ଅଲ୍ରାଉଣ୍ଡ ପ୍ରଦର୍ଶନ ଫଳରେ ଆମର ଅନେକ ସମସ୍ୟା ଦୂର ହୋଇଛି: ରୋହିତ
ଅଲ୍ରାଉଣ୍ଡ ପ୍ରଦର୍ଶନ ବଳରେ ୱେଷ୍ଟ ଇଣ୍ଡିଜ ବିପକ୍ଷ ଦିନିକିଆ ସିରିଜ ମୂଳପୋଛ ହୋଇଥିବା ଅଧିନାୟକ ରୋହିତ ଶର୍ମା ପ୍ରକାଶ କରିଛନ୍ତି । ମ୍ୟାଚ୍ ପରେ ସେ କହିଥିଲେ ଯେ, ଏହି ସିରିଜ ଜରିଆରେ ଆମର ଅନେକ ତ୍ରୁଟି ଓ ସମସ୍ୟା ଦୂର ହୋଇଛି । ବ୍ୟାଟିଂ ଓ ବୋଲିଂ ବିଭାଗରେ ଦେଖା ଦେଇଥିବା ତ୍ରୁଟିକୁ ଦୂର କରିପାରିଛୁ । ପେସ୍ ବୋଲିଂ ଓ ଅଲ୍ରାଉଣ୍ଡର ବିଭାଗରେ ଆମକୁ ଅନେକ ବିକଳ୍ପ ମିଳିଛି । ବ୍ୟାଟିଂ କ୍ରମରେ ଅନେକ ପରୀକ୍ଷା ନିରୀକ୍ଷା କରି ପ୍ରତି ସ୍ଥାନ ପାଇଁ ଉପଯୁକ୍ତ ବ୍ୟାଟ୍ସମ୍ୟାନ ପାଇଛୁ ।
ପ୍ରସିଦ୍ଧ କ୍ରିଷ୍ଣା ସମ୍ପୂର୍ଣ୍ଣ ସିରିଜରେ ବେଶ ଚମତ୍କାର ବୋଲିଂ କରିଥିଲେ । ସିରାଜଙ୍କ ବୋଲିଂ ମଧ୍ୟ ପ୍ରଭାବଶାଳୀ ରହିଥିଲା । ଦୀପକପ ଚହର ଓ ସର୍ଦୁଲ ଠାକୁର ସୁଯୋଗର ସଦୁପଯୋଗ କରିଥିଲେ । ଦୀର୍ଘ ଦିନ ପରେ ଦଳକୁ ଫେରିଥିବା କୁଲଦୀପ ଯାଦବଙ୍କ ପ୍ରଦର୍ଶନକୁ ମଧ୍ୟ ରୋହିତ ପ୍ରଶଂସା କରିବାକୁ ଭୁଲି ନଥିଲେ । ସେ କହିଥିଲେ ଉଭୟ ଚହଲ ଓ କୁଲଦୀପ ଆମ ଦଳର ପ୍ରମୁଖ ସ୍ପିନର । ସେମାନଙ୍କୁ ଉଚିତ ସମୟରେ ସୁଯୋଗ ଦେବା ଓ ଆବଶ୍ୟକ ସ୍ଥାନରେ ବ୍ୟବହାର କରିବା ଜରୁରିଥିଲା ।
କୋହଲି ଅଧିନାୟକ ଦାୟିତ୍ୱ ଛାଡ଼ିବା ପରେ ଦେଖା ଦେଇଥିବା ବିବାଦକୁ ନେଇ ଚିନ୍ତିତ ନଥିବା ରୋହିତ ଦର୍ଶାଇଥିଲେ । ସେ କହିଥିଲେ, ଡ୍ରେସିଂରୁମ୍କୁ କୌଣସି ବିବାଦ ପ୍ରଭାବିତ କରିବ ନାହିଁ । ଆମେ ପେସାଦାର ଖେଳାଳି ଇ ନିଜ ନିଜ ଦାୟିତ୍ୱ ପ୍ରତି ଅବଗତ ।
Comments are closed.