‘ବିଜୟ ଦିବସ’ ପାଳନ କରିବା ସହ ଦିଲ୍ଳୀ ବର୍ଡରରୁ ଘରକୁ ଫେରୁଛନ୍ତି ଚାଷୀ

ଗତ ଏକ ବର୍ଷ ଧରି କୃଷି ଆଇନ ବିରୋଧରେ ଚାଲିଥିବା କୃଷକ ଆନ୍ଦୋଳନ ଆଜି ଶେଷ ହୋଇଛି। ଆଜି ବିଜୟ ଦିବସ ସହିତ ଦିଲ୍ଲୀର ସିଙ୍ଘୁ, ଟିକରି ଓ ଗାଜିପୁର ବର୍ଡରେ କୃଷକମାନେ ଘରକୁ ଫେରିବା ଆରମ୍ଭ କରିଛନ୍ତି। ଆନ୍ଦୋଳନ ଶେଷ କରିବାର ଘୋଷଣା ସହିତ କୃଷକମାନେ ଘରକୁ ଫେରିବା ପାଇଁ ୧୧ ଓ ୧୨ ଡିସେମ୍ବର ତାରିଖ ଧାର୍ଯ୍ୟ କରିଥିଲେ।

କୃଷକ ଆନ୍ଦୋଳନର ନେତା ରାକେଶ ଟିକାୟତ କହିଛନ୍ତି, କୃଷକଙ୍କ ଏକ ଗୋଷ୍ଠୀ କାଲି ସକାଳ ୮ଟା ବେଳେ ଏହି ଅଞ୍ଚଳ ଖାଲି କରିଦେବେ। ଆଜିର ବୈଠକରେ ଆମେ କଥା ହେବୁ, ପ୍ରାର୍ଥନା କରିବୁ ଓ ସେହି ଲୋକଙ୍କୁ ଭେଟିବୁ ଯେଉଁମାନେ ଆମର ସାହାଯ୍ୟ କରିଥିଲେ। ଲୋକଙ୍କୁ ଖାଲି କରିବାରେ ୪-୫ ଦିନ ସମୟ ଲାଗିବ। ଆନ୍ଦୋଳନ ଶେଷ ସ୍ଥଗିତ ହେବାପରେ କୃଷକମାନେ ଆଜି ପୁରା ଦେଶରେ ବିଜୟ ଦିବସ ପାଳନ କରିବାର ଘୋଷଣା କରିଥିଲେ। ପଞ୍ଜାବର କୃଷକ ଦିଲ୍ଲୀର ସିଙ୍ଘୁ ବର୍ଡରୁ କୃଷକଙ୍କୁ ଅମ୍ବାଲା ପର୍ଯ୍ୟନ୍ତ ସାଙ୍ଗରେ ନେଇଯିବେ ଓ ପରେ ନିଜ ନିଜ ଜିଲ୍ଲା ଅଭିମୁଖେ ଯିବେ। କିନ୍ତୁ ଯେଉଁମାନଙ୍କ ଘର ଦୂରରେ ରହିଛି, ସେମାନେ ଫତେହପୁର ସାହିବରେ ଆଜି ରାତିରେ ବିଶ୍ରମ ନେବେ। ସେଭଳି ଟିକରି ବର୍ଡନରେ ଆନ୍ଦୋଳନ କରୁଥିବା କୃଷକ ପଟିୟାଲା ରାସ୍ତା ଦେଇ ପଞ୍ଜାବ ପହଁଞ୍ଚିବେ।