ପରୋଲୋକରେ ବୀରେନ୍ଦ୍ର ପ୍ରତାପ ସ୍ୱାଇଁଙ୍କ ପତ୍ନୀ ପୂଣ୍ୟପ୍ରଭା ମହାପାତ୍ର

ବିଶିଷ୍ଟ ବ୍ୟବସାୟୀ ତଥା ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ବଡ ଭାଇ ଶ୍ରୀ ବୀରେନ୍ଦ୍ର ପ୍ରତାପ ସ୍ୱାଇଁଙ୍କ ପତ୍ନୀ ପୂଣ୍ୟପ୍ରଭା ମହାପାତ୍ରଙ୍କ ୬୨ ବର୍ଷ ବୟସରେ ଭୁବନେଶ୍ୱରସ୍ଥିତ ଏକ ଘରୋଇ ହସ୍ପିଟାଲରେ ପରୋଲକ ଘଟିଛି । ଗତ କିଛି ଦିନ ତଳେ ପୂଣ୍ୟପ୍ରଭାଙ୍କ ସ୍ୱାସ୍ଥ୍ୟବସ୍ଥା ବିଗିଡିଯାଇଥିବାବେଳେ ତାଙ୍କୁ ଏକ ଘରୋଇ ହସ୍ପିଟାଲରେ ଚିକିତ୍ସା ଚାଲିଥିଲା । ଗତକାଲି ତାଙ୍କ ପାର୍ଥିବ ଶରୀରକୁ ଚାନ୍ଦିନୀଚୌକସ୍ଥିତ ବାସଭବନକୁ ଅଣାଯାଇଥିଲା । ଅନ୍ତିମ ଶଯ୍ୟା ନିକଟରେ ସ୍ୱାମୀ ବିରେନ୍ଦ୍ର ପ୍ରତାପ ସ୍ୱାଇଁ , ଦିଅର ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ , ପୂର୍ଣ୍ଣେନ୍ଦୁ ପ୍ରତାପ ସ୍ୱାଇଁ, ଅଜୟ ପ୍ରତାପ ସ୍ୱାଇଁ, ବଡ ପୁଅ ସମରେନ୍ଦ୍ର ପ୍ରତାପ ସ୍ୱାଇଁ, ସାନ ପୁଅ ଅମରେନ୍ଦ୍ର ପ୍ରତାପ ସ୍ୱାଇଁ ଏବଂ ପରିବାରର ବର୍ଗର ସମସ୍ତେ ଉପସ୍ଥିତ ଥିଲେ ।
ଅନେକ ବିଶିଷ୍ଟ ବ୍ୟକ୍ତି ତାଙ୍କ ଶେଷ ଦର୍ଶନ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ପୁରୀ ସ୍ୱର୍ଗ ଦ୍ୱାରରେ ତାଙ୍କ ଅନ୍ତିମ ସଂସ୍କାର କରାଯାଇଥିଲା । ବଡ ପୁଅ ସମରେନ୍ଦ୍ର ତାଙ୍କୁ ମୁଖାଗ୍ନି ଦେଇଥିଲେ ।