ପାକିସ୍ତାନରେ ବିସ୍ଫୋରଣ: ୩ ମୃତ, ୪୦ ଆହତ

ଆଫଗାନିସ୍ତାନରେ କଠୋରପନ୍ଥୀ ତାଲିବାନୀଙ୍କ କବଜା ପରେ ଏହାର ପ୍ରତିକ୍ରୀୟା ପକିସ୍ତାନରେ ଦେଖିବାକୁ ମିଳିଛି। ପାକିସ୍ତାନର ସିନ୍ଧ ପ୍ରଦେଶରେ ଗୁରୁବାର ହୋଇଛି ବିସ୍ଫୋରଣ। ଏଥିରେ ଶିୟା ସମ୍ପ୍ରଦାୟର ୩ ଜଣଙ୍କର ମୃତ୍ୟୁ ହୋଇଛି ଓ ୪୦ ଜଣ ଆହତ ହୋଇଛନ୍ତି। ପାକିସ୍ତାନର ସିନ୍ଧ ପ୍ରଦେଶର ବାହୱାନ ନଗରରେ ଶିୟା ସମ୍ପ୍ରଦାୟର ଲୋକ ଶୋଭାଯାତ୍ରାରେ ବାହାରିଥିବା ବେଳେ ଏହି ବିସ୍ଫୋରଣ ହୋଇଥିଲା। ବିସ୍ଫୋରଣ ପରେ ଘଟଣାସ୍ଥଳରେ ଲୋକମାନେ ଧାଁ ଦଉଡ କରିବାରେ ଲାଗିଥିଲେ। ଏହାର ଲାଭ ଉଠାଇ ଆକ୍ରମଣକାରୀମାନେ ମଧ୍ୟ ଫେରାର ହୋଇଯାଇଛନ୍ତି।

ଉଲ୍ଲେଖନୀୟ ଯେ, ପାକିସ୍ତାନରେ ଯଦିଓ ମୁସଲମାନ ବହୁଳ ରାଷ୍ଟ୍ର, କିନ୍ତୁ ସେଠାରେ ଶିଆ, ଅହମ୍ମଦି ଓ କାଦିୟାନୀ ମୁସଲମାନଙ୍କ ବିରୋଧରେ ସବୁବେଳେ କଠୋରପନ୍ଥୀମାନେ ଆକ୍ରମଣ କରନ୍ତି । କଠୋରପନ୍ଥୀଙ୍କ ଚାପରେ ପାକିସ୍ତାନ ସରକାର ଆଇନ ତିଆରି କରି ଅହମ୍ମଦିଆଙ୍କୁ ଅଣମୁସଲମାନ ମଧ୍ୟ ଘୋଷିତ କରିସାରିଛି। ସେଭଳି ଶିଆ ସମ୍ପ୍ରଦାୟର ମୁସଲମାନଙ୍କ ଉପରେ କଠୋରପନ୍ଥୀମାନେ ପ୍ରତିଦିନ ଆକ୍ରମଣ କରନ୍ତି।