ବକ୍ସ ଅଫିସ୍ରେ ଧମାଲ୍ କରୁଛି RRR, ୯୦୦ କୋଟିର କରିଛି ବ୍ୟବସାୟ
ବକ୍ସ ଅଫିସ୍ରେ ଧମାଲ୍ କରୁଛି ଏସ୍ଏସ୍ ରାଜମୌଲୀଙ୍କ ନିର୍ଦ୍ଦେଶିତ ଫିଲ୍ମ ଆରଆରଆର୍। ହିନ୍ଦୀ ବେଲ୍ଟରେ ୧୨ତମ ଦିନରେ ୧୯୦ କୋଟି ବ୍ୟବସାୟ କଲା ଫିଲ୍ମ। ବୁଧବାର ସୁଦ୍ଧା ଫିଲ୍ମ ୨୦୦ କୋଟି ପାର୍ କରିବ ବୋଲି ଆକଳନ କରାଯାଉଛି। ତେବେ ମଙ୍ଗଳବାର ସୁଦ୍ଧା ଫିଲ୍ମ ସୂର୍ଯ୍ୟବଂଶୀର ରେକର୍ଡ ଭାଙ୍ଗିଛି। ଦ କାଶ୍ମୀର ଫାଇଲ୍ସ୍କୁ ପଛରେ ପକାଇଛି ଆରଆରଆର୍।
ଏନଟିଆର ଏବଂ ରାମଚରଣଙ୍କ ଯୋଡ଼ି ସ୍କ୍ରିନ୍ରେ ଧମାଲ୍ କରୁଛି। ଐତିହାସିକ ଘଟଣା ଉପରେ ଆଧାରିତ ଏହି ଫିଲ୍ମକୁ ଦର୍ଶକମାନେ ଖୁବ୍ ପସନ୍ଦ କରୁଛନ୍ତି। ଉତ୍ତର ଭାରତରେ ଏହି ଫିଲ୍ମ ସବୁଠୁ ଅଧିକ ବ୍ୟବସାୟ କରିଛି। ଅପର ପକ୍ଷରେ ଫିଲ୍ମ ଆରଆରଆର୍ର ସଫଳତା ଉତ୍ସବ ପାଳନ କରିବାକୁ ନିକଟରେ ରାମଚରଣ ମୁମ୍ଵାଇ ଆସିଥିଲେ।
ୱାର୍ଲ୍ଡ ୱାଇଡ୍ ସବୁଠୁ ଅଧିକ ବ୍ୟବସାୟ କରିଥିବା ଫିଲ୍ମ ଗୁଡ଼ିକ ମଧ୍ୟରୁ ଆରଆରଆର ପଞ୍ଚମ ସ୍ଥାନରେ ରହିଛି। ବିଶ୍ଵ ସ୍ତରରେ ଏହି ଫିଲ୍ମ ଏଯାବତ୍ ୯୦୦ କୋଟି ବ୍ୟବସାୟ କରିଥିବା ବେଳେ ବଜରଙ୍ଗୀ ଭାଇଜାନ୍ ୯୬୯ କୋଟି, ବାହୁବଳୀ ୨- ଦ କନକ୍ଲୁଜନ୍ ୧୮୧୦ କୋଟି ଏବଂ ଦଙ୍ଗଲ ୨୦୨୪ କୋଟି ବ୍ୟବସାୟ କରିଥିଲା। ସଞ୍ଜୟ ଲୀଲା ଭଂସାଲୀଙ୍କ ଫିଲ୍ମ ଗଙ୍ଗୁବାଈ କାଠିଆୱାଡି, ଏବଂ କାଶ୍ମୀର ଫାଇଲ୍ସ ପରେ ଆରଆରଆର ଚଳିତ ବର୍ଷର ତୃତୀୟ ହିଟ୍ ଫିଲ୍ମ ହୋଇପାରିଛି।
Comments are closed.