ସୃଷ୍ଟି କରୁଛୁ।” ଏହି ସହଭାଗିତା ଉପରେ ମତବ୍ୟକ୍ତ କରି ରିଅଲମି ଇଣ୍ଡିଆର ମୁଖ୍ୟ ମାର୍କେଟିଂ ଅଫିସର ତାଓ ଝାଙ୍ଗ କହିଛନ୍ତି ଯେ, “ଭୂମି ସହ ଆମର ସହଭାଗୀତା ଏହି ଦୃଷ୍ଟିକୋଣକୁ ପ୍ରତିଫଳିତ କରେ; ଶିକ୍ଷା, ଦକ୍ଷତା ଏବଂ ସୁଯୋଗ ର ଉପଲବ୍ଧତା ସହିତ ଯୁବକମାନଙ୍କୁ ସଶକ୍ତ କରିବା ଯାହା ପ୍ରକୃତରେ ସେମାନଙ୍କ ଜୀବନରେ ପରିବର୍ତନ ଆଣିପାରିବ । ଭୂମିର ଅବିଶ୍ୱସନୀୟ କାର୍ଯ୍ୟକୁ ସମର୍ଥନ କରିବା ଏବଂ ଅଭିନବତାକୁ ସାମାଜିକ ପ୍ରଭାବ ସହିତ ଯୋଡ଼ିବା ଅଭିଯାନର ଅଂଶ ହୋଇଥିବାରୁ ଆମେ ଗର୍ବ ଅନୁଭବ କରୁଛୁ।”

ଏହି କାର୍ଯ୍ୟକ୍ରମ ମାଧ୍ୟମରେ ସମଗ୍ର ଭାରତରେ ୭୦,୦୦୦ରୁ ଅଧିକ ସ୍କୁଲ ପିଲା ଏବଂ ୧୦,୦୦୦ ଛାତ୍ରଛାତ୍ରୀଙ୍କୁ ଗୁଣାତ୍ମକ ଶିକ୍ଷା, ଅତ୍ୟାବଶ୍ୟକ ଜୀବନ ଦକ୍ଷତା ଏବଂ ନେତୃତ୍ୱ ସୁଯୋଗ ରେ ସଶକ୍ତ କରାଯାଇଛି । ଭୂମି ଏବଂ ରିଅଲମି ମିଳିତ ଭାବେ ସାମାଜିକ ପ୍ରଗତି ପାଇଁ ସେମାନଙ୍କର ପ୍ରତିବଦ୍ଧତାକୁ ଦୋହରାଇଛନ୍ତି ଏବଂ ଏକ ଅଧିକ ସମାବେଶୀ ଏବଂ ସମାନ ସମାଜ ଗଠନରେ ଶିକ୍ଷା ଏବଂ ଯୁବ ସଶକ୍ତୀକରଣ ଅଗ୍ରଣୀ ରହିବ ବୋଲି ସୁନିଶ୍ଚିତ କରିଛନ୍ତି।