ଗାଡ଼ି ଚାଳକଙ୍କ ପାଇଁ ନୂଆ ଘୋଷଣା କଲେ କେନ୍ଦ୍ର ପରିବହନ ମନ୍ତ୍ରୀ ନିତିନ ଗଡକରୀ

ଯଦି ଆପଣଙ୍କର ମଧ୍ୟ ଏକ କାର ଅଛି ଓ ଦୁଇ-ଚାରି ବର୍ଷ ମଧ୍ୟରେ ଆପଣ ପୁରୁଣା କାର ବିକ୍ରୟ କରି ଏକ ନୂତନ କାର କିଣନ୍ତି, ତେବେ ଏହି ଖବର ଆପଣଙ୍କୁ ଖୁସି କରିଦେବ । ବୋଧହୁଏ ଏଥର ଯେତେବେଳେ ଆପଣ ଏକ ନୂତନ କାର କିଣିବାକୁ ଯାଆନ୍ତି, ସେତେବେଳେ ଆପଣ ଏକ ଭିନ୍ନ ଅନୁଭୂତି ପାଇବେ । ଆଜ୍ଞା ହଁ, ଯଦି କାର ଉତ୍ପାଦନକାରୀ କମ୍ପାନୀ ଗୁଡିକ କେନ୍ଦ୍ର ପରିବହନ ମନ୍ତ୍ରୀ (Union Transport Minister) ନିତିନ ଗଡକରୀ (Nitin Gadkari) ଙ୍କ କଥା ଉପରେ ଧ୍ୟାନ ଦିଅନ୍ତି, ତେବେ ଭବିଷ୍ୟତରେ ଏହା ସମ୍ଭବ ହୋଇପାରେ । ଆଜ୍ଞା ହଁ, କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ନିତିନ ଗଡକରୀ (Nitin Gadkari) କହିଛନ୍ତି ଯେ, ବର୍ତ୍ତମାନ ଫ୍ଲେକ୍ସ ଇନ୍ଧନ (Flex Fuel) ଓ ଇ-ଯାନ (E-Vehicle) କୁ ପ୍ରୋତ୍ସାହିତ କରିବାର ଆବଶ୍ୟକତା ରହିଛି ।

ନିତିନ ଗଡକରୀ (Nitin Gadkari) ଏପରି ଅଶୋଧିତ ତୈଳ ମୂଲ୍ୟ (Crude Oil Price) ରେ ଚାଲିଥିବା ପରିବର୍ତ୍ତନକୁ ମୁକାବିଲା କରିବା ପାଇଁ ଏହା କହିଛନ୍ତି । ନିତିନ ଗଡକରୀ (Nitin Gadkari) କହିଛନ୍ତି ଯେ, ଫ୍ଲେକ୍ସ ଇନ୍ଧନ (Flex Fuel) ପାଇଁ ଉପଯୁକ୍ତ ଯାନ ଗୁଡିକରେ ଏକରୁ ଅଧିକ ଇନ୍ଧନ କିମ୍ବା ଦୁଇଟି ଇନ୍ଧନ ମିଶ୍ରଣ କରି ସହଜରେ ବ୍ୟବହାର କରାଯାଇପାରିବ । ଏପରି ବାହନରେ ଇନ୍ଧନ ଭାବେ ପେଟ୍ରୋଲ ଓ ଇଥାନଲ / ମିଥାନୋଲକୁ ମିଶ୍ରିତ କରି ବ୍ୟବହାର କରାଯାଇଥାଏ । ସୋସାଇଟି ଅଫ୍ ଇଣ୍ଡିଆନ୍ ଅଟୋମୋବାଇଲ୍ ଉତ୍ପାଦକ (SIAM) କାର୍ଯ୍ୟକ୍ରମରେ ଯୋଗ ଦେଇ ସଡ଼କ ପରିବହନ ଓ ରାଜପଥ ମନ୍ତ୍ରୀ କହିଛନ୍ତି ଯେ, ଇନ୍ଧନର ମୂଲ୍ୟ ଅଧିକ ଥିବାରୁ ବିମାନ ଚଳାଚଳ କ୍ଷେତ୍ର ମଧ୍ୟ ସମସ୍ୟାର ସମ୍ମୁଖୀନ ହେଉଛି ।

ନିତିନ ଗଡକରୀ (Nitin Gadkari) କହିଛନ୍ତି ଯେ, “ଅଶୋଧିତ ତୈଳ ମୂଲ୍ୟ (Crude Oil Price) ରେ ପ୍ରତିବର୍ଷ ଅନେକ ପରିବର୍ତ୍ତନ ଆସେ । ଏହା ସମସ୍ୟା ସୃଷ୍ଟି କରେ … ଏହାର ମୁକାବିଲା ପାଇଁ ଆମକୁ ସମ୍ପୂର୍ଣ୍ଣ ଭିନ୍ନ ଇନ୍ଧନ ଯାନକୁ ପ୍ରୋତ୍ସାହିତ କରିବାକୁ ପଡ଼ିବ । ଦେଶରେ ୪୦ ପ୍ରତିଶତ ପ୍ରଦୂଷଣର କାରଣ ହେଉଛି ପେଟ୍ରୋଲ ଓ ଡିଜେଲ (Petrol-Diesel) ଭଳି ଇନ୍ଧନ । ଆମେ ଇଥାନଲ (Ethanol) ଉତ୍ପାଦନ ପାଇଁ ଅନେକ ଶିଳ୍ପକୁ ଉତ୍ସାହିତ କରୁଛୁ ।” କେନ୍ଦ୍ର ସଡ଼କ ପରିବହନ ମନ୍ତ୍ରୀ ଗଡକରୀ ଆହୁରି କହିଛନ୍ତି, ପ୍ରତ୍ୟକ୍ଷ ବା ପରୋକ୍ଷ ଭାବରେ ମୁଁ ଆପଣ ସମସ୍ତଙ୍କ ପାଇଁ ଜଣେ ଗୁରୁତ୍ୱପୂର୍ଣ୍ଣ ବ୍ୟକ୍ତି । ସେ ଏହା ମଧ୍ୟ କହିଛନ୍ତି ଯେ ତାଙ୍କ ମନ୍ତ୍ରଣାଳୟ ଦ୍ୱାରା ଯେଉଁ ରାସ୍ତା ବିକଶିତ ହେଉଛି, ସେଥିରୁ ଶିଳ୍ପକୁ ହିଁ ଅଧିକ ଲାଭ ହେବ । ସେ କହିଛନ୍ତି ଯେ, ତାଙ୍କ ମନ୍ତ୍ରଣାଳୟ ୨୭ଟି ନୂଆ ଏକ୍ସପ୍ରେସୱେ ନିର୍ମାଣ କରୁଛି ଓ ‘ରୋପୱେ’ ଓ ‘ଫ୍ୟୁନିକ୍ୟୁଲର ରେଲୱେ’ (କେବୁଲ ରେଳ) ସିଷ୍ଟମର ୨୬୦ ପ୍ରକଳ୍ପ ମିଳିଛି ।