ଶେଷ ଯାତ୍ରାରେ କେକେ, ପିତାଙ୍କ ବିୟୋଗରେ ଭାବୁକ ପୋଷ୍ଟ କଲେ ଝିଅ ତମାରା

ଶେଷ ଯାତ୍ରାରେ କୁଷ୍ଣ କୁମାର କୁନ୍ନାଥ। ମୁମ୍ଵାଇ ସ୍ଥିତି ବାସ ଭବନରୁ କେକେଙ୍କ ଶବ ଶୋଭାଯାତ୍ରା ବାହାରିଛି। ବର୍ସୋବା ଶ୍ମସାନ ଘାଟରେ ତାଙ୍କର ଶେଷକୃତ୍ୟ ହେବ। ଏଥିପାଇଁ ସମସ୍ତ ପ୍ରସ୍ତୁତି ସରିଛି। କେକେଙ୍କ ବାସଭବନରେ ଶେଷ ଦର୍ଶନ ପରେ ଏବେ ଶବ ଶୋଭାଯାତ୍ରା ବାହାରିଛି। ଫ୍ୟାନ୍ସଙ୍କ ଠାରୁ ନେଇ ବଲିଉଡର ବହୁ ତାରକା ଏହି ଶେଷ ଯାତ୍ରାରେ ସାମିଲ ହୋଇଛନ୍ତି। କେକେଙ୍କ ବିୟୋଗରେ ତାଙ୍କ ପରିବାର ଉପରେ ଦୁଃଖର ପାହାଡ଼ ଭାଙ୍ଗି ପଡ଼ିଛି। ପିତାଙ୍କ ବିୟୋଗରେ ମ୍ରିୟମାଣ ଝିଅ ତମାରା ସମ୍ପୂର୍ଣ୍ଣ ରୂପେ ଭାଙ୍ଗି ପଡ଼ିଛନ୍ତି। କେକେଙ୍କ ଅନ୍ତିମ ସଂସ୍କାର ପୂର୍ବରୁ ତମାରା ତାଙ୍କର ଇନଷ୍ଟାଗ୍ରାମ ଆକାଉଣ୍ଟରେ ଏକ ଇମୋଶନାଲ ପୋଷ୍ଟ କରିଛନ୍ତି। ସେ ଏକ ଫଟୋ ପୋଷ୍ଟ କରି ଲେଖିଛନ୍ତି ଯେ, ଲଭ୍ ୟୁ ଫରଏଭର୍ ଡାଡ୍।

ତେବେ ବହୁ ବଲିଉଡ ତାରକା କେକେଙ୍କ ଶେଷ ଯାତ୍ରାରେ ସାମିଲ ହୋଇ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସିଙ୍ଗର ଶିଳ୍ପା ରାଓ, ଅରବିନ୍ଦର ସିଂହ, ବିଶାଲ ଭରଦ୍ଵାଜ, ଶ୍ରେୟା ଘୋଷାଲ, ଅଳକା ୟାଗ୍ନିକ, ଜାବେଦ ଅଲ୍ଲୀ, ଅଭିଜିତ୍ ଭଟ୍ଟାଚାର୍ଯ୍ୟ, ରାହୁଲ ବୈଦ୍ୟ, ଉଦିତ୍ ନାରାୟଣ, ସଲୀମ ମର୍ଚେଣ୍ଟ ଆଦି ବହୁ କଳାକାର କେକେଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବାକୁ ତାଙ୍କର ବାସଭବନରେ ପହଞ୍ଚିଛନ୍ତି।