ଲମ୍ବା ବ୍ରେକ ପରେ ସୁଟିଙ୍ଗକୁ ଫେରିଲେ କିଙ୍ଗ ଖାନ
କ୍ରୁଜ୍ ଡ୍ରଗ୍ସ ମାମଲାରେ ଆର୍ଯ୍ୟନ୍ ଖାନଙ୍କ ନାମ ଆସିବା ପର ଠାରୁ ଶାହରୁଖ ଖାନ ଏବଂ ତାଙ୍କ ପରିବାର ପାଇଁ ଅସୁବିଧା ଭରି ରହିଥିଲା। ତେବେ, ବର୍ତ୍ତମାନ ତାଙ୍କ ଲାଇଫ୍ ପୂର୍ବ ପରି ଫେରି ଆସିଛି ଏବଂ ପ୍ରାୟ ୩ ମାସ ପରେ ଶାହାରୁଖଙ୍କୁ ଏକ ସୁଟିଂ ସେଟରେ ଦେଖିବାକୁ ମିଳିଛି। ସୁଟିଂ ସେଟରୁ ଅଭିନେତାଙ୍କ ଫଟୋ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ‘କିଙ୍ଗ ଖାନ’ ଲୁକରେ ନଜର ଆସିଛନ୍ତି।
View this post on Instagram
ଶାହାରୁଖ ଖାନଙ୍କ ଫଟୋ ଇନଷ୍ଟାଗ୍ରାମରେ ଭାଇରାଲ ହେବାରେ ଲାଗିଛି। ଯେଉଁଥିରେ ଶାହାରୁଖ ତାଙ୍କ ବଡିଗାର୍ଡଙ୍କ ସହ ସୁଟିଂ କରିବାକୁ ଯାଉଛନ୍ତି। ଏହି ସମୟରେ ତାଙ୍କୁ କଳା ଟି-ସାର୍ଟ ଏବଂ ଚଷମା ପିନ୍ଧିଥିବାର ଦେଖାଯାଇଛି। ସେ ତାଙ୍କର କେଶ ବାନ୍ଧିଥିବାର ନଜର ଆସିଛନ୍ତି। ଅଭିନେତାଙ୍କ ଏହି ଫଟୋ ତାଙ୍କ ଫ୍ୟାନ୍ କ୍ଲବରେ ସେୟାର କରାଯାଇଛି। ଏହି ଭାଇରାଲ ଫଟୋକୁ ନେଇ ଆଲୋଚନା ହେଉଛି ଯେ ଶାହାରୁଖ ଖାନ ତାଙ୍କ ଫିଲ୍ମ ପଠାନର ସୁଟିଂ ଶେଷ କରିଛନ୍ତି। ଆଉ କିଛି ରିପୋର୍ଟରେ ଦର୍ଶାଯାଇଛି ଯେ ସେ ଏକ ବିଜ୍ଞାପନର ସୁଟିଂ ପାଇଁ ପହଞ୍ଚିଛନ୍ତି। ତେବେ ଏପର୍ଯ୍ୟନ୍ତ କୌଣସି ଅଭିନେତା କିମ୍ବା ଫିଲ୍ମ ନିର୍ମାତାଙ୍କଠାରୁ କୌଣସି ଅଫିସିଆଲି ସୂଚନା ସାମ୍ନାକୁ ଆସି ନାହିଁ। ତେବେ ଅଭିନେତାଙ୍କ ଫଟୋ ଦେଖିବା ପରେ ତାଙ୍କ ପ୍ରଶଂସକ ଖୁସି ହୋଇଯାଇଛନ୍ତି।
Comments are closed.