ଦୁର୍ବଳ ହେଲା ‘ଅସାନି’

ଭୀଷଣ ବାତ୍ୟା ‘ଅସାନି’ ଦୁର୍ବଳ ହୋଇ ବାତ୍ୟାରେ ପରିଣତ ହୋଇଛି । ‘ଅସାନି’ ଦୁର୍ବଳ ହେବା ପରେ ଆନ୍ଧ୍ରମୁହାଁ ହେଉଥିବା ସୂଚନା ଦେଇଛି ପାଣିପାଗ ବିଭାଗ । ଏଥିସହିତ ‘ଅସାନି’ ଘଣ୍ଟାକୁ ୧୨ କି.ମି ବେଗରେ ଗତିକରୁଥିବା କୁହାଯାଇଛି । ଏହାର ପ୍ରଭାବରେ ଆଜି ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ଆରମ୍ଭ ହୋଇଥିବା ଦେଖିବାକୁ ମିଳିଛି । କଟକ ସମେତ ରାଜଧାନୀ ଭୁବନେଶ୍ୱରେ ପ୍ରବଳ ବର୍ଷା ଆରମ୍ଭ ହୋଇଛି । ଆସନ୍ତାକାଲି ଯାଏ ରାଜ୍ୟର ୮ ଜିଲ୍ଲାରେ ବର୍ଷା ସମ୍ଭାବନା ଥିବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି । ଗଜପତି, ଗଞ୍ଜାମ ରାୟଗଡ଼ା ଓ କୋରାପୁଟରେ ବର୍ଷା ହେବା ନେଇ କୁହାଯାଇଥିବା ବେଳେ କଟକ, ଖୋର୍ଦ୍ଧା, ପୁରୀ ଓ ଜଗତସିଂହପୁରରେ ମଧ୍ୟ ବର୍ଷା ହେବାର ଆଶଙ୍କା ଥିବା ସୂଚନା ଦେଇଛି ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗ ।