ବଲିଉଡ ଅଭିନେତା ବରୁଣ ଧାୱନ ଇଣ୍ଡଷ୍ଟ୍ରିରେ ଅନେକ ହିଟ୍ ଫିଲ୍ମ ଦେଇଛନ୍ତି। ତାଙ୍କର ଚଳଚ୍ଚିତ୍ର ଗୁଡ଼ିକୁ ମଧ୍ୟ ତାଙ୍କ ଫ୍ୟାନ୍ସମାନେ ଖୁବ୍ ପସନ୍ଦ କରିଥାନ୍ତି । ଏହି ସମୟରେ ବରୁଣ ପ୍ରଶଂସକଙ୍କ ଖୁସି ଖବର ଆଣିଛନ୍ତି। ଯାହା ଶୁଣି ସେମାନେ ଖୁସି ହେବେ । କୁହାଯାଉଛି ଯେ ବରୁଣ ଶୀଘ୍ର ହଲିଉଡରେ ଡେବ୍ୟୁ କରିପାରନ୍ତି। କେବଳ ଏତିକି ନୁହେଁ, ଏହା ତାଙ୍କର OTT ଡେବ୍ୟୁ ମଧ୍ୟ ହୋଇପାରେ । ପ୍ରୋଜେକ୍ଟ ବିଷୟରେ କହିବାକୁ ଗଲେ ସେଥିରେ ପ୍ରିୟଙ୍କା ଚୋପ୍ରା ମଧ୍ୟ ଅଛନ୍ତି । ନିକଟରେ ଏକ ଇଭେଣ୍ଟରେ, ବରୁଣ ତାଙ୍କର OTT ଡେବ୍ୟୁ ବିଷୟରେ ଏକ ସୂଚନା ଦେଇଥିଲେ । ସେ କହିଥିଲେ, ‘ମୁଁ ଏହି ପ୍ଲାଟଫର୍ମକୁ ଭଲ ପାଏ। ଏଥିପାଇଁ ମୁଁ ମଧ୍ୟ ବହୁତ ଉତ୍ସାହିତ ଅଛି । ତେବେ ଏହା ବ୍ୟତୀତ ଅଧିକ କିଛି ସୂଚନା ଦେଇ ନାହାଁନ୍ତି।
କହିବାକୁ ଗଲେ ବରୁଣଙ୍କର ଆଗକୁ ୨ଟି ଫିଲ୍ମ ରହିଛି । ଯାହା ରିଲିଜ୍ ପାଇଁ ସମ୍ପୂର୍ଣ୍ଣ ପ୍ରସ୍ତୁତ। ଯେଉଁଥିରେ ଗୋଟିଏ ହେଲା ଭେଡିଆ ଅନ୍ୟଟି ଜୁଗ୍-ଜୁଗ୍ ଜିଓ। ଭେଡ଼ିଆରେ ବରୁଣଙ୍କ ସହ କ୍ରିତି ସାନନ୍ ମୁଖ୍ୟ ଭୂମିକାରେ ନଜର ଆସିବେ । ଏଥି ସହିତ ଜୁଗ୍-ଜୁଗ୍ ଜିଓରେ କିଆରା ଆଡଭାନି, ଅନିଲ କପୁର, ନୀତୁ କସିଂ ଏବଂ ବରୁଣ ମୁଖ୍ୟ ଭୂମିକାରେ ନଜର ଆସିବେ ।
ଉଲ୍ଲେଖଥାଉ କି, ନିକଟରେ ବରୁଣ ସୋସିଆଲ ମିଡିଆରେ ଏକ ଷ୍ଟୋରୀରେ କିଛି ସେୟାର କରିଥିଲେ । ଯାହା ଜଣାପଡୁଛି ଯେ ସେ ଜାହ୍ନବୀ କପୁରଙ୍କ ସହ ମଧ୍ୟ କିଛି କାମ କରିବାକୁ ଯାଉଛନ୍ତି। ଯଦି ଉଭୟ ଏକାଠି କାମ କରିବେ ତେବେ ଏହା ସେମାନଙ୍କର ପ୍ରଥମ ପ୍ରୋଜେକ୍ଟ ହେବ।
Comments are closed.